විමානවත්ථුපාළි
නමො තස්ස භගවතො අරහතො සම්මා සම්බුද්ධස්ස.
1. පීඨවග්ගො
1. 1.
1. පීඨං තෙ සොවණ්ණමයං උළාරං
මනොජවං ගච්ඡති යෙන කාමං,
අලඞ්කතෙ මාල්යධරෙ සුවත්ථෙ
ඔභාසසි විජ්ජුරිවබ්භකූටං.
මනොජවං ගච්ඡති යෙන කාමං,
අලඞ්කතෙ මාල්යධරෙ සුවත්ථෙ
ඔභාසසි විජ්ජුරිවබ්භකූටං.
2. කෙන තෙ තාදිසො වණ්ණො කෙන තෙ ඉධමිජ්ඣති,
උප්පජ්ජන්ති ච තෙ භොගා යෙ කෙචි මනසො පියා.
උප්පජ්ජන්ති ච තෙ භොගා යෙ කෙචි මනසො පියා.
3. පුච්ඡාමි තං දෙවි මහානුභාවෙ
මනුස්සභූතා කිමකාසි පුඤ්ඤං,
කෙනාසි එවං ජලිතානුභාවා
වණ්ණො ච තෙ සබ්බදිසා පභාසතීති.
මනුස්සභූතා කිමකාසි පුඤ්ඤං,
කෙනාසි එවං ජලිතානුභාවා
වණ්ණො ච තෙ සබ්බදිසා පභාසතීති.
4. සා දෙවතා අත්තමනා මොග්ගල්ලානෙන පුච්ඡිතා,
පඤ්හං පුට්ඨා වියාකාසි යස්ස කම්මස්සිදං ඵලං.
පඤ්හං පුට්ඨා වියාකාසි යස්ස කම්මස්සිදං ඵලං.
5. අහං මනුස්සෙසු මනුස්සභූතා
අබ්භාගතානාසනකං අදාසිං,
අභිවාදයිං අඤ්ජලිකං අකාසිං
යථානුභාවඤ්ච අදාසි දානං.
අබ්භාගතානාසනකං අදාසිං,
අභිවාදයිං අඤ්ජලිකං අකාසිං
යථානුභාවඤ්ච අදාසි දානං.
6. තෙන මෙ තාදිසො වණ්ණො තෙන මෙ ඉධමිජ්ඣති
උප්පජ්ජන්ති ච මෙ භොගා යෙ කෙචි මනසො පියා.
උප්පජ්ජන්ති ච මෙ භොගා යෙ කෙචි මනසො පියා.
7. අක්ඛාමි තෙ භික්ඛු මහානුභාව
මනුස්සභූතා යමකාසි පුඤ්ඤං,
තෙනම්හි එවං ජලිතානුභාවා
වණ්ණො ච මෙ සබ්බදිසා පභාසතීති.
මනුස්සභූතා යමකාසි පුඤ්ඤං,
තෙනම්හි එවං ජලිතානුභාවා
වණ්ණො ච මෙ සබ්බදිසා පභාසතීති.
පඨමපීඨවිමානං.
1. 2.
8. පීඨං තෙ වෙළුරියමයං උළාරං
මනොජවං ගච්ඡති යෙන කාමං,
අලඞ්කතෙ මාල්යධරෙ සුවත්ථෙ
ඔභාසසි විජ්ජුරිවබ්භකූටං.
මනොජවං ගච්ඡති යෙන කාමං,
අලඞ්කතෙ මාල්යධරෙ සුවත්ථෙ
ඔභාසසි විජ්ජුරිවබ්භකූටං.
9. කෙන තෙ තාදිසො වණ්ණො කෙන තෙ ඉධමිජ්ඣති,
උප්පජ්ජන්ති ච තෙ භොගා යෙ කෙචි මනසො පියා.
උප්පජ්ජන්ති ච තෙ භොගා යෙ කෙචි මනසො පියා.
10. පුච්ඡාමි තං දෙවි මහානුභාවෙ
මනුස්සභූතා කිමකාසි පුඤ්ඤං,
කෙනාසි එවං ජලිතානුභාවා
වණ්ණො ච තෙ සබ්බදිසා පභාසතීති.
මනුස්සභූතා කිමකාසි පුඤ්ඤං,
කෙනාසි එවං ජලිතානුභාවා
වණ්ණො ච තෙ සබ්බදිසා පභාසතීති.
11. සා දෙවතා අත්තමනා මොග්ගල්ලානෙන පුච්ඡිතා,
පඤ්හං පුට්ඨා වියාකාසි යස්ස කම්මස්සිදං ඵලං.
පඤ්හං පුට්ඨා වියාකාසි යස්ස කම්මස්සිදං ඵලං.
12. අහං මනුස්සෙසු මනුස්සභූතා
අබ්භාගතානාසනකං අදාසිං,
අභිවාදයිං අඤ්ජලිකං අකාසිං
යථානුභාවඤ්ච අදාසි දානං.
අබ්භාගතානාසනකං අදාසිං,
අභිවාදයිං අඤ්ජලිකං අකාසිං
යථානුභාවඤ්ච අදාසි දානං.
13. තෙන මෙ තාදිසො වණ්ණො තෙන මෙ ඉධමිජ්ඣති,
උප්පජ්ජන්ති ච මෙ භොගා යෙ කෙචි මනසො පියා.
උප්පජ්ජන්ති ච මෙ භොගා යෙ කෙචි මනසො පියා.
14. අක්ඛාමි තෙ භික්ඛු මහානුභාව
මනුස්සභූතා යමකාසිපුඤ්ඤං,
තෙනම්හි එවං ජලිතානුභාවා
වණ්ණො ච මෙ සබ්බදිසා පභාසතීති.
මනුස්සභූතා යමකාසිපුඤ්ඤං,
තෙනම්හි එවං ජලිතානුභාවා
වණ්ණො ච මෙ සබ්බදිසා පභාසතීති.
දුතියපීඨවිමානං.
1. 3.
15. පීඨං තෙ සොවණ්ණමයං උළාරං
මනොජවං ගච්ඡති යෙන කාමං,
අලඞ්කතෙ මාල්යධරෙ සුවත්ථෙ
ඔභාසසි විජ්ජුරිවබ්භකූටං
මනොජවං ගච්ඡති යෙන කාමං,
අලඞ්කතෙ මාල්යධරෙ සුවත්ථෙ
ඔභාසසි විජ්ජුරිවබ්භකූටං
16. කෙන තෙ තාදිසො වණ්ණො කෙන තෙ ඉධමිජ්ඣති,
උප්පජ්ජන්ති ච තෙ භොගා යෙ කෙචි මනසො පියා.
උප්පජ්ජන්ති ච තෙ භොගා යෙ කෙචි මනසො පියා.
17. පුච්ඡාමි තං දෙවි මහානුභාවෙ
මනුස්සභූතා කිමකාසි පුඤ්ඤං,
කෙනාසි එවං ජලිතානුභාවා
වණ්ණො ච තෙ සබ්බදිසා පභාසතීති.
මනුස්සභූතා කිමකාසි පුඤ්ඤං,
කෙනාසි එවං ජලිතානුභාවා
වණ්ණො ච තෙ සබ්බදිසා පභාසතීති.
18. සා දෙවතා අත්තමනා මොග්ගල්ලානෙන පුච්ඡිතා,
පඤ්හං පුට්ඨා වියාකාසි යස්ස කම්මස්සිදං ඵලං.
පඤ්හං පුට්ඨා වියාකාසි යස්ස කම්මස්සිදං ඵලං.