225. උච්චෙවිටහි මාරුය්හ මන්තයව්හො රහොගතා,
නීචෙ ඔරුය්හ මන්තව්හො මිගරාජාපි සොස්සති.
නීචෙ ඔරුය්හ මන්තව්හො මිගරාජාපි සොස්සති.
226. යං සුපණ්ණො සුපණ්ණෙන දෙවො දෙවෙන මන්තයෙ,
කිං තෙත්ථ චතුමට්ටස්ස ඛිලං පවිස ජම්බුකාති.
කිං තෙත්ථ චතුමට්ටස්ස ඛිලං පවිස ජම්බුකාති.
7. චතුමට්ඨජාතකං.
227. සීහඞ්ගුලි සීහනඛො සීහපාදපතිට්ඨිතො,
සො සීහො සීහසඞ්ඝම්භි එකො නදති අඤ්ඤථා.
සො සීහො සීහසඞ්ඝම්භි එකො නදති අඤ්ඤථා.
228. මා ත්වං නදී රාජපුත්ත අප්පසද්දො වනෙ වස,
සරෙන ඛො තං ජානෙය්යුං න හි තෙ පෙත්තිකො සරො’ති
සරෙන ඛො තං ජානෙය්යුං න හි තෙ පෙත්තිකො සරො’ති
8. සීහකොත්ථුකජාතකං.
229. නෙතං සීහස්ස නදිතං න ව්යග්ඝස්ස න දීපිනො,
පාරුතො සීහචම්මෙන ජම්මො නදති ගද්රභො.
පාරුතො සීහචම්මෙන ජම්මො නදති ගද්රභො.
230. චිරම්පි ඛො තං ඛාදෙය්ය ගද්රභො හරිතං යවං,
පාරුතො සීහචම්මෙන රවමානොව දූසයී’ති.
පාරුතො සීහචම්මෙන රවමානොව දූසයී’ති.
9. සීහචම්මජාතකං.
231. පස්ස සද්ධාය සීලස්ස චාගස්ස ච අයං ඵලං,
නාගො නාවාය වණ්ණෙන සද්ධං වහති උපාසකං.
නාගො නාවාය වණ්ණෙන සද්ධං වහති උපාසකං.
232. සබ්භිරෙව සමාසෙථ සබ්භි කුබ්බෙථ සන්ථවං,
සතං හි සන්නිවාසෙන සොත්ථිං ගච්ඡති නහාපිතො’ති.
සතං හි සන්නිවාසෙන සොත්ථිං ගච්ඡති නහාපිතො’ති.
10. සීලානිසංසජාතකං.
අසදිසවග්ගො චතුත්ථො.
තස්සුද්දානං:
ධනුග්ගහකුඤ්ජරඅප්පරසො
ගිරිදත්තමනාවිලචිත්තවරං,
දධිවාහනජම්බුකසීහනඛො
හරිතයවනාගවරෙන දස.
ගිරිදත්තමනාවිලචිත්තවරං,
දධිවාහනජම්බුකසීහනඛො
හරිතයවනාගවරෙන දස.