1261. දුමො යදා හොති ඵලූපපන්නො
භුඤ්ජන්ති තං විහගා සම්පතන්තා,
ඛීණන්ති ඤත්වාන දුමං ඵලච්චයෙ
දිසොදිසං යන්ති තතො විහඞ්ගමා.
භුඤ්ජන්ති තං විහගා සම්පතන්තා,
ඛීණන්ති ඤත්වාන දුමං ඵලච්චයෙ
දිසොදිසං යන්ති තතො විහඞ්ගමා.
1262. චර චාරිකං ලොහිතතුණ්ඩ මාචරි
කිං ත්වං සුව සුක්ඛදුමම්හි ඣායසි,
තදිඞ්ඝ මං බ්රූහි වසන්තසන්නිභ
කස්මා සුව සුක්ඛදුමං න රිඤ්චසි.
කිං ත්වං සුව සුක්ඛදුමම්හි ඣායසි,
තදිඞ්ඝ මං බ්රූහි වසන්තසන්නිභ
කස්මා සුව සුක්ඛදුමං න රිඤ්චසි.
1263. යෙ වෙ සඛීනං සඛාරො භවන්ති
පාණච්චයෙ සුඛදුක්ඛෙසු හංස,
ඛීණං අඛීණන්ති න තං ජහන්ති,
සන්තො සතං ධම්මමනුස්සරන්තා.
පාණච්චයෙ සුඛදුක්ඛෙසු හංස,
ඛීණං අඛීණන්ති න තං ජහන්ති,
සන්තො සතං ධම්මමනුස්සරන්තා.
1264. සොහං සතං අඤ්ඤතරොස්මි හංස
ඤාතී ච මෙ හොති සඛා ච රුක්ඛො,
තං නුස්සහෙ ජීවිකත්ථො පහාතුං
ඛීණන්ති ඤත්වාන නහෙසධම්මො.
ඤාතී ච මෙ හොති සඛා ච රුක්ඛො,
තං නුස්සහෙ ජීවිකත්ථො පහාතුං
ඛීණන්ති ඤත්වාන නහෙසධම්මො.
1265. සාධු සක්ඛිකතං හොති මෙත්ති සංසති සන්ථවො,
සචෙ තං ධම්මං රොචෙසි පාසංසොසි විජානතං.
සචෙ තං ධම්මං රොචෙසි පාසංසොසි විජානතං.
1266. සො තෙ සුව වරං දම්මී පත්තවාන විහඞ්ගම,
වරං වරස්සු වක්කඞ්ග යං කිඤ්චි මනසිච්ඡසි.
වරං වරස්සු වක්කඞ්ග යං කිඤ්චි මනසිච්ඡසි.
1267. වරඤ්ච මෙ හංස භවං දදෙය්ය
අයං හි රුක්ඛො පුනරායුං ලභෙථ,
සො සාඛවා ඵලිමා සංවිරූළ්හො
මධුත්ථිකො තිට්ඨතු සොභමානො.
අයං හි රුක්ඛො පුනරායුං ලභෙථ,
සො සාඛවා ඵලිමා සංවිරූළ්හො
මධුත්ථිකො තිට්ඨතු සොභමානො.
1268. තං පස්ස සම්ම එලිමං උළාරං
සහාව තෙ හොතු උදුම්බරෙන,
සො සාඛවා එලිමා සංවිරූළ්හො
මධුත්ථිකො තිට්ඨතු සොභමානො.
සහාව තෙ හොතු උදුම්බරෙන,
සො සාඛවා එලිමා සංවිරූළ්හො
මධුත්ථිකො තිට්ඨතු සොභමානො.
1269. එවං සක්ක සුඛී හොහි සහ සබ්බෙහි ඤාතිභි,
යථාහමජ්ජ සුඛිතො දිස්වාන එලිතං දුමං.
යථාහමජ්ජ සුඛිතො දිස්වාන එලිතං දුමං.
1270. සුවස්ස ච වරං දත්වා කත්වාන සඵලං දුමං,
පක්කාමි සහභරියාය දෙවානං නන්දනං වන’න්ති.
පක්කාමි සහභරියාය දෙවානං නන්දනං වන’න්ති.
3. මහාසුකජාතකං.
1271. සන්ති රුක්ඛා හරිතපත්තා දුමා නෙකඵලා බහු,
කස්මා නු සුක්ඛෙ කොළාපෙ සුකස්ස නිරතො මනො.
කස්මා නු සුක්ඛෙ කොළාපෙ සුකස්ස නිරතො මනො.
1272. ඵලස්ස උපභුඤ්ජිම්හා නෙකවස්සගණෙ බහු,
අඵලම්පි විදිත්වාන සාව මෙත්ති යථාපුරෙ.
අඵලම්පි විදිත්වාන සාව මෙත්ති යථාපුරෙ.
1273. සුක්ඛඤ්ච රුක්ඛං කොළාපං ඔපත්තමඵලං දුමං,
ඔහාය සකුණා යන්ති කිං දොසං පස්සයෙ දිජ
ඔහාය සකුණා යන්ති කිං දොසං පස්සයෙ දිජ
1274. යෙ ඵලත්ථා සම්භජන්ති අඵලොති ජහන්ති නං,
අත්තට්ඨපඤ්ඤා දුම්මෙධා තෙ හොන්ති පක්ඛපාතිනො.
අත්තට්ඨපඤ්ඤා දුම්මෙධා තෙ හොන්ති පක්ඛපාතිනො.
1275. සාධු සක්ඛි කතං හොති මෙත්ති සංසති සන්ථවො,
සචෙ තං ධම්මං රොචෙසි පාසංසොසි විජානතං.
සචෙ තං ධම්මං රොචෙසි පාසංසොසි විජානතං.
1276. සොතෙ සුව වරං දම්මි පත්තයාන විහඞ්ගම,
වරං වරස්සු වක්කඞ්ග යංකිඤ්චි මනසිච්ඡසි.
වරං වරස්සු වක්කඞ්ග යංකිඤ්චි මනසිච්ඡසි.
1277. අපි නාම නං පුන පස්සෙ සපත්තං සඵලං දුමං,
දළිද්දොව නිධි ලද්ධා නන්දෙය්යාහං පුනප්පුනං.
දළිද්දොව නිධි ලද්ධා නන්දෙය්යාහං පුනප්පුනං.
1278. තතො අමතමාදාය අභිසිඤ්චි මහීරුහං,
තස්ස සාඛා විරූහිංසු සීතච්ඡායා මනොරමා.
තස්ස සාඛා විරූහිංසු සීතච්ඡායා මනොරමා.