වචීභේදකථා < අභිධර්ම පිටකය | බුද්ධ ජයන්ති ත්‍රිපිටකය

2. 5.

වචීභේදකථා

[ස්‍රෝතාපත්තිමාර්‍ගක්‍ෂණයෙහි දී පළමු දැහැන් සමවන් අරීපුඟුල් ‘දුකැයි කියා වාග්භේද කෙරෙති’යි පූර්‍වශෛලීය නිකායාදීන් සෙයින් ලබ්ධිගත් වාදී කෙනෙකුන්ගේ විරුද්ධවාද බිඳුනට වචීභේදකථා එයි.]

1. ස. පු: දැහැන් සමවන්නහුට වාග්භේද ඇද්ද?

ප. පටිඤ්ඤා: එසේ යැ.

ස. අනු: හැම භවයෙහි මැ සමවන්නවුනට වාග්භේද ඇද්ද?

ප. පටි: (අරූපභවය පියනු පිණිස පිළිතුරු දෙයි:) එසේ නො කියැයුතු මැ යැ ...

2. ස. පු: සමවන්නහුට වාග්භේද ඇද්ද?

ප. පටිඤ්ඤා: එසේ යැ.

ස. අනු: හැම සමාපත්තිකාලයෙහි මැ සමවන්නවුනට වාග්භේද ඇද්ද?

ප. පටි: (ප්‍රථමමාර්‍ගක්‍ෂණයෙහි ප්‍රථමධ්‍යානිකසමාපත්තිකාලය තබා තදන්‍ය සමාපත්තිකාල සඳහා පිළිතුරු දෙයි:) එසේ නො කියැයුතු මැ යැ ...

3. ස. පු: සමවන්නහුට වාග්භේද ඇද්ද?

ප. පටිඤ්ඤා: එසේ යැ.

ස. අනු: හැම සමවත් සමවන්නවුනට මැ වාග්භේද ඇද්ද?

ප. පටි: (ලොවීසමවත් සමවන්නවුන් සඳහා පිළිතුරු දෙයි:) එසේ නො කියැයුතු මැ යැ ...

4. ස. පු: සමවන්නවුනට වාග්භේද ඇද්ද?

ප. පටිඤ්ඤා: එසේ යැ.

ස. අනු: හැම සමවත්හි වාග්භේද ඇද්ද?

ප. පටි: (ලෝකෝත්තර ද්විතීයධ්‍යානාදිය හා හැම ලොවී සමවත් සඳහා පිළිතුරු දෙයි:) එසේ නො කියැයුතු මැ යැ ...

5. ස. පු: සමවන්නවුනට වාග්භේද ඇද්ද?

ප. පටිඤ්ඤා: එසේ යැ.

ස. අනු: සමවන්නහුට කායභෙද ඇද්ද?