6551. උට්ඨෙහි ජාලි පතිතිට්ඨ පොරාණං විය දිස්සති,
බ්රාහ්මණං විය පස්සාමි නන්දියො මාභිකීරරෙ.
බ්රාහ්මණං විය පස්සාමි නන්දියො මාභිකීරරෙ.
6552. අහංපි තාත පස්සාමි යො සො බ්රහ්මාව දිස්සති,
අත්ථිකො විය ආයාති අතිථී නො භවිස්සති.
අත්ථිකො විය ආයාති අතිථී නො භවිස්සති.
6553. කච්චින්නු භොතො කුසලං කච්චි භොතො අනාමයං,
කච්චි උඤ්ඡෙන යාපෙථ කච්චි මූලඵලා බහු.
කච්චි උඤ්ඡෙන යාපෙථ කච්චි මූලඵලා බහු.
6554. කච්චි ඩංසා ච මකසා ච අප්පමෙව සිරිංසපා,
වනෙ වාළමිගාකිණ්ණෙ කච්චි හිංසා න විජ්ජති.
වනෙ වාළමිගාකිණ්ණෙ කච්චි හිංසා න විජ්ජති.
6555. කුසලඤ්චෙව නො බ්රහ්මෙ අථො බ්රහ්මෙ අනාමයං,
අථො උඤ්ඡෙන යාපෙම අථො මූලඵලා බහු.
අථො උඤ්ඡෙන යාපෙම අථො මූලඵලා බහු.
6556. අථො ඩංසා ච මකසා ච අප්පමෙව සිරිංසපා,
වනෙ වාළමිගාකිණ්ණෙ හිංසා අම්හං න විජ්ජති.
වනෙ වාළමිගාකිණ්ණෙ හිංසා අම්හං න විජ්ජති.
6557. සත්ත නො මාසෙ වසතං අරඤ්ඤෙ ජීවසොකිනං,
ඉදම්පි පඨමං පස්සාම බ්රාහ්මණං දෙවවණ්ණිනං;
ආදාය ඛෙළුවං දණ්ඩං අග්ගිහුත්තං කමණ්ඩලුං.
ඉදම්පි පඨමං පස්සාම බ්රාහ්මණං දෙවවණ්ණිනං;
ආදාය ඛෙළුවං දණ්ඩං අග්ගිහුත්තං කමණ්ඩලුං.
6558. ස්වාගතං තෙ මහාබ්රහ්මෙ අථො තෙ අදුරාගතං,
අන්තො පවිස භද්දන්තෙ පදෙ පක්ඛාලයස්සු තෙ
අන්තො පවිස භද්දන්තෙ පදෙ පක්ඛාලයස්සු තෙ
6559. තින්දුකානි පියාලානි මධුකෙ කාසුමාරියො,
ඵලානි ඛුද්දකප්පානි භුඤ්ජ බ්රහ්මෙ වරං වරං,
ඵලානි ඛුද්දකප්පානි භුඤ්ජ බ්රහ්මෙ වරං වරං,
6560. ඉදම්පි පානීයං සීතං ආභතං ගිරිගබ්භරා,
තතො පිච මහාබ්රහ්මෙ සචෙ ත්වං අභිකඞ්ඛසි.
තතො පිච මහාබ්රහ්මෙ සචෙ ත්වං අභිකඞ්ඛසි.
6561. අථ ත්වං කෙන වණ්ණෙන කෙන වා පන හෙතුනා,
අනුප්පත්තො බ්රහාරඤ්ඤං තං මෙ අක්ඛාහි පුච්ඡිතො.
අනුප්පත්තො බ්රහාරඤ්ඤං තං මෙ අක්ඛාහි පුච්ඡිතො.
6562. යථා වාරිවහො පූරො සබ්බකාලෙ න ඛීයති,
එවං තං යාචිතාගඤ්ඡිං පුත්තෙ මෙ දෙහි යාචිතො.
එවං තං යාචිතාගඤ්ඡිං පුත්තෙ මෙ දෙහි යාචිතො.
6563. දදාමි න විකම්පාමි ඉස්සරො නය බ්රාහ්මණ.
පාතො ගතා රාජපුත්ති සායං උඤ්ඡාතො එහීති.
පාතො ගතා රාජපුත්ති සායං උඤ්ඡාතො එහීති.
6564. එකරත්තිං වසිත්වාන පාතො ගච්ඡසි බ්රාහ්මණ,
තස්සා නහාතෙ උපඝාතෙ අථ නෙ මාලධාරිනෙ.
තස්සා නහාතෙ උපඝාතෙ අථ නෙ මාලධාරිනෙ.
6565. එකරත්තිං වසිත්වාන පාතො ගච්ඡසි බ්රාහ්මණ,
නානාපුප්ඵෙහි සඤ්ඡන්නෙ නානාගන්ධවිභූසිතෙ;
නානාමූලඵලාකිණ්ණෙ ගච්ඡිස්සාදාය බ්රාහ්මණ.
නානාපුප්ඵෙහි සඤ්ඡන්නෙ නානාගන්ධවිභූසිතෙ;
නානාමූලඵලාකිණ්ණෙ ගච්ඡිස්සාදාය බ්රාහ්මණ.
6566. න වාසමභිරොචාමි ගමනං මය්හ රුච්චති,
අන්තරායොපි මෙ අස්ස ගච්ඡඤ්ඤෙව රථෙසභ.
අන්තරායොපි මෙ අස්ස ගච්ඡඤ්ඤෙව රථෙසභ.
6567. න හෙතා යාචයොගී නං අන්තරායස්ස කාරියා,
ඉත්ථියො මන්තං ජානන්තී සබ්බං ගණ්හන්ති වාමතො.
ඉත්ථියො මන්තං ජානන්තී සබ්බං ගණ්හන්ති වාමතො.
6568. සද්ධාය දානං දදතො මාසං අද්දක්ඛි මාතරං,
අන්තරායම්පි සා කයිරා ගච්ඡඤ්ඤෙව රථෙසභ.
අන්තරායම්පි සා කයිරා ගච්ඡඤ්ඤෙව රථෙසභ.
6569. ආමන්තයස්සු තෙ පුත්තෙ මා තෙ මාතරමද්දසුං,
සද්ධාය දානං දදතො එවං පුඤ්ඤං පවඩ්ඪති.
සද්ධාය දානං දදතො එවං පුඤ්ඤං පවඩ්ඪති.
6570. ආමන්තයස්සු තෙ පුත්තෙ මා තෙ මාතරමද්දසුං,
මාදිසස්ස ධනං දත්වා රාජ සග්ගං ගමිස්සසි.
මාදිසස්ස ධනං දත්වා රාජ සග්ගං ගමිස්සසි.
6571. සචෙ ත්වං නිච්ඡසෙ අට්ඨුං මම භරියං පතිබ්බතං,
අය්යකස්සපි දස්සෙහි ජාලිං කණ්හාජිනඤ්චුභො.
අය්යකස්සපි දස්සෙහි ජාලිං කණ්හාජිනඤ්චුභො.
6572. ඉමෙ කුමාරෙ දිස්වාන මඤ්ජුකෙ පියභාණිනෙ,
පතීතො සුමනො විත්තො බහුං දස්සති තෙ ධනං.
පතීතො සුමනො විත්තො බහුං දස්සති තෙ ධනං.
6573. අච්ඡෙදනස්ස භායාමි රාජපුත්ත සුණොහි මෙ,
රාජා දණ්ඩාය මං දජ්ජා වික්කිණෙය්ය හනෙය්ය වා;
ජිනො ධනඤ්ච දාසෙ ච ගාරය්හස්ස බ්රහ්මබන්ධුයා.
රාජා දණ්ඩාය මං දජ්ජා වික්කිණෙය්ය හනෙය්ය වා;
ජිනො ධනඤ්ච දාසෙ ච ගාරය්හස්ස බ්රහ්මබන්ධුයා.
6574. ඉමෙ කුමාරෙ දිස්වාන මඤ්ජුකෙ පියභාණිනෙ,
ධම්මෙ ඨිතො මහාරාජා සිවීනං රට්ඨවඩ්ඪනො;
ලද්ධා පීතිසොමනස්සං බහුං දස්සති තෙ ධනං.
ධම්මෙ ඨිතො මහාරාජා සිවීනං රට්ඨවඩ්ඪනො;
ලද්ධා පීතිසොමනස්සං බහුං දස්සති තෙ ධනං.