1. ස. පු: රහත්හට අඥාන ඇද්ද?

ප. පටිඤ්ඤා: එසේ යැ.

ස. අනු: රහත්හට අවිද්‍යා අවිද්‍යෞඝ අවිද්‍යායෝග අවිද්‍යානුශය අවිද්‍යාපර්‍ය්‍යුත්‍ථාන අවිද්‍යාසංයෝජන අවිද්‍යානීවරණ ඇද්ද?

ප. පටි: එසේ නො කියැයුතු මැ යැ ...

2. ස. පු: රහත්හට අවිද්‍යා අවිද්‍යෞඝ අවිද්‍යායෝග, අවිද්‍යානුශය අවිද්‍යාපර්‍ය්‍යුත්‍ථාන අවිද්‍යාසංයෝජන අවිද්‍යානීවරණ නැද්ද?

ප. පටිඤ්ඤා: එසේ යැ.

අනු. ඨ: ඉදින් රහත්හට අවිද්‍යා අවිද්‍යෞඝ අවිද්‍යායෝග අවිද්‍යානුශය අවිද්‍යාපර්‍ය්‍යුත්‍ථාන අවිද්‍යාසංයෝජන අවිද්‍යානීවරණ නැත් නම්,

අනු: පා: භවත, ‘රහත්හට අඥාන ඇති’ යනු නො කියැයුතු මැ යැ.

3. ස. පු: පුහුදුන්හට අඥාන ඇත. උහුට අවිද්‍යා අවිද්‍යෞඝ අවිද්‍යායෝග අවිද්‍යානුශය අවිද්‍යාපර්‍ය්‍යුත්‍ථාන අවිද්‍යාසංයෝජන අවිද්‍යානීවරණ ඇද්ද?

ප. පටිඤ්ඤා: එසේ යැ.

ස. අනු: රහත්හට (තොප මතයෙහි) අඥාන ඇත. උහුට අවිද්‍යා අවිද්‍යෞඝ අවිද්‍යායෝග අවිද්‍යානුශය අවිද්‍යාපර්‍ය්‍යුත්‍ථාන අවිද්‍යාසංයෝජන අවිද්‍යානීවරණ ඇද්ද?

ප. පටි: එසේ නො කියැයුතු මැ යැ ...

4. ස. පු: රහත්හට (තොප මතයෙහි) අඥාන ඇත. ඔහුට අවිද්‍යා අවිද්‍යෞඝ අවිද්‍යායෝග අවිද්‍යානුශය අවිද්‍යාපර්‍ය්‍යුත්‍ථාන අවිද්‍යාසංයෝජන අවිද්‍යානීවරණ නැද්ද?

ප. පටිඤ්ඤා: එසේ යැ.

ස. අනු: පුහුදුන්හට අඥාන ඇත. ඔහුට අවිද්‍යා අවිද්‍යෞඝ අවිද්‍යායෝග අවිද්‍යානුශය අවිද්‍යාපර්‍ය්‍යුත්‍ථාන අවිද්‍යාසංයෝජන අවිද්‍යානීවරණ නැද්ද?

ප. පටි: එසේ නො කියැයුතු මැ යැ ...

5. ස. පු: රහත්හට අඥාන ඇද්ද?

ප. පටිඤ්ඤා: එසේ යැ.

ස. අනු: රහත් අඥානයෙන් උපද්‍රැත වූයේ පණ නසන්නේ වේ ද, අයිනාදන් ගන්නේ වේ ද, මුසවා බණන්නේ වේ ද, පෙහෙසුන් බණන්නේ වේ ද, පරොස්බස් බණන්නේ වේ ද, පලප් බණන්නේ වේ ද, ගෘහසන්‍ධි සිඳුනේ වේ ද, ගම් වොලොගන්නේ වේ ද, ඒකාගාරික කම් කරන්නේ වේ ද, කඩපලාසොරකම්හි සිටුනේ වේ ද, පරදාරයට යේ ද, ගාමඝාත කෙරේ ද, නිගමඝාත කෙරේ ද?

ප. පටි: එසේ නො කියැයුතු මැ යැ ...

6. ස. පු: පුහුදුනට අඥාන ඇත. පුහුදුන් අඥානයෙන් මඩනා ලදුයේ පණ නසා ද, අයිනාදන් කෙරේ ද, මුසවා බෙණේ ද ... ගාමඝාත කම් කෙරේ ද, නිගමඝාත කම් කෙරේ ද?

ප. පටිඤ්ඤා: එසේ යැ.

ස. අනු: රහත්හට (තොප මතයෙහි) අඥාන ඇත. රහත් අඥානයෙන් මඩනා ලදුයේ පණ නසා ද, අයිනාදන් ගනී ද, ගම් පැහැරීම් කෙරේ ද, නියම්ගම් පැහැරීම් කෙරේ ද?

ප. පටි: එසේ නො කියැයුතු මැ යැ ...

7. ස. පු: රහත්හට (තොප මතයෙහි) අඥාන ඇත. රහත් අඥානයෙන් උපද්‍රැත වූයේ පණ නො නසන්නේ වේ ද, අයිනාදන් නො ගන්නේ වේ ද, ... ගම් පැහැරීම් නො කරන්නේ වේ ද, නියම්ගම් පැහැරීම් නො කරන්නේ වේ ද?

ප. පටිඤ්ඤා: එසේ යැ.

ස. අනු: පුහුදුනට අඥාන ඇත. පුහුදුන් අඥානයෙන් උපද්‍රැත වූයේ පණ නො නසන්නේ වේ ද, අයිනාදන් නො ගන්නේ වේ ද, ... ගාමඝාතකර්‍ම නො කරන්නේ වේ ද, නිගමඝාතකර්‍ම නො කරන්නේ වේ ද?

ප. පටි: එසේ නො කියැයුතු මැ යැ ...

8. ස. පු: රහත්හට අඥාන ඇද්ද?

ප. පටිඤ්ඤා: එසේ යැ.

ස. අනු: රහත්හට ශාස්තෲන් කෙරෙහි අඥාන ඇද්ද? දහමෙහි අඥාන ඇද්ද, සඟුන් කෙරෙහි අඥාන ඇද්ද, ශික්‍ෂායෙහි අඥාන ඇද්ද, පූර්‍වාන්තයෙහි අඥාන ඇද්ද, අපරාන්තයෙහි අඥාන ඇද්ද, පූර්‍වාන්තාපරාන්තයෙහි අඥාන ඇද්ද, ඉදම්ප්‍රත්‍යයතාප්‍රතීත්‍යසමුත්පන්නධර්‍මයෙහි අඥාන ඇද්‍ද?

ප. පටි: එසේ නො කියැයුතු මැ යැ ...