493. කොනායං ලොණතොයස්මිං සමන්තා පරිධාවති,
මච්ඡෙ මකරෙ ච වාරෙති ඌමීසු ච විහඤ්ඤති.
මච්ඡෙ මකරෙ ච වාරෙති ඌමීසු ච විහඤ්ඤති.
494. අනන්තපායී සකුණො අතිත්තොති දිසාසුතො,
සමුද්දං පාතුමිච්ඡාමි සාගරං සරිතං පතිං.
සමුද්දං පාතුමිච්ඡාමි සාගරං සරිතං පතිං.
495. ස්වායං හායති චෙව පුරතෙ ච මහොදධි,
නාස්ස නායති පීතන්තො අපෙය්යො කිර සාගරො’ති.
නාස්ස නායති පීතන්තො අපෙය්යො කිර සාගරො’ති.
6. සමුද්දජාතකං.
496. උච්චෙ සකුණ ඩෙමාන පත්තයාන විහඞ්ගම,
වජ්ජාසි ඛො ත්වං වාමූරුං චිරං ඛො සා කරිස්සති.
වජ්ජාසි ඛො ත්වං වාමූරුං චිරං ඛො සා කරිස්සති.
497. ඉදං ඛො සා න ජානාති අසිං සත්තිඤ්ච ඔඩ්ඩිතං,
සා චණ්ඩී කාහති කොධං තං මෙ තපති නො ඉධ.
සා චණ්ඩී කාහති කොධං තං මෙ තපති නො ඉධ.
498. එස උප්පලසන්නාහො නික්ඛමුස්සිසකෙ කතං,
කාසිකඤ්ච මුදුං වත්ථං තප්පතු ධනකාමිකා’ති.
කාසිකඤ්ච මුදුං වත්ථං තප්පතු ධනකාමිකා’ති.
7. කාමවිලාපජාතකං.
499. උදුම්බරා චිමෙ පක්කා නිග්රොධා ච කපිත්ථනා,
එහි නික්ඛම භුඤ්ජස්සු කිං ජිඝච්ඡාය මීයසි.
එහි නික්ඛම භුඤ්ජස්සු කිං ජිඝච්ඡාය මීයසි.
500. එවං සො සුහිතො හොති යො වද්දමපචායති,
යථාහමජ්ජ සුහිතො දූමපක්කානිමාසිතො.
යථාහමජ්ජ සුහිතො දූමපක්කානිමාසිතො.
501. යං වනෙජො වනෙජස්ස වඤ්චෙය්ය කපිනො කපි,
දහරොපි තං න සද්ධෙය්ය න හි ජිණ්ණො ජරාකපි’ති.
දහරොපි තං න සද්ධෙය්ය න හි ජිණ්ණො ජරාකපි’ති.
8. උදුම්බරජාතකං.
502. පුරෙ තුවං සීලවතං සකාසෙ
ඔක්කන්දිකං කීළසි අස්සමම්හි,
කරොහරෙ මක්කටියානි මක්කට
න තං මයං සීලවතං රමාම.
ඔක්කන්දිකං කීළසි අස්සමම්හි,
කරොහරෙ මක්කටියානි මක්කට
න තං මයං සීලවතං රමාම.
503. සුතා හි මය්හං පරමා විසුද්ධි
කොමායපුත්තස්ස බහුස්සුතස්ස,
මාදානි මං මඤ්ඤි තුවං යථා පුරෙ
ඣානානුයුත්තා විහරාම ආවුසො.
කොමායපුත්තස්ස බහුස්සුතස්ස,
මාදානි මං මඤ්ඤි තුවං යථා පුරෙ
ඣානානුයුත්තා විහරාම ආවුසො.