3. 2.
297. ඔභාසයිත්වා පඨවිං සදෙවකං
අතිරොචසි චන්දිමසූරියා විය
සිරියා ච වණ්ණෙන යසෙන තෙජසා
බ්රහ්මා ව දෙවෙ තිදසෙ සඉන්දකෙ.
අතිරොචසි චන්දිමසූරියා විය
සිරියා ච වණ්ණෙන යසෙන තෙජසා
බ්රහ්මා ව දෙවෙ තිදසෙ සඉන්දකෙ.
298. පුච්ඡාමි තං උප්පලමාලධාරිණී
ආවෙළිනී කඤ්චනසන්නිභත්තවෙ
අලඞ්කතෙ උත්තමවත්ථධාරිණී
කා ත්වං සුභෙ දෙවතෙ වන්දසෙ මමං.
ආවෙළිනී කඤ්චනසන්නිභත්තවෙ
අලඞ්කතෙ උත්තමවත්ථධාරිණී
කා ත්වං සුභෙ දෙවතෙ වන්දසෙ මමං.
299. කිං ත්වං පුරෙ කම්මමකාසි අත්තනා
මනුස්සභූතා පුරිමාය ජාතියා
දානං සුචිණ්ණං අථ සීලසඤ්ඤමං
කෙනූපපන්නා සුගතිං යසස්සිනී.
දෙවතෙ පුච්ඡිතාචික්ඛ
කිස්ස කම්මස්සිදං ඵලන්ති.
මනුස්සභූතා පුරිමාය ජාතියා
දානං සුචිණ්ණං අථ සීලසඤ්ඤමං
කෙනූපපන්නා සුගතිං යසස්සිනී.
දෙවතෙ පුච්ඡිතාචික්ඛ
කිස්ස කම්මස්සිදං ඵලන්ති.
300. ඉදානි භන්තෙ ඉමමෙව ගාමං
පිණ්ඩාය අම්හාක ඝරං උපාගමි
තතො තෙ උච්ඡුස්ස අදාසි ඛණ්ඩිකං
පසන්නචිත්තා අතුලාය පීතියා.
පිණ්ඩාය අම්හාක ඝරං උපාගමි
තතො තෙ උච්ඡුස්ස අදාසි ඛණ්ඩිකං
පසන්නචිත්තා අතුලාය පීතියා.
301. සස්සු ච පච්ඡා අනුයුඤ්ජතෙ මමං
කහන්නු උච්ඡුං වධුකෙ අවාකිරී
නච්ඡඩ්ඪිතං න ච පන ඛාදිතං මයා
සන්තස්ස භික්ඛුස්ස සයං අදාසහං.
කහන්නු උච්ඡුං වධුකෙ අවාකිරී
නච්ඡඩ්ඪිතං න ච පන ඛාදිතං මයා
සන්තස්ස භික්ඛුස්ස සයං අදාසහං.
302. තුය්හං නචිදං ඉස්සරියං අථො මම
ඉතිස්සා සස්සු පරිභාසතෙ මමං,
පීඨං ගහෙත්වා පහාරං අදාසි මෙ
තතො චුතා කාලකතාම්හි දෙවතා.
ඉතිස්සා සස්සු පරිභාසතෙ මමං,
පීඨං ගහෙත්වා පහාරං අදාසි මෙ
තතො චුතා කාලකතාම්හි දෙවතා.
303. තදෙව කම්මං කුසලං කතං මයා
සුඛඤ්ච කම්මං අනුභොමි අත්තනා,
දෙවෙහි සද්ධිං පරිචාරයාමහං
මොදාමහං කාමගුණෙහි පඤ්චහි.
සුඛඤ්ච කම්මං අනුභොමි අත්තනා,
දෙවෙහි සද්ධිං පරිචාරයාමහං
මොදාමහං කාමගුණෙහි පඤ්චහි.
304. තදෙව කම්මං කුසලං කතං මයා
සුඛඤ්ච කම්මං අනුභොමි අත්තනා
දෙවින්දගුත්තා තිදසෙහි රක්ඛිතා
සමප්පිතා කාමගුණෙහි පඤ්චහි.
සුඛඤ්ච කම්මං අනුභොමි අත්තනා
දෙවින්දගුත්තා තිදසෙහි රක්ඛිතා
සමප්පිතා කාමගුණෙහි පඤ්චහි.
305. එතාදිසං පුඤ්ඤඵලං අනප්පකං
මහාවිපාකා මම උච්ඡුදක්ඛිණා,
දෙවෙහි සද්ධිං පරිචාරයාමහං
මොදාමහං කාමගුණෙහි පඤ්චහි.
මහාවිපාකා මම උච්ඡුදක්ඛිණා,
දෙවෙහි සද්ධිං පරිචාරයාමහං
මොදාමහං කාමගුණෙහි පඤ්චහි.
306. එතාදිසං පුඤ්චඵලං අනප්පකං
මහාජුතීකා මම උච්ඡුදක්ඛිණා,
දෙවින්දගුත්තා තිදසෙහි රක්ඛිතා
සහස්සනෙත්තො ඉව නන්දනෙ වනෙ.
මහාජුතීකා මම උච්ඡුදක්ඛිණා,
දෙවින්දගුත්තා තිදසෙහි රක්ඛිතා
සහස්සනෙත්තො ඉව නන්දනෙ වනෙ.
307. තුවඤ්ච භන්තෙ අනුකම්පකං විදුං
උපෙච්ච වන්දිං කුසලඤ්ච පුච්ඡිසං
තතො තෙ උච්ඡුස්ස අදාසිං ඛණ්ඩිකං
පසන්නචිත්තා අතුලාය පීතියාති.
උපෙච්ච වන්දිං කුසලඤ්ච පුච්ඡිසං
තතො තෙ උච්ඡුස්ස අදාසිං ඛණ්ඩිකං
පසන්නචිත්තා අතුලාය පීතියාති.
උච්ඡුදායිකාවිමානං.
3. 3.
308. පල්ලඞ්කසෙට්ඨෙ මණිසොණ්ණචිත්තෙ
පුප්ඵාභිකිණ්ණෙ සයනෙ උළාරෙ
තත්ථච්ඡසි දෙවි මහානුභාවෙ
උච්චාවචා ඉද්ධි විකුබ්බමානා.
පුප්ඵාභිකිණ්ණෙ සයනෙ උළාරෙ
තත්ථච්ඡසි දෙවි මහානුභාවෙ
උච්චාවචා ඉද්ධි විකුබ්බමානා.
309. ඉමා ච තෙ අච්ඡරායො සමන්තතො
නච්චන්ති ගායන්ති පමොදයන්ති
දෙවිද්ධිපත්තාසි මහානුභාවෙ
මනුස්සභූතා කිමකාසි පුඤ්ඤං
කෙනාසි එවං ජලිතානුභාවා
වණ්ණො ච තෙ සබ්බදිසා පභාසතීති.
නච්චන්ති ගායන්ති පමොදයන්ති
දෙවිද්ධිපත්තාසි මහානුභාවෙ
මනුස්සභූතා කිමකාසි පුඤ්ඤං
කෙනාසි එවං ජලිතානුභාවා
වණ්ණො ච තෙ සබ්බදිසා පභාසතීති.