4. අසදිසවග්ගො
213. ධනුග්ගහො අසදිසො රාජපුත්තො මහබ්බලො,
දූරෙපාතී අක්ඛණවෙධී මහාකායප්පදාලනො.
දූරෙපාතී අක්ඛණවෙධී මහාකායප්පදාලනො.
214. සබ්බාමිත්තෙ රණං කත්වා න ච කිඤ්චි විහෙඨයි,
භාතරං සොත්ථිං කත්වාන සඤ්ඤ මං අජ්ඣුපාගමී’ති.
භාතරං සොත්ථිං කත්වාන සඤ්ඤ මං අජ්ඣුපාගමී’ති.
1. අසදිසජාතකං.
215. සඞ්ගාමාවචරො සූරො බලවා ඉති විස්සුතො,
කින්නු තොරණමාසජ්ජ පටික්කමසි තුඤ්ජර.
කින්නු තොරණමාසජ්ජ පටික්කමසි තුඤ්ජර.
216. ඔමද්ද ඛිප්පං පළිඝං ඵසිකානි ච අබ්බ,
තොරණානි පමද්දිත්වා ඛිප්පං පවිස කුඤ්ජරාති.
තොරණානි පමද්දිත්වා ඛිප්පං පවිස කුඤ්ජරාති.
2. සඞ්ගාමාවචරජාතකං.
217. වාළොදකං අප්පරසං නිහීනං
පීත්වා මදො ජායති ගද්රභානං,
ඉමඤ්ච පීත්වාන රසං පණීතං
මදො න සඤ්ජායති සින්ධවානං.
පීත්වා මදො ජායති ගද්රභානං,
ඉමඤ්ච පීත්වාන රසං පණීතං
මදො න සඤ්ජායති සින්ධවානං.
218. අප්පං පිවිත්වාන නිභිනජච්චො
සො මජ්ජති තෙන ජනින්ද ඵුට්ඨො,
ධොරය්හසීලො ච කුලම්භි ජාතො
න මජ්ජති අග්ගරසං පිවිත්වා’ති.
සො මජ්ජති තෙන ජනින්ද ඵුට්ඨො,
ධොරය්හසීලො ච කුලම්භි ජාතො
න මජ්ජති අග්ගරසං පිවිත්වා’ති.
3. වාළොදකජාතකං.
219. දූසිතො ගිරිත්තෙන හයො සාමස්ස පණ්ඩවො,
පොරාණං ව පකතිං හිත්වා තස්සෙව අනුවිඨියති.
පොරාණං ව පකතිං හිත්වා තස්සෙව අනුවිඨියති.
220. සචෙ ව තනුජො පොසො සිඛරාකාරකප්පිතො,
ආනනෙ තං ගහෙත්වාන මණ්ඩලෙ පරිවත්තයෙ
ඛිප්පමෙව පහත්වාන තස්සෙව අනුවිධීයතීති.
ආනනෙ තං ගහෙත්වාන මණ්ඩලෙ පරිවත්තයෙ
ඛිප්පමෙව පහත්වාන තස්සෙව අනුවිධීයතීති.
4. ගිරිදත්තජාතකං.
221. යථොදකෙ ආවිලෙ අප්පසන්නෙ
න පසස්ති සිප්පිසම්බුකං මච්ඡගුම්බං
එවං ආවිලෙ හි චිත්තෙ
න පස්සති අත්තදත්ථං පරත්ථං.
න පසස්ති සිප්පිසම්බුකං මච්ඡගුම්බං
එවං ආවිලෙ හි චිත්තෙ
න පස්සති අත්තදත්ථං පරත්ථං.
222. යථොදකෙ අච්ඡෙ විප්පසන්නෙ
සො පස්සති සිප්පිසම්බුකං මච්ඡගුම්බං
එවං අනාවිලෙ හි චිත්තෙ
සො පස්සති අත්තදත්ථං පරත්ථන්ති.
සො පස්සති සිප්පිසම්බුකං මච්ඡගුම්බං
එවං අනාවිලෙ හි චිත්තෙ
සො පස්සති අත්තදත්ථං පරත්ථන්ති.
5. අනභිරතිජාතකං.
223. වණ්ණගන්ධරසූපෙතො අම්බායං අහුවා පුරෙ,
තමෙව පූජං ලභමානො කෙනම්බො කටුකප්ඵලො.
තමෙව පූජං ලභමානො කෙනම්බො කටුකප්ඵලො.
224. පුචිමන්දපරිවාරො අම්බො තෙ දධිවාහන,
මූලං මූලෙන සංසට්ඨං සාඛා සාඛා නිසෙවරෙ
අසතං සන්නිවාසෙන තෙනම්බො කටුකප්ඵලො’ති.
මූලං මූලෙන සංසට්ඨං සාඛා සාඛා නිසෙවරෙ
අසතං සන්නිවාසෙන තෙනම්බො කටුකප්ඵලො’ති.
6. දධිවාහනජාතකං.
225. උච්චෙවිටහි මාරුය්හ මන්තයව්හො රහොගතා,
නීචෙ ඔරුය්හ මන්තව්හො මිගරාජාපි සොස්සති.
නීචෙ ඔරුය්හ මන්තව්හො මිගරාජාපි සොස්සති.
226. යං සුපණ්ණො සුපණ්ණෙන දෙවො දෙවෙන මන්තයෙ,
කිං තෙත්ථ චතුමට්ටස්ස ඛිලං පවිස ජම්බුකාති.
කිං තෙත්ථ චතුමට්ටස්ස ඛිලං පවිස ජම්බුකාති.
7. චතුමට්ඨජාතකං.