1251. පුථුසද්දො සමජනො න බාලො කොචි මඤ්ඤථ,
සඞ්ඝස්මිං භිජ්ජමානස්මිං නාඤ්ඤං භිය්යො අමඤ්ඤරුං.
සඞ්ඝස්මිං භිජ්ජමානස්මිං නාඤ්ඤං භිය්යො අමඤ්ඤරුං.
1252. පරිමුට්ඨා පණ්ඩිතාභාසා වාචා ගොචරභාණිනො,
යාවිච්ඡන්ති මුඛායාමං යෙන නීතා න තං විදූ.
යාවිච්ඡන්ති මුඛායාමං යෙන නීතා න තං විදූ.
1253. අක්කොච්ඡි මං අවධි මං අජිනි මං අහාසි මෙ,
යෙ තං උපනය්හන්ති වෙරං තෙසං න සම්මති.
යෙ තං උපනය්හන්ති වෙරං තෙසං න සම්මති.
1254. අක්කොච්ඡි මං අවධි මං අජිනි මං අහාසි මෙ,
යෙ තං න උපනය්හන්ති වෙරං තෙසූපසම්මති.
යෙ තං න උපනය්හන්ති වෙරං තෙසූපසම්මති.
1255. නහි වෙරෙන වෙරානි සම්මන්තීධ කුදාචනං.
අවෙරෙන ච සම්මන්ති එසධම්මො සනන්තනො.
අවෙරෙන ච සම්මන්ති එසධම්මො සනන්තනො.
1256. පරෙ ච න විජානන්ති මයමෙත්ථ යමාමසෙ,
යෙ ච තත්ථ විජානන්ති තතො තතො සම්මන්ති මෙධගා.
යෙ ච තත්ථ විජානන්ති තතො තතො සම්මන්ති මෙධගා.
1257. අට්ඨිච්ඡින්නා පාණහාරා ගවාස්ස ධනහාරිනො,
රට්ඨං විලුම්පමානානං තෙසම්පි හොති සඞ්ගති
කස්මා තුම්හාක නො සියා.
රට්ඨං විලුම්පමානානං තෙසම්පි හොති සඞ්ගති
කස්මා තුම්හාක නො සියා.
1258. සචෙ ලභෙථ නිපකං සහායං
සද්ධිං චරං සාධු විහාරි ධීරං,
අභිභුය්ය සබ්බානි පරිස්සයානි
චරෙය්ය තෙනත්තමනො සතීමා.
සද්ධිං චරං සාධු විහාරි ධීරං,
අභිභුය්ය සබ්බානි පරිස්සයානි
චරෙය්ය තෙනත්තමනො සතීමා.
1259. නො චෙ ලභෙථ නිපකං සහායං
සද්ධිං චරං සාධු විහාරි ධීරං,
රාජාව රට්ඨං විජිතං පහාය
එකො චරෙ මාතඞ්ගරඤ්ඤෙව නාගො.
සද්ධිං චරං සාධු විහාරි ධීරං,
රාජාව රට්ඨං විජිතං පහාය
එකො චරෙ මාතඞ්ගරඤ්ඤෙව නාගො.
1260. එකස්ස චරිතං සෙය්යො
නත්ථි බාලෙ සහායතා,
එකො චරෙ නව පාපානි කයිරා
අප්පොස්සුක්කො මාතඞ්ගරඤ්ඤෙව නාගොති.
නත්ථි බාලෙ සහායතා,
එකො චරෙ නව පාපානි කයිරා
අප්පොස්සුක්කො මාතඞ්ගරඤ්ඤෙව නාගොති.
2. කොසම්බජාතකං.
1261. දුමො යදා හොති ඵලූපපන්නො
භුඤ්ජන්ති තං විහගා සම්පතන්තා,
ඛීණන්ති ඤත්වාන දුමං ඵලච්චයෙ
දිසොදිසං යන්ති තතො විහඞ්ගමා.
භුඤ්ජන්ති තං විහගා සම්පතන්තා,
ඛීණන්ති ඤත්වාන දුමං ඵලච්චයෙ
දිසොදිසං යන්ති තතො විහඞ්ගමා.
1262. චර චාරිකං ලොහිතතුණ්ඩ මාචරි
කිං ත්වං සුව සුක්ඛදුමම්හි ඣායසි,
තදිඞ්ඝ මං බ්රූහි වසන්තසන්නිභ
කස්මා සුව සුක්ඛදුමං න රිඤ්චසි.
කිං ත්වං සුව සුක්ඛදුමම්හි ඣායසි,
තදිඞ්ඝ මං බ්රූහි වසන්තසන්නිභ
කස්මා සුව සුක්ඛදුමං න රිඤ්චසි.
1263. යෙ වෙ සඛීනං සඛාරො භවන්ති
පාණච්චයෙ සුඛදුක්ඛෙසු හංස,
ඛීණං අඛීණන්ති න තං ජහන්ති,
සන්තො සතං ධම්මමනුස්සරන්තා.
පාණච්චයෙ සුඛදුක්ඛෙසු හංස,
ඛීණං අඛීණන්ති න තං ජහන්ති,
සන්තො සතං ධම්මමනුස්සරන්තා.
1264. සොහං සතං අඤ්ඤතරොස්මි හංස
ඤාතී ච මෙ හොති සඛා ච රුක්ඛො,
තං නුස්සහෙ ජීවිකත්ථො පහාතුං
ඛීණන්ති ඤත්වාන නහෙසධම්මො.
ඤාතී ච මෙ හොති සඛා ච රුක්ඛො,
තං නුස්සහෙ ජීවිකත්ථො පහාතුං
ඛීණන්ති ඤත්වාන නහෙසධම්මො.
1265. සාධු සක්ඛිකතං හොති මෙත්ති සංසති සන්ථවො,
සචෙ තං ධම්මං රොචෙසි පාසංසොසි විජානතං.
සචෙ තං ධම්මං රොචෙසි පාසංසොසි විජානතං.
1266. සො තෙ සුව වරං දම්මී පත්තවාන විහඞ්ගම,
වරං වරස්සු වක්කඞ්ග යං කිඤ්චි මනසිච්ඡසි.
වරං වරස්සු වක්කඞ්ග යං කිඤ්චි මනසිච්ඡසි.
1267. වරඤ්ච මෙ හංස භවං දදෙය්ය
අයං හි රුක්ඛො පුනරායුං ලභෙථ,
සො සාඛවා ඵලිමා සංවිරූළ්හො
මධුත්ථිකො තිට්ඨතු සොභමානො.
අයං හි රුක්ඛො පුනරායුං ලභෙථ,
සො සාඛවා ඵලිමා සංවිරූළ්හො
මධුත්ථිකො තිට්ඨතු සොභමානො.
1268. තං පස්ස සම්ම එලිමං උළාරං
සහාව තෙ හොතු උදුම්බරෙන,
සො සාඛවා එලිමා සංවිරූළ්හො
මධුත්ථිකො තිට්ඨතු සොභමානො.
සහාව තෙ හොතු උදුම්බරෙන,
සො සාඛවා එලිමා සංවිරූළ්හො
මධුත්ථිකො තිට්ඨතු සොභමානො.