1038. පඤ්ච ස්කන්‍ධයන් අතුරෙහි කෙතෙක් කාමධාතුපර්‍ය්‍යාපන්න ද, කෙතෙක් කාමධාතුපර්‍ය්‍යාපන්න නො වෙත්ද ... සප්තචිත්තයෙන් කෙතෙක් කාමධාතුපර්‍ය්‍යාපන්න ද, කෙතෙක් කාමධාතුපර්‍ය්‍යාපන්න නො වෙත් ද යත්:
රූපස්කන්‍ධය කාමධාතුපර්‍ය්‍යාපන්න යි. සතර ස්කන්‍ධයෝ කාමධාතුපර්‍ය්‍යාපන්න ද වෙත්, කාමධාතුපර්‍ය්‍යාපන්න නො ද වෙත්.
ආයතනයෝ දස දෙනෙක් කාමධාතුපර්‍ය්‍යාපන්න වෙත්. ආයතනයෝ දෙදෙනෙක් කාමධාතුපර්‍ය්‍යාපන්න ද වෙත්, කාමධාතු පර්‍ය්‍යාපන්න නො ද වෙත්.
සොළොස් ධාතු කෙනෙක් කාමධාතුපර්‍ය්‍යාපන්නයහ. ධාතූහු දෙදෙනෙක් කාමධාතුපර්‍ය්‍යාපන්න ද වෙති. කාමධාතුපර්‍ය්‍යාපන්න නො ද වෙත්.
සමුදයසත්‍යය කාමධාතුපර්‍ය්‍යාපන්න යි. සත්‍යයෝ දෙදෙනෙක් කාමධාතුපර්‍ය්‍යාපන්න නො වෙත්. දුඃඛසත්‍යය කාමධාතුපර්‍ය්‍යාපන්න ද වෙයි. කාමධාතුපර්‍ය්‍යාපන්න නො ද වේ.
දශ ඉන්‍ද්‍රියයෝ කාමධාතුපර්‍ය්‍යාපන්නයහ. ඉන්‍ද්‍රියයෝ තිදෙනෙක් කාමධාතුපර්‍ය්‍යාපන්න නො වෙත්. නව ඉන්‍ද්‍රියයෝ කාමධාතුපර්‍ය්‍යාපන්න ද වෙත්. කාමධාතු පර්‍ය්‍යාපන්න නො ද වෙත්.
අකුශලහේතූහු තිදෙනෙක් කාමධාතුපර්‍ය්‍යාපන්න වෙත්. ෂඩ්හේතූහු කාමධාතු පර්‍ය්‍යාපන්න ද වෙත්. කාමධාතුපර්‍ය්‍යාපන්න නො ද වෙත්.
කවලීකාරාහාරය කාමධාතුපර්‍ය්‍යාපන්න යි. ආහාරයෝ තිදෙනෙක් කාමධාතු පර්‍ය්‍යාපන්න ද වෙත්. කාමධාතුපර්‍ය්‍යාපන්න නො ද වෙත්.
ෂට් ස්පර්‍ශයෝ කාමධාතු පර්‍ය්‍යාපන්නයහ. මනෝවිඥානධාතු සංස්පර්‍ශය කාමධාතුපර්‍ය්‍යාපන්න ද වේ. කාමධාතුපර්‍ය්‍යාපන්න නො ද වේ.
ෂඩ්වේදනාවෝ ... ෂට්සංඥාවෝ ... ෂට්චේතනාවෝ ... ෂට්චිත්තයෝ කාමධාතුපර්‍ය්‍යාපන්නයහ. මනෝවිඥානධාතුව කාමධාතුපර්‍ය්‍යාපන්න ද වේ. කාමධාතුපර්‍ය්‍යාපන්න නො ද වේ.
1039. පඤ්ච ස්කන්‍ධයන් අතුරෙහි කෙතෙක් රූපධාතුපර්‍ය්‍යාපන්න වෙත් ද, කෙතෙක් රූපධාතුපර්‍ය්‍යාපන්න නො වෙත් ද ... සප්ත චිත්තයන් අතුරෙහි කෙතෙක් රූපධාතුපර්‍ය්‍යාපන්න වෙත් ද, කෙතෙක් රූපධාතුපර්‍ය්‍යාපන්න නො වෙත් ද යත්:
රූපස්කන්‍ධය රූපධාතුපර්‍ය්‍යාපන්න නො වෙයි. ස්කන්‍ධයෝ සතර දෙනෙක් රූපධාතුපර්‍ය්‍යාපන්න ද වෙති. රූපධාතුපර්‍ය්‍යාපන්න නො ද වෙත්.
දශආයතනයෝ රූපධාතුපර්‍ය්‍යාපන්න නො වෙත්. ආයතනයෝ දෙදෙනෙක් රූපධාතුපර්‍ය්‍යාපන්න ද වෙත්. රූපධාතුපර්‍ය්‍යාපන්න නො ද වෙත්.
ෂෝඩශධාතු කෙනෙක් රූපධාතුපර්‍ය්‍යාපන්න නො වෙත්. ධාතූහු දෙදෙනෙක් රූපධාතුපර්‍ය්‍යාපන්න ද වෙත්. රූපධාතුපර්‍ය්‍යාපන්න නො ද වෙත්.
සත්‍යයෝ තිදෙනෙක් රූපධාතුපර්‍ය්‍යාපන්න නො වෙත්. දුඃඛසත්‍යය රූපධාතුපර්‍ය්‍යාපන්න ද වෙයි. රූපධාතුපර්‍ය්‍යාපන්න නො ද වේ.
තෙළෙස් ඉන්‍ද්‍රිය කෙනෙක් රූපධාතුපර්‍ය්‍යාපන්න නො වෙත්. නව ඉන්‍ද්‍රිය කෙනෙක් රූපධාතුපර්‍ය්‍යාපන්න ද වෙත්. රූපධාතුපර්‍ය්‍යාපන්න නො ද වෙත්.
අකුසලහේතූහු තිදෙන රූපධාතුපර්‍ය්‍යාපන්න නො වෙත්. ෂට්හේතූහු රූපධාතුපර්‍ය්‍යාපන්න ද වෙත්. රූපධාතුපර්‍ය්‍යාපන්න නො ද වෙත්.
කවලීකාරාහාරය රූපධාතුපර්‍ය්‍යාපන්න නො වේ. ආහාරයෝ තිදෙනෙක් රූපධාතුපර්‍ය්‍යාපන්න ද වෙත්. රූපධාතුපර්‍ය්‍යාපන්න නො ද වෙත්.
ෂට්ස්පර්‍ශයෝ රූපධාතුපර්‍ය්‍යාපන්න නො වෙත්. මනෝවිඥානධාතුසංස්පර්‍ශය රූපධාතුපර්‍ය්‍යාපන්න ද වේ. රූපධාතුපර්‍ය්‍යාපන්න නො ද වේ.
ෂඩ්වේදනාවෝ ... ෂට්සංඥාවෝ ... ෂට්චේතනාවෝ ... ෂට්චිත්තයෝ රූපධාතුපර්‍ය්‍යාපන්න නො වෙත්. මනෝවිඥානධාතුව රූපධාතුපර්‍ය්‍යාපන්න ද වේ. රූපධාතුපර්‍ය්‍යාපන්න නො ද වේ.
1040. පඤ්චස්කන්‍ධයන් අතුරෙහි කෙතෙක් අරූපධාතුපර්‍ය්‍යාපන්න වෙත් ද කෙතෙක් අරූපධාතුපර්‍ය්‍යාපන්න නො වෙත් ද ... සප්තචිත්තයන් අතුරෙහි කෙතෙක් අරූපධාතුපර්‍ය්‍යාපන්න වෙත් ද කෙතෙක් අරූපධාතුපර්‍ය්‍යාපන්න නො වෙත් ද යත්:
රූපස්කන්‍ධය අරූපධාතුපර්‍ය්‍යාපන්න නො වේ. ස්කන්‍ධයෝ සතරදෙනෙක් අරූපධාතුපර්‍ය්‍යාපන්න ද වෙත්. අරූපධාතුපර්‍ය්‍යාපන්න නො ද වෙත්.
දශආයතන කෙනෙක් අරූපධාතුපර්‍ය්‍යාපන්න නො වෙත්. ආයතනයෝ දෙදෙනෙක් අරූපධාතුපර්‍ය්‍යාපන්න ද වෙත්. අරූපධාතුපර්‍ය්‍යාපන්න නො ද වෙත්.
ෂෝඩශධාතු කෙනෙක් අරූපධාතුපර්‍ය්‍යාපන්න නො වෙත්. ධාතූහු දෙදෙනෙක් අරූපධාතුපර්‍ය්‍යාපන්න ද වෙත්. අරූපධාතුපර්‍ය්‍යාපන්න නො ද වෙත්.
සත්‍යයෝ තිදෙනෙක් අරූපධාතුපර්‍ය්‍යාපන්න නො වෙත්. දුඃඛසත්‍යය අරූපධාතුපර්‍ය්‍යාපන්න ද වේ. අරූපධාතුපර්‍ය්‍යාපන්න නො ද වේ.
තුදුස් ඉන්‍ද්‍රිය කෙනෙක් අරූපධාතුපර්‍ය්‍යාපන්න නො වෙත්. ඉන්‍ද්‍රියයෝ අටදෙනෙක් අරූපධාතුපර්‍ය්‍යාපන්න ද වෙත්. අරූපධාතුපර්‍ය්‍යාපන්න නො ද වෙත්.
අකුශල හේතූහු තිදෙන අරූපධාතුපර්‍ය්‍යාපන්න නො වෙත්. ෂට්හේතූහු අරූපධාතුපර්‍ය්‍යාපන්න ද වෙත්. අරූපධාතුපර්‍ය්‍යාපන්න නො ද වෙත්.
කබළිංකාර ආහාරය අරූපධාතුපර්‍ය්‍යාපන්න නො වේ. ආහාරයෝ තිදෙනෙක් අරූපධාතුපර්‍ය්‍යාපන්න ද වෙත්. අරූපධාතුපර්‍ය්‍යාපන්න නො ද වෙත්.
ෂට්ස්පර්‍ශයෝ අරූපධාතුපර්‍ය්‍යාපන්න නො වෙත්. මනෝවිඥානධාතුසංස්පර්‍ශය අරූපධාතුපර්‍ය්‍යාපන්න ද වේ. අරූපධාතුපර්‍ය්‍යාපන්න නො ද වේ.
ෂට්වේදනාවෝ ... ෂට්සංඥාවෝ ... ෂඩ්චේතනාවෝ ... ෂට්චිත්තයෝ අරූපධාතුපර්‍ය්‍යාපන්න නො වෙත්. මනෝවිඥානධාතු අරූපධාතුපර්‍ය්‍යාපන්න ද වේ. අරූපධාතුපර්‍ය්‍යාපන්න නො ද වේ.