936. නවඡන්දකෙදානි දීයති
පුණ්ණායං දොණි සුවාමිනී ඨිතා,
බහුකෙ ජනෙ පාසපාණිකෙ
නො ච ඛො මෙ පටිභාති භුඤ්ජිතුං.
පුණ්ණායං දොණි සුවාමිනී ඨිතා,
බහුකෙ ජනෙ පාසපාණිකෙ
නො ච ඛො මෙ පටිභාති භුඤ්ජිතුං.
937. තසසි භමසි ගෙණමිච්ඡසි
අත්තාණොසි තුහිං ගමිස්සසි,
අප්පොස්සුක්කො භුඤ්ජ තුණ්ඩිල
මංසත්ථාය හි පොසියාමසෙ.
අත්තාණොසි තුහිං ගමිස්සසි,
අප්පොස්සුක්කො භුඤ්ජ තුණ්ඩිල
මංසත්ථාය හි පොසියාමසෙ.
938. ඔගහ රහදං අකද්දමං
සබ්බං සෙදමලං පවාහය,
ගණ්හාහි නවං විලෙපනං
යස්ස ගන්ධො න කදාචි ඡිජ්ජති.
සබ්බං සෙදමලං පවාහය,
ගණ්හාහි නවං විලෙපනං
යස්ස ගන්ධො න කදාචි ඡිජ්ජති.
939. කතමො රහදො අකද්දමො
කිංසු සෙදමලන්ති වුච්චති,
කතමඤ්ච නවං විලෙපනං
තස්ස ගන්ධො න කදාචි ඡිජ්ජති.
කිංසු සෙදමලන්ති වුච්චති,
කතමඤ්ච නවං විලෙපනං
තස්ස ගන්ධො න කදාචි ඡිජ්ජති.
940. ධම්මො රහදො අකද්දමො
පාපං සෙදමලන්ති වුච්චති,
සීලඤ්ච නවං විලෙපනං
තස්ස ගන්ධො න කදාචි ඡිජ්ජති.
පාපං සෙදමලන්ති වුච්චති,
සීලඤ්ච නවං විලෙපනං
තස්ස ගන්ධො න කදාචි ඡිජ්ජති.
941. නන්දන්ති සරීරඝාතිනො
න ච නන්දන්ති සරිරධාරිනො,
පුණ්ණාය ච පුණ්ණමාසියා
රමමානාව ජහන්ති ජීවිතන්ති.
න ච නන්දන්ති සරිරධාරිනො,
පුණ්ණාය ච පුණ්ණමාසියා
රමමානාව ජහන්ති ජීවිතන්ති.
3. තුණ්ඩිලජාතකං.
942. සිඞ්ගී මිගො ආයත චක්ඛුනෙත්තො
අට්ඨිත්තචො වාරිසයො අලොමො,
තෙනාභිභූතො කපණං රුදාමි
හරෙ සඛා කිස්ස නු මං ජහාසි.
අට්ඨිත්තචො වාරිසයො අලොමො,
තෙනාභිභූතො කපණං රුදාමි
හරෙ සඛා කිස්ස නු මං ජහාසි.
943. සො පස්සසන්තො මහතා ඵණෙන.
භුජඞ්ගමො කක්කටමජ්ඣපත්තො,
සඛා සඛාරං පරිතායමානො
භුජඞ්ගමං කක්කටකො ගහෙසි.
භුජඞ්ගමො කක්කටමජ්ඣපත්තො,
සඛා සඛාරං පරිතායමානො
භුජඞ්ගමං කක්කටකො ගහෙසි.
944. න වායසං නො පන සප්පරාජං
ඝාසත්ථිකො කක්කටකො අදෙය්ය,
පුච්ඡාමි තං ආයතචක්ඛුනෙත්ත
අථ කිස්ස හෙතුම්හ උභො ගහීතා.
ඝාසත්ථිකො කක්කටකො අදෙය්ය,
පුච්ඡාමි තං ආයතචක්ඛුනෙත්ත
අථ කිස්ස හෙතුම්හ උභො ගහීතා.
945. අයං පුරිසො මම අත්ථාකාමො
යො මං ගහෙත්වාන දකාය නෙති,
තස්මිං මතෙ දුක්ඛමනප්පකං මෙ
අහඤ්ච එසො ච උභො න හොම.
යො මං ගහෙත්වාන දකාය නෙති,
තස්මිං මතෙ දුක්ඛමනප්පකං මෙ
අහඤ්ච එසො ච උභො න හොම.
946. මමඤ්ච දිස්වාන පවඩ්ඪකායං
සබ්බො ජනො හිංසිතුමෙව මිච්ඡෙ
සාදුඤ්ච ථුල්ලඤ්ච මුදුඤ්ච මංසං
කාකාපි මං දිස්වා විභෙඨයෙය්යුං.
සබ්බො ජනො හිංසිතුමෙව මිච්ඡෙ
සාදුඤ්ච ථුල්ලඤ්ච මුදුඤ්ච මංසං
කාකාපි මං දිස්වා විභෙඨයෙය්යුං.
947. සවෙ තස්ස හෙතුම්හ උභො ගහීතා
උට්ඨාතු පොසො විසමාචමාමි,
මමඤ්ච කාකඤ්ච පමුඤ්ච ඛිප්පං
පුරෙ විසං ගාළහමුපෙති මච්චං.
උට්ඨාතු පොසො විසමාචමාමි,
මමඤ්ච කාකඤ්ච පමුඤ්ච ඛිප්පං
පුරෙ විසං ගාළහමුපෙති මච්චං.
948. සප්පං පමොක්ඛාමි න තාව කාකං
පටිබද්ධකො හොහිති තාව කාකො,
පුරිසඤ්ච දිස්වාන සුඛිං අරොගං
කාකං පමොක්ඛාමි යථෙව සප්පං.
පටිබද්ධකො හොහිති තාව කාකො,
පුරිසඤ්ච දිස්වාන සුඛිං අරොගං
කාකං පමොක්ඛාමි යථෙව සප්පං.
949. කාකො තදා දෙවදත්තො අහොසි
මාරො පන කණ්හසප්පො අහොසි,
ආනන්දභද්දො කක්කටකො අහොසි
අහං තදා බ්රාහ්මණො හොමි සත්ථාති.
මාරො පන කණ්හසප්පො අහොසි,
ආනන්දභද්දො කක්කටකො අහොසි
අහං තදා බ්රාහ්මණො හොමි සත්ථාති.
4. සුවණ්ණකක්කටක ජාතකං.