1101. පඤ්චස්කන්‍ධයන් අතුරෙහි සාලම්බනයෝ කෙතෙක, අනාලම්බනයෝ කෙතෙක ... සප්තචිත්තයන් අතුරෙහි සාලම්බනයෝ කෙතෙක, අනාලම්බනයෝ කෙතෙක යත්:
1102. රූපස්කන්‍ධය අනාලම්බන යැ, (වේදනාදී) සතර ස්කන්‍ධයෝ සාලම්බනයෝ යි.
ආයතනයෝ දස දෙනෙක් අනාලම්බනයෝ යැ. මනායතනය සාලම්බන යැ. ධර්‍මායතනය සාලම්බන වියහෙයි, අනාලම්බන වියහේ.
ධාතූහු දස දෙනෙක් අනාලම්බනයෝ යැ. ධාතූහු සත් දෙනෙක් සාලම්බනයෝ යැ. ධර්‍මධාතු සාලම්බන වියහෙයි, අනාලම්බන වියහේ.
සත්‍යයෝ දෙදෙනෙක් සාලම්බනයෝ යැ. නිරෝධසත්‍යය අනාම්බන යැ. දුඃඛසත්‍යය සාලම්බන වියහෙයි, අනාලම්බන වියහේ.
ඉන්‍ද්‍රියයෝ සත් දෙනෙක් අනාලම්බනයෝ යැ. ඉන්‍ද්‍රියයෝ තුදුස් දෙනෙක් සාලම්බනයෝ යැ. ජීවිතින්‍ද්‍රිය ය සාලම්බන වියහෙයි, අනාලම්බන වියහේ.
හේතූහු නව දෙන සාලම්බනයෝ යි. කවලීකාරආහාරය අනාලම්බන යැ. (ස්පර්‍ශාදි) තුන් ආහාරයෝ සාලම්බනයෝ යි.
සප්ත ස්පර්‍ශයෝ ... සප්තවේදනාවෝ ... සප්තසංඥාවෝ ... සප්තචේතනාවෝ ... සප්තචිත්තයෝ සාලම්බනයෝ යි.
1103. පඤ්චස්කන්‍ධයන් අතුරෙහි සාලම්බනාලම්බනයෝ කෙතෙක, අනාලම්බන, ලම්බනයෝ කෙතෙක ... සප්ත චිත්තයන් අතුරෙහි සාලම්බනාලම්බනයෝ කෙතෙක, අනාලම්බනාලම්බනයෝ කෙතෙක යත්:
1104. රූපස්කන්‍ධය අනාලම්බන යැ. (වේදනාදී) සතර ස්කන්‍ධයෝ සාලම්බනාලම්බන වියහෙති, අනාලම්බනාලම්බන වියහෙත්.
ආයතනයෝ දස දෙනෙක් අනාලම්බනයෝ යැ. මනායතනය සාලම්බනාලම්බන වියහෙයි, අනාලම්බනාලම්බන වියහෙයි. ධර්‍මායතනය සාලම්බනාලම්බන වියහෙයි, අනාලම්බනාලම්බන වියහෙයි, අනාලම්බන වියහේ.
ධාතූහු දස දෙනෙක් අනාලම්බනයෝ යැ. ධාතූහු සදෙනෙක් අනාලම්බනාලම්බනයෝ යැ. මනෝවිඥානධාතු සාලම්බනාලම්බන වියහෙයි, අනාලම්බනාලම්බන වියහෙයි. ධර්‍මධාතු සාලම්බනාලම්බන වියහෙයි, අනාලම්බනාලම්බන වියහෙයි, අනාලම්බන වියහේ.
නිරෝධසත්‍යය අනාලම්බන යැ. මාර්‍ගසත්‍යය අනාලම්බනාලම්බන යැ. සමුදයසත්‍යය සාලම්බනාලම්බන වියහෙයි, අනාලම්බනාලම්බන වියහෙයි. දුඃඛසත්‍යය සාලම්බනාලම්බන වියහෙයි, අනාලම්බනාලම්බන වියහෙයි, අනාලම්බන වියහේ.
ඉන්‍ද්‍රියයෝ සත් දෙනෙක් අනාලම්බනයෝ යැ. ඉන්‍ද්‍රියයෝ පස් දෙනෙක් අනාලම්බනාලම්බනයෝ යැ. ඉන්‍ද්‍රියයෝ නව දෙනෙක් සාලම්බනාලම්බන වියහෙති, අනාලම්බනාලම්බන වියහෙති. ජීවිතේන්‍ද්‍රිය සාලම්බනාලම්බන වියහෙයි, අනාලම්බනාලම්බන වියහෙයි, අනාලම්බන වියහේ.
නව හේතූහු සාලම්බනාලම්බන වියහෙති. අනාලම්බනාලම්බන වියහෙත්.
කවලීකාහාරය අනාලම්බන යැ. (ස්පර්‍ශාදි) තුන් ආහාරයෝ සාලම්බනාලම්බන වියහෙති. අනාලම්බනාලම්බන වියහෙත්.
ස්පර්‍ශයෝ සදෙන අනාලම්බනාලම්බනයෝ යැ. මනෝවිඥානධාතුසංස්පර්‍ශය සාලම්බනාලම්බන වියහෙයි, අනාලම්බනාලම්බන වියහේ.
වේදනාවෝ සදෙන ... සංඥාවෝ සදෙන ... චේතනාවෝ සදෙන ... චිත්තයෝ සදෙන අනාලම්බනාලම්බනයෝ යැ. මනෝවිඥානධාතු සාලම්බනාලම්බන වියහෙයි, අනාලම්බනාලම්බන වියහේ.
9.
1105. පඤ්චස්කන්‍ධයන් අතුරෙහි දෘෂ්ටයෝ (ඇසින් බලා දතහැක්කාහු) කෙතෙක, ශ්‍රැතයෝ (කනින් අසා දතහැක්කාහු) කෙතෙක, මුතයෝ (ස්පර්‍ශ කොට දත හැක්කාහු) කෙතෙක, විඥාතයෝ (මනෝවිඥානයෙන් දතයුත්තාහු) කෙතෙක, දෘෂ්ට නො වූවාහු කෙතෙක, ශ්‍රැත නො වූවාහු කෙතෙක, මුත නො වූවාහු කෙතෙක, විඥාත නො වූවාහු කෙතෙක ... සප්තචිත්තයන් අතුරෙහි දෘෂ්ටයෝ කෙතෙක, ශ්‍රැතයෝ කෙතෙක, මුතයෝ කෙතෙක, විඥාතයෝ කෙතෙක, දෘෂ්ට නො වූවාහු කෙතෙක, ශ්‍රැත නො වූවාහු කෙතෙක, මුත නො වූවාහු කෙතෙක, විඥාත නො වූවාහු කෙතෙක යත්:
1106. රූපස්කන්‍ධය දෘෂ්ට වියහෙයි, ශ්‍රැත වියහෙයි, මුත වියහෙයි, විඥාත වියහෙයි, දෘෂ්ට නො වියහෙයි, ශ්‍රැත නො වියහෙයි, මුත නො වියහෙයි, විඥාත නො වියහෙයි, (වේදනාදී) සතර ස්කන්‍ධයෝ දෘෂ්ට නො වෙති, ශ්‍රැත නො වෙති, මුත නො වෙති, විඥාතයෝ යි.
රූපායතනය දෘෂ්ට යැ, ශ්‍රැත නො වෙයි, මුත නො වෙයි, විඥාත යි. ශබ්දායතනය දෘෂ්ට නො වෙයි, ශ්‍රැත යැ, මුත නො වෙයි, විඥාත යි. ගන්‍ධායතනය රසායතනය ස්ප්‍රෂ්ටව්‍යායතනය දෘෂ්ට නො වෙයි, ශ්‍රැත නො වෙයි, මුත යැ, විඥාත යි. (අවශේෂ) සප්තායතනයෝ දෘෂ්ට නො වෙති, ශ්‍රැත නො වෙති, මුත නො වෙති, විඥාතයෝ යි.
රූපධාතු දෘෂ්ට යැ, ශ්‍රැත නො ව මුත නො ව විඥාත යි. ශබ්දධාතු දෘෂ්ට නො වෙයි, ශ්‍රැත යැ, මුත නොව විඥාත යි. ගන්‍ධධාතු රසධාතු ස්ප්‍රෂ්ටව්‍යධාතු දෘෂ්ට නොව, ශ්‍රැත නොව මුත යැ, විඥාත යි. (අවශේෂ) තෙළෙස් ධාතූහු දෘෂ්ට නොව, ශ්‍රැත නොව, මුත නොව, විඥාතයෝ යි.
(සමුදයාදී) තුන් සත්‍යයෝ දෘෂ්ට නොව, ශ්‍රැත නොව, මුත නොව, විඥාතයෝ යි. දුඃඛසත්‍යය දෘෂ්ට වියහෙයි, ශ්‍රැත වියහෙයි, මුත වියහෙයි, විඥාත වියහෙයි, දෘෂ්ට ශ්‍රැත මුත විඥාත නො වියහේ.
දෙවිසි ඉන්‍ද්‍රියයෝ දෘෂ්ට නොව ශ්‍රැත නොව මුත නොව විඥාතයෝ යි.
නව හේතූහු දෘෂ්ට නොව ශ්‍රැත නොව මුත නොව විඥාතයෝ යි.
සතර ආහාරයෝ දෘෂ්ට නොව ශ්‍රැත නොව මුත නොව විඥාතයෝ යි.
සප්තස්පර්‍ශයෝ දෘෂ්ට නොව ශ්‍රැත නොව මුත නොව විඥාතයෝ යි.
සප්තවේදනාවෝ - සප්තසංඥාවෝ - සප්තචේතනාවෝ - සප්ත චිත්තයෝ දෘෂ්ට නොව ශ්‍රැත නොව මුත නොව විඥාතයෝ යි.