835. ඒ බාහිර චක්ඛුන්‍ද්‍රිය නො වූ රූපය කවරේ යත්:
රූපායතන ය ... කබලීකාරාහාර යි. මේ ඒ බාහිර චක්‍ෂුරින්‍ද්‍රිය නො වූ රූප යි.
836. ඒ අධ්‍යාත්මික චක්ඛුන්‍ද්‍රියරූපය කවරේ යත්:
යම් ඇසෙක් සතර මහාභූතයන් නිසා උපන් ප්‍රසාදය වූයේ ද ... තෙලෙ ‘ශුන්‍යග්‍රාම’ නමුදු වේ. මේ ඒ අධ්‍යාත්මික චක්‍ෂුරින්‍ද්‍රියරූප යි.
837. ඒ අධ්‍යාත්මික චක්ඛුන්‍ද්‍රිය නො වූ රූපය කවරේ යත්:
ශ්‍රෝත්‍රායතන ය ... කායායතන යි. මේ ඒ අධ්‍යාත්මික චක්‍ෂුරින්‍ද්‍රිය නො වූ රූප යි.
838. ඒ බාහිර සෝතින්‍ද්‍රිය නො වූ ... ඝානින්‍ද්‍රිය නො වූ ... ජිව්හින්‍ද්‍රිය නො වූ ... කායින්‍ද්‍රිය නො වූ රූපය කවරේ යත්:
රූපායතන ය ... කබලීකාරාහාර යි. මේ ඒ බාහිර කායින්‍ද්‍රිය නො වූ රූප යි.
839. ඒ අධ්‍යාත්මික කායින්‍ද්‍රියරූපය කවරේ යත්:
යම් කයෙක් සතර මහාභූතයන් නිසා උපන් ප්‍රසාදය වූයේ ද ... තෙලෙ ‘ශුන්‍යග්‍රාම’ නමුදු වේ. මේ ඒ අධ්‍යාත්මික කායින්‍ද්‍රියරූප යි.
840. ඒ අධ්‍යාත්මික කායින්‍ද්‍රිය නො වූ රූපය කවරේ යත්:
චක්‍ෂුරායතන ය ... ජිව්හායතන යි. මේ ඒ අධ්‍යාත්මික කායින්‍ද්‍රිය නො වූ රූප යි.
841. ඒ අධ්‍යාත්මික ඉත්‍ථින්‍ද්‍රිය නො වූ රූපය කවරේ යත්:
චක්‍ෂුරායතන ය ... කායායතන යි. මේ ඒ අධ්‍යාත්මික ස්ත්‍රීන්‍ද්‍රිය නො වූ රූප යි.
842. ඒ බාහිර ඉත්‍ථින්‍ද්‍රියරූපය කවරේ යත්:
යම් කරුණෙකින් ස්ත්‍රිය පිළිබඳ ස්ත්‍රීසටහන ස්ත්‍රීසලකුණ ස්ත්‍රීක්‍රියා ස්ත්‍රීආකල්ප ස්ත්‍රීත්‍වය ස්ත්‍රීභාවය වේ ද, මේ ඒ බාහිර ස්ත්‍රීන්‍ද්‍රියරූප යි.
843. ඒ බාහිර ඉත්‍ථින්‍ද්‍රිය නො වූ රූපය කවරේ යත්:
රූපායතන ය ... කබලීකාරාහාර යි. මේ ඒ බාහිර ස්ත්‍රීන්‍ද්‍රිය නො වූ රූප යි.
844. ඒ අධ්‍යාත්මික පුරිසින්‍ද්‍රිය නො වූ රූපය කවරේ යත්:
චක්‍ෂුරායතන ය ... කායායතන යි. මේ ඒ අධ්‍යාත්මික පුරුෂේන්‍ද්‍රිය නො වූ රූප යි.
845. ඒ බාහිර පුරිසින්‍ද්‍රියරූපය කවරේ යත්:
යම් කරුණෙකින් පුරුෂයාගේ පුරුෂසටහන පුරුෂසලකුණ පුරුෂක්‍රියා පුරුෂාකල්පය පුරුෂත්‍වය පුරුෂභාවය වේ ද, මේ ඒ බාහ්‍ය පුරුෂේන්‍ද්‍රියරූප යි.
846. ඒ බාහිර පුරිසින්‍ද්‍රිය නො වූ රූපය කවරේ යත්:
රූපායතන ය ... කබලීකාරාහාර යි. මේ ඒ බාහිර පුරුෂේන්‍ද්‍රිය නො වූ රූප යි.
847. ඒ අධ්‍යාත්මික ජීවිතින්‍ද්‍රිය නො වූ රූපය කවරේ යත්:
චක්‍ෂුරායතන ය ... කායායතන යි. මේ ඒ අධ්‍යාත්මික ජීවිතේන්‍ද්‍රිය නො වූ රූප යි.
848. ඒ බාහිර ජීවිතින්‍ද්‍රිය රූපය කවරේ යත්:
ඒ රූපීධර්‍මයන්ගේ යම් ආයුසයෙක් සිටීමෙක් යපනයෙක් යාපනයෙක් ඉරීයනයෙක් පැවැත්මෙක් පාලනයෙක් ජීවිතයෙක් ජීවිතේන්‍ද්‍රියයෙක් වේ ද, මේ ඒ බාහ්‍ය ජීවිතේන්‍ද්‍රිය රූප යි.
849. ඒ බාහිර ජීවිතින්‍ද්‍රිය නො වූ රූපය කවරේ යත්:
රූපායතන ය ... කබලීකාරාහාර යි. මේ ඒ බාහිර ජීවිතේන්‍ද්‍රිය නො වූ රූප යි.
ඉන්‍ද්‍රිය ත්‍රිකයෝ යි.
850. ඒ අධ්‍යාත්මික කායවිඥප්ති නො වූ රූපය කවරේ යත්:
චක්‍ෂුරායතන ය ... කායායතන යි. මේ ඒ අධ්‍යාත්මික කායවිඥප්ති නො වූ රූප යි.
851. ඒ බාහිර කායවිඥප්තිරූපය කවරේ යත්:
කුසල්සිත් ඇත්තහුගේ හෝ අකුසල්සිත් ඇත්තහුගේ හෝ අව්‍යාකෘතසිත් ඇත්තහුගේ හෝ ඉදිරියට යන්නහුගේ හෝ පෙරළා එන්නහුගේ හෝ ඍජු වැ බලන්නහුගේ හෝ හාත්පසැ බලන්නහුගේ හෝ සන්‍ධි හකුළුවන්නහුගේ හෝ විදහන්නහුගේ හෝ ශරීරය පිළිබඳ යම් තද කිරීමෙක් බලවත් තද කිරීමෙක් තද කළ බවෙක් විඥාපනයෙක් විඥාපනාකාරයෙක් විඥාපනය කළ බවෙක් වේ ද, මේ ඒ බාහ්‍ය කායවිඥප්ති රූප යි.