1424. නචාහමෙතං ජානාමි කොවායං කස්ස චාති වා,
යථා සාඛො වදී එවං නිග්රොධ කින්ති මඤ්ඤසි.
යථා සාඛො වදී එවං නිග්රොධ කින්ති මඤ්ඤසි.
1425. තතො ගලවිනීතෙන පුරිසා නීහරිංසු මං,
දත්වා මුඛ පහාරානි සාඛස්ස වචනං කරා.
දත්වා මුඛ පහාරානි සාඛස්ස වචනං කරා.
1426. එතාදිසං දුම්මතිනා අකතඤ්ඤූනදුබ්භිනා,
කතං අනරියං සාඛෙන සාඛිනා තෙ ජනාධිප.
කතං අනරියං සාඛෙන සාඛිනා තෙ ජනාධිප.
1427. නචාහං මෙතං ජානාමි නපි මෙ කොචි සංසති,
යම්මෙ ත්වං සම්ම අක්ඛාසි සාඛෙන කඩ්ඪනං කතං.
යම්මෙ ත්වං සම්ම අක්ඛාසි සාඛෙන කඩ්ඪනං කතං.
1428. සඛීනං සාජීවකාරො මම සාඛස්ස චූභයං,
ත්වං නො ඉස්සරියං දාතා මනුසෙස්සු මහග්ගතං.
තයම්භා ලභිතා ඉද්ධි එත්ථ මෙ නත්ථි සංසයො.
ත්වං නො ඉස්සරියං දාතා මනුසෙස්සු මහග්ගතං.
තයම්භා ලභිතා ඉද්ධි එත්ථ මෙ නත්ථි සංසයො.
1429. යථාපි බීජං අග්ගිස්මිං ඩය්හති න විරූහති,
එවං කතං අසප්පුරිසෙ නස්සති න විරූහති.
එවං කතං අසප්පුරිසෙ නස්සති න විරූහති.
1430. කතඤ්ඤුම්භී ච පොසම්භි සීලවන්තෙ අරියවුත්තිනෙ,
සුඛෙත්තෙ විය බීජානි කතං තම්හි න නස්සති.
සුඛෙත්තෙ විය බීජානි කතං තම්හි න නස්සති.
1431. ඉමඤ්ච ජම්මං නෙකතිකං අසප්පුරිසචින්තකං,
හනත්තු සාඛං සත්ථීහි නාස්ස ඉච්ඡාමි ජීවිතං.
හනත්තු සාඛං සත්ථීහි නාස්ස ඉච්ඡාමි ජීවිතං.
1432. ඛම්යතස්ස මහාරාජ පාණා දුප්පටිආනයා,
ඛම දෙව අසප්පුරිසස්ස නාස්ස ඉච්ඡාමහං වධං.
ඛම දෙව අසප්පුරිසස්ස නාස්ස ඉච්ඡාමහං වධං.
1433. නිග්රොධමෙව සෙවෙය්ය න සාඛමුපසංවසෙ,
නිග්රොධස්මිං මතං සෙය්යො යඤ්චෙ සාඛස්මි ජීවිතන්ති.
නිග්රොධස්මිං මතං සෙය්යො යඤ්චෙ සාඛස්මි ජීවිතන්ති.
7. නිග්රොධජාතකං.
1434. න තක්කළා සන්ති න ආලුපානි
න බිළාලියො න කලම්බානි තාත,
එකො අරඤ්ඤම්හි සුසානමජ්ඣෙ
කිමත්ථිකො තාත ඛණාසි කාසුං.
න බිළාලියො න කලම්බානි තාත,
එකො අරඤ්ඤම්හි සුසානමජ්ඣෙ
කිමත්ථිකො තාත ඛණාසි කාසුං.
1435. පිතාමහො තාත සුදුබ්බලො තෙ
අනෙකව්යාධීහි දුඛෙන ඵුට්ඨො,
තමජ්ජහං නිඛණිස්සාමි සොබ්භෙ
නහිස්ස තං ජීවිතං රොචයාමි
අනෙකව්යාධීහි දුඛෙන ඵුට්ඨො,
තමජ්ජහං නිඛණිස්සාමි සොබ්භෙ
නහිස්ස තං ජීවිතං රොචයාමි
1436. සඞ්කප්පමෙතං පටිලද්ධ පාපං
අච්චාහිතං කම්ම කරොසි ලුද්දං.
මයාපි තාත පටිලච්ඡසෙ තුවං
එතාදිසං කම්ම ජරූපනීතො,
තං කුල්ලවත්තං අනුවත්තමානො
අහම්පි තං නිඛණිස්සාමි සොබ්භෙ.
අච්චාහිතං කම්ම කරොසි ලුද්දං.
මයාපි තාත පටිලච්ඡසෙ තුවං
එතාදිසං කම්ම ජරූපනීතො,
තං කුල්ලවත්තං අනුවත්තමානො
අහම්පි තං නිඛණිස්සාමි සොබ්භෙ.
1437. ඵරුසාහි වාචාහි පකුබ්බමානෙ
ආසජ්ජ මං ත්වං වදසෙ කුමාර,
පුත්තො මම ඔරසකො සමානො
අහිතානුකම්පී මෙ ත්වංසි පුත්ත.
ආසජ්ජ මං ත්වං වදසෙ කුමාර,
පුත්තො මම ඔරසකො සමානො
අහිතානුකම්පී මෙ ත්වංසි පුත්ත.
1438. න තාහං තාත අහිතානුකම්පී
හිතානුකම්පී තෙ අහංපි තාත,
පාපඤ්ච තං කම්ම පකුබ්බමානං
අරහාමි නො වාරයිතුං තතො හි.
හිතානුකම්පී තෙ අහංපි තාත,
පාපඤ්ච තං කම්ම පකුබ්බමානං
අරහාමි නො වාරයිතුං තතො හි.
1439. යො මාතරං පිතරං වා වසිට්ඨ
අදූසකෙ හිංසති පාපධම්මො,
කායස්ස භෙදා අභිසම්පරායං
අසංසයං සො නිරයං පරෙති.
අදූසකෙ හිංසති පාපධම්මො,
කායස්ස භෙදා අභිසම්පරායං
අසංසයං සො නිරයං පරෙති.
1440. යො මාතරං පිතරං වා වසිට්ඨ
අන්නෙන පානෙන උපට්ඨහාති,
කායස්ස භෙදා අභිසම්පරායං
අසංසයං සො සුගතිං පරෙති.
අන්නෙන පානෙන උපට්ඨහාති,
කායස්ස භෙදා අභිසම්පරායං
අසංසයං සො සුගතිං පරෙති.
1441. න මෙ ත්වං පුත්ත අහිතානුකම්පී
හිතානුකම්පී මෙ ත්වංසි පුත්ත,
අහඤ්ච තං මාතරා වුච්චමානො
එතාදිසං කම්ම කරොමි ලුද්දං.
හිතානුකම්පී මෙ ත්වංසි පුත්ත,
අහඤ්ච තං මාතරා වුච්චමානො
එතාදිසං කම්ම කරොමි ලුද්දං.