1105. පඤ්චස්කන්‍ධයන් අතුරෙහි දෘෂ්ටයෝ (ඇසින් බලා දතහැක්කාහු) කෙතෙක, ශ්‍රැතයෝ (කනින් අසා දතහැක්කාහු) කෙතෙක, මුතයෝ (ස්පර්‍ශ කොට දත හැක්කාහු) කෙතෙක, විඥාතයෝ (මනෝවිඥානයෙන් දතයුත්තාහු) කෙතෙක, දෘෂ්ට නො වූවාහු කෙතෙක, ශ්‍රැත නො වූවාහු කෙතෙක, මුත නො වූවාහු කෙතෙක, විඥාත නො වූවාහු කෙතෙක ... සප්තචිත්තයන් අතුරෙහි දෘෂ්ටයෝ කෙතෙක, ශ්‍රැතයෝ කෙතෙක, මුතයෝ කෙතෙක, විඥාතයෝ කෙතෙක, දෘෂ්ට නො වූවාහු කෙතෙක, ශ්‍රැත නො වූවාහු කෙතෙක, මුත නො වූවාහු කෙතෙක, විඥාත නො වූවාහු කෙතෙක යත්:
1106. රූපස්කන්‍ධය දෘෂ්ට වියහෙයි, ශ්‍රැත වියහෙයි, මුත වියහෙයි, විඥාත වියහෙයි, දෘෂ්ට නො වියහෙයි, ශ්‍රැත නො වියහෙයි, මුත නො වියහෙයි, විඥාත නො වියහෙයි, (වේදනාදී) සතර ස්කන්‍ධයෝ දෘෂ්ට නො වෙති, ශ්‍රැත නො වෙති, මුත නො වෙති, විඥාතයෝ යි.
රූපායතනය දෘෂ්ට යැ, ශ්‍රැත නො වෙයි, මුත නො වෙයි, විඥාත යි. ශබ්දායතනය දෘෂ්ට නො වෙයි, ශ්‍රැත යැ, මුත නො වෙයි, විඥාත යි. ගන්‍ධායතනය රසායතනය ස්ප්‍රෂ්ටව්‍යායතනය දෘෂ්ට නො වෙයි, ශ්‍රැත නො වෙයි, මුත යැ, විඥාත යි. (අවශේෂ) සප්තායතනයෝ දෘෂ්ට නො වෙති, ශ්‍රැත නො වෙති, මුත නො වෙති, විඥාතයෝ යි.
රූපධාතු දෘෂ්ට යැ, ශ්‍රැත නො ව මුත නො ව විඥාත යි. ශබ්දධාතු දෘෂ්ට නො වෙයි, ශ්‍රැත යැ, මුත නොව විඥාත යි. ගන්‍ධධාතු රසධාතු ස්ප්‍රෂ්ටව්‍යධාතු දෘෂ්ට නොව, ශ්‍රැත නොව මුත යැ, විඥාත යි. (අවශේෂ) තෙළෙස් ධාතූහු දෘෂ්ට නොව, ශ්‍රැත නොව, මුත නොව, විඥාතයෝ යි.
(සමුදයාදී) තුන් සත්‍යයෝ දෘෂ්ට නොව, ශ්‍රැත නොව, මුත නොව, විඥාතයෝ යි. දුඃඛසත්‍යය දෘෂ්ට වියහෙයි, ශ්‍රැත වියහෙයි, මුත වියහෙයි, විඥාත වියහෙයි, දෘෂ්ට ශ්‍රැත මුත විඥාත නො වියහේ.
දෙවිසි ඉන්‍ද්‍රියයෝ දෘෂ්ට නොව ශ්‍රැත නොව මුත නොව විඥාතයෝ යි.
නව හේතූහු දෘෂ්ට නොව ශ්‍රැත නොව මුත නොව විඥාතයෝ යි.
සතර ආහාරයෝ දෘෂ්ට නොව ශ්‍රැත නොව මුත නොව විඥාතයෝ යි.
සප්තස්පර්‍ශයෝ දෘෂ්ට නොව ශ්‍රැත නොව මුත නොව විඥාතයෝ යි.
සප්තවේදනාවෝ - සප්තසංඥාවෝ - සප්තචේතනාවෝ - සප්ත චිත්තයෝ දෘෂ්ට නොව ශ්‍රැත නොව මුත නොව විඥාතයෝ යි.
10.
1107. පඤ්චස්කන්‍ධයන් අතුරෙහි කුශලයෝ කෙතෙක, අකුශලයෝ කෙතෙක, අව්‍යාකෘතයෝ කෙතෙක ... සප්තචිත්තයන් අතුරෙහි කුශලයෝ කෙතෙක, අකුශලයෝ කෙතෙක, අව්‍යාකෘතයෝ කෙතෙක යත්:
1108. රූපස්කන්‍ධය අව්‍යාකෘත යැ, (වේදනාදී) සතර ස්කන්‍ධයෝ කුශල වියහෙති, අකුශල වියහෙති, අව්‍යාකෘත වියහෙත්.
ආයතනයෝ දස දෙනෙක් අව්‍යාකෘතය හ. ආයතනයෝ දෙදෙනෙක් කුශල වියහෙති, අකුශල වියහෙති, අව්‍යාකෘත වියහෙත්.
සොළොස් ධාතු කෙනෙක් අව්‍යාකෘතය හ. ධාතූහු දෙදෙනෙක් කුශල වියහෙති, අකුශල වියහෙති, අව්‍යාකෘත වියහෙත්.
සමුදයසත්‍යය අකුශල යැ, මාර්‍ගසත්‍යය කුශල යැ. නිරෝධසත්‍යය අව්‍යාකෘත යැ. දුඃඛසත්‍යය කුශල වියහෙයි, අකුශල වියහෙයි, අව්‍යාකෘත වියහේ.
ඉන්‍ද්‍රියයෝ දස දෙනෙක් අව්‍යාකෘතයහ. දෝමනස්සින්‍ද්‍රිය අකුශල යැ, අනඤ්ඤාතඤ්ඤස්සාමිතිඉන්‍ද්‍රිය කුශල යැ. ඉන්‍ද්‍රියයෝ සතර දෙනෙක් කුශල වියහෙති, අව්‍යාකෘත වියහෙති, ඉන්‍ද්‍රියයෝ සදෙනෙක් කුශල වියහෙති, අකුශල වියහෙති, අව්‍යාකෘත වියහෙත්.
තුන් කුශලහේතූහු කුශලයහ. තුන් අකුශලහේතූහු අකුශලයහ. තුන් අව්‍යාකෘත හේතූහු අව්‍යාකෘතයහ.
කවලීකාරාහාරය අව්‍යාකෘත යැ. (ස්පර්‍ශාදි) තුන් ආහාරයෝ කුශල වියහෙති, අකුශල වියහෙති, අව්‍යාකෘත වියහෙත්.
ස්පර්‍ශයෝ සදෙනෙක් අව්‍යාකෘත යැ. මනෝවිඥානධාතුසංස්පර්‍ශය කුශල වියහෙයි, අකුශල වියහෙයි, අව්‍යාකෘත වියහේ.
වේදනාවෝ සදෙන - සංඥාවෝ සදෙන - චේතනාවෝ සදෙන - චිත්තයෝ සදෙන අව්‍යාකෘතයහ. මනෝවිඥානධාතු කුශල වියහෙයි, අකුශල වියහෙයි, අව්‍යාකෘත වියහේ.
1109. පඤ්චස්කන්‍ධයන් අතුරෙහි සුඛවේදනාව හා සම්ප්‍රයුක්ත වූවාහු කෙතෙක, දුක්ඛවේදනාව හා සම්ප්‍රයුක්ත වූවාහු කෙතෙක, අදුක්ඛමසුඛවේදනාව හා සම්ප්‍රයුක්ත වූවාහු කෙතෙක ... සප්තචිත්තයන් අතුරෙහි සුඛවේදනාව හා සම්ප්‍රයුක්ත වූවාහු දුක්ඛවේදනාව හා සම්ප්‍රයුක්ත වූවාහු කෙතෙක, අදුක්ඛමසුඛවේදනාව හා සම්ප්‍රයුක්ත වූවාහු කෙතෙක යත්:
1110. ස්කන්‍ධයෝ දෙදෙනෙක් සුඛවේදනාව හා සම්ප්‍රයුක්තහ යි ද, දුක්ඛවේදනාව හා සම්ප්‍රයුක්තහ යි ද, අදුක්ඛමසුඛවේදනාව හා සම්ප්‍රයුක්තහ යි ද නො කිවයුතුවහ. ස්කන්‍ධයෝ තිදෙනෙක් සුඛවේදනාව හා සම්ප්‍රයුක්ත වියහෙති, දුක්ඛවේදනාව හා සම්ප්‍රයුක්ත වියහෙති, අදුක්ඛමසුඛවේදනාව හා සම්ප්‍රයුක්ත වියහෙත්.
ආයතනයෝ දස දෙනෙක් සුඛවේදනාව හා සම්ප්‍රයුක්තහ යි ද, දුක්ඛවේදනාව හා සම්ප්‍රයුක්තහ යි ද, අදුක්ඛමසුඛවේදනාව හා සම්ප්‍රයුක්තහ යි ද නො කියයුතුවහ. මනායතනය සුඛවේදනාව හා සම්ප්‍රයුක්ත වියහෙයි, දුක්ඛවේදනාව හා සම්ප්‍රයුක්ත වියහෙයි, අදුක්ඛමසුඛවේදනාව හා සම්ප්‍රයුක්ත වියහේ. ධර්‍මායතනය සුඛවේදනාව හා සම්ප්‍රයුක්ත වියහෙයි, දුක්ඛවේදනාව හා සම්ප්‍රයුක්ත වියහෙයි, අදුක්ඛමසුඛවේදනාව හා සම්ප්‍රයුක්ත වියහෙයි, සුඛවේදනාව හා සම්ප්‍රයුක්ත යැ යි ද, දුක්ඛවේදනාව හා සම්ප්‍රයුක්ත යැ යි ද, අදුක්ඛමසුඛවේදනාව හා සම්ප්‍රයුක්ත යැ යි ද නො කියයුතු වියහේ.