ජාතකපාළි
(පඨමො භාගො)
නමො තස්ස භගවතො අරහතො සම්මා සම්බුද්ධස්ස.
1. එකකනිපාතො
1. අපණ්ණකවග්ගො
1. අපණ්ණකං ඨානමෙකෙ දුතියං ආහු තක්කිකා.
එතදඤ්ඤාය මෙධාවී තං ගණ්හෙ යදපණ්ණකන්ති.
එතදඤ්ඤාය මෙධාවී තං ගණ්හෙ යදපණ්ණකන්ති.
1. අපණ්ණකජාතකං.
2. අකිලාසුනො වණ්ණුපථෙ ඛණන්තා
උදඞ්ගණෙ තත්ථ පපං අවින්දුං,
එවං මුනී විරියබලූපපන්නො
අකිලාසු වින්දෙ හදයස්ස සන්තින්ති.
උදඞ්ගණෙ තත්ථ පපං අවින්දුං,
එවං මුනී විරියබලූපපන්නො
අකිලාසු වින්දෙ හදයස්ස සන්තින්ති.
2. වණ්ණුපථජාතකං.
3. ඉධ චෙ හි නං විරාධෙසි සද්ධම්මස්ස නියාමතං,
චිරං ත්වං අනුතපෙස්සසි සෙරිවායංව වාණිජොති.
චිරං ත්වං අනුතපෙස්සසි සෙරිවායංව වාණිජොති.
3. සෙරිවාවාණිජජාතකං.
4. අප්පකෙනපි මෙධාවී පාභතෙන විචක්ඛණො,
සමුට්ඨාපෙති අත්තානං අණුං අග්ගිංව සන්ධමන්ති.
සමුට්ඨාපෙති අත්තානං අණුං අග්ගිංව සන්ධමන්ති.
4. චුල්ලසෙට්ඨිජාතකං
5. කිමග්ඝති තණ්ඩුලනාළිකාය
අස්සාන මූලාය වදෙහි රාජ,
බාරාණසිං සන්තරබාහිරන්තං
අයමග්ඝති තණ්ඩුලනාළිකාති.
අස්සාන මූලාය වදෙහි රාජ,
බාරාණසිං සන්තරබාහිරන්තං
අයමග්ඝති තණ්ඩුලනාළිකාති.
5. තණ්ඩුලනාළිජාතකං.
6. හිරිඔත්තප්පසම්පන්නා සුක්කධම්මසමාහිතා,
සන්තො සප්පුරිසා ලොකෙ දෙවධම්මාති වුච්චරෙති.
සන්තො සප්පුරිසා ලොකෙ දෙවධම්මාති වුච්චරෙති.
6. දෙවධම්මජාතකං.
7. පුත්තො ත්යාහං මහාරාජ ත්වං මං පොස ජනාධිප,
අඤ්ඤෙපි දෙවො පොසෙති කිඤ්ච දෙවො සකං පජන්ති.
අඤ්ඤෙපි දෙවො පොසෙති කිඤ්ච දෙවො සකං පජන්ති.
7. කට්ඨහාරිජාතකං.
8. අපි අතරමානානං ඵලාසාව සමිජ්ඣති,
විපක්කබ්රහ්මචරියොස්මි එවං ජානාහි ගාමණීති.
විපක්කබ්රහ්මචරියොස්මි එවං ජානාහි ගාමණීති.
8. ගාමණීජාතකං.
9. උත්තමඞ්ගරුහා මය්හං ඉමෙ ජාතා වයොහරා,
පාතුභූතා දෙවදූතා පබ්බජ්ජාසමයො මමාති.
පාතුභූතා දෙවදූතා පබ්බජ්ජාසමයො මමාති.
9. මඛාදෙවජාතකං.
10. යඤ්ච අඤ්ඤෙනුරක්ඛන්ති යො ච අඤ්ඤෙ න රක්ඛති,
ස චෙ රාජ සුඛං සෙති කාමෙසු අනපෙඛවාති.
ස චෙ රාජ සුඛං සෙති කාමෙසු අනපෙඛවාති.
10. සුඛවිහාරිජාතකං.
අපණ්ණකවග්ගො පඨමො.
තස්සුද්දානං:
වරාපණ්ණකවණ්ණුපථසෙරිවරො
සුචිචක්ඛණතණ්ඩුලනාළිකස්සං,
හිරීපුත්තවරුත්තගාමණිනා
යො ච න රක්ඛති තෙන දස.
සුචිචක්ඛණතණ්ඩුලනාළිකස්සං,
හිරීපුත්තවරුත්තගාමණිනා
යො ච න රක්ඛති තෙන දස.