5148. මමං දිස්වාන ආයන්තං සබ්බකාමසමිද්ධිනං,
ඉන්ද්රියානි අහට්ඨානි සාවං ජාතං මුඛං තව.
ඉන්ද්රියානි අහට්ඨානි සාවං ජාතං මුඛං තව.
5149. පදුමං යථා හත්ථගතං පාණිනා පරිමද්දිතං,
සාවං ජාතං මුඛං තුය්හං මමං දිස්වාන එදිසං.
සාවං ජාතං මුඛං තුය්හං මමං දිස්වාන එදිසං.
5150. කච්චින්නු තෙ නාභිසයි කච්චි තෙ අත්ථි වෙදනා, .
යෙන සාවං මුඛං තුය්හං මමං දිස්වාන ආගතං.
යෙන සාවං මුඛං තුය්හං මමං දිස්වාන ආගතං.
5151. සුපිනං තාත අද්දක්ඛිං ඉතො මාසං අධොගතං,
දක්ඛිණං විය මෙ බාහං ඡෙත්වා රුහිරමක්ඛිතං;
පුරිසො ආදාය පක්කාමි මමං රොදන්තියා සති.
දක්ඛිණං විය මෙ බාහං ඡෙත්වා රුහිරමක්ඛිතං;
පුරිසො ආදාය පක්කාමි මමං රොදන්තියා සති.
5152. යතො තං සුපිනමද්දක්ඛිං සුදස්සන විජානහි,
තතො දිවා වා රත්තිං වා සුඛං මෙ න උපලබ්භති.
තතො දිවා වා රත්තිං වා සුඛං මෙ න උපලබ්භති.
5153. යං පුබ්බෙ පරිචාරිංසු කඤ්ඤා රුචිරවිග්ගහා,
හෙමජාලපටිච්ඡත්තා භූරිදත්තො න දිස්සති.
හෙමජාලපටිච්ඡත්තා භූරිදත්තො න දිස්සති.
5154. යං පුබ්බෙ පරිචාරිංසු නෙත්තිංසවරධාරිනො,
කණිකාරා විය සම්ඵුල්ලා භූරිදත්තො න දිස්සති.
කණිකාරා විය සම්ඵුල්ලා භූරිදත්තො න දිස්සති.
5155. හන්දදානි ගමිස්සාම භූරිදත්තනිවෙසනං,
ධම්මට්ඨං සීලසම්පන්නං පස්සාම තව භාතරං.
ධම්මට්ඨං සීලසම්පන්නං පස්සාම තව භාතරං.
5156. තඤ්ච දිස්වාන ආයන්තිං භූරිදත්තස්ස මාතරං,
බාහා පග්ගය්හ පක්කන්දුං භූරිදත්තස්ස නාරියො.
බාහා පග්ගය්හ පක්කන්දුං භූරිදත්තස්ස නාරියො.
5157. පුත්තං තෙය්යෙ න ජානාම ඉතො මාසං අධොගතං,
මතං වා යදි වා ජීවං භූරිදත්තං යසස්සිනං.
මතං වා යදි වා ජීවං භූරිදත්තං යසස්සිනං.
5158. සකුණී හතපුත්තාව සුඤ්ඤං දිස්වා කුලාවකං,
චිරං දුක්ඛෙන ඣායිස්සං භූරිදත්තං අපස්සති.
චිරං දුක්ඛෙන ඣායිස්සං භූරිදත්තං අපස්සති.
5159. සකුණී හතපුත්තාව සුඤ්ඤං දිස්වා කුලාවකං,
තෙන තෙන පධාවිස්සං පියපුත්තං අපස්සති.
තෙන තෙන පධාවිස්සං පියපුත්තං අපස්සති.
5160. කුරරී හතඡාපාව සුඤ්ඤං දිස්වා කුලාවකං,
චිරං දුක්ඛෙන ඣායිස්සං භූරිදත්තං අපස්සති.
චිරං දුක්ඛෙන ඣායිස්සං භූරිදත්තං අපස්සති.
5161. සා නූන චක්කවාකීව පල්ලලස්මිං අනූදකෙ,
චිරං දුක්ඛෙන ඣායිස්සං භූරිදත්තං අපස්සති.
චිරං දුක්ඛෙන ඣායිස්සං භූරිදත්තං අපස්සති.