[ආජීවක සූත්‍රය]
[සැවැත්නිදාන යි]
8. මහණෙනි, පස් කරුණෙකින් සමන්‍වාගත ආජීවක (අජෙලුමහණ) ගෙණවුත් තබන ලද්දකු සෙයින් නිරයෙහි උපදනේ ය. කවර පසෙකින් යත්:
ප්‍රාණවධ කරනුයේ වෙයි, අයිනාදන් ගන්නේ වෙයි, අබ්‍රම්සැරි වෙයි, මුසාවා බණනුයේ වෙයි, මදප්‍රමාදයට කරුණු වූ රහමෙර පානය කරනුයේ වේ.
මහණෙනි, මෙ පස් කරුණෙන් සමන්‍වාගත අජෙලුමහණ ගෙණවුත් තබන ලද්දකු සෙයින් නිරයෙහි උපදනේ යයි.
[නිගණ්ඨ සූත්‍රාදිය]
[සැවැත්නිදාන යි]
9-17. මහණෙනි, පස් කරුණෙකින් සමන්‍වාගත නුවට ... නුවටසවු ... දුළුලු … පිරිවැජි … මාගන්‍දික තීර්‍ත්‍ථක ... තෙදණ්ඩික තීර්‍ත්‍ථක ... ආරූද්ධක තීර්‍ත්‍ථක ... ගෝතමක තීර්‍ත්‍ථක ... දේවධම්මික තීර්‍ත්‍ථක ගෙණවුත් තබන ලද්දකු සෙයින් නිරයෙහි උපදනේය. කවර පසෙකින් යත්:
ප්‍රාණවධ කරනුයේ වෙයි, අයිනාදන් ගන්නේ වෙයි, අබ්‍රම්සැරි වෙයි, මුසාවා බණනුයේ වෙයි, මදප්‍රමාදකාරණ වූ රහමෙර පානය කරනුයේ වේ.
මහණෙනි, මෙ පස් කරුණෙන් සමන්‍වාගත දේවධම්මික ගෙණවුත් තබන ලද්දකු සෙයින් නිරයෙහි උපදනේ ය යි.
(ආජිවකාදීන්ගේ සිල්පරීමක් නැති බැවින් ස්වර්‍ගපක්‍ෂය නො වදාරන ලද)
(ආජිවකාදීන්ගේ සිල්පරීමක් නැති බැවින් ස්වර්‍ගපක්‍ෂය නො වදාරන ලද)