1434. න තක්කළා සන්ති න ආලුපානි
න බිළාලියො න කලම්බානි තාත,
එකො අරඤ්ඤම්හි සුසානමජ්ඣෙ
කිමත්ථිකො තාත ඛණාසි කාසුං.
න බිළාලියො න කලම්බානි තාත,
එකො අරඤ්ඤම්හි සුසානමජ්ඣෙ
කිමත්ථිකො තාත ඛණාසි කාසුං.
1435. පිතාමහො තාත සුදුබ්බලො තෙ
අනෙකව්යාධීහි දුඛෙන ඵුට්ඨො,
තමජ්ජහං නිඛණිස්සාමි සොබ්භෙ
නහිස්ස තං ජීවිතං රොචයාමි
අනෙකව්යාධීහි දුඛෙන ඵුට්ඨො,
තමජ්ජහං නිඛණිස්සාමි සොබ්භෙ
නහිස්ස තං ජීවිතං රොචයාමි
1436. සඞ්කප්පමෙතං පටිලද්ධ පාපං
අච්චාහිතං කම්ම කරොසි ලුද්දං.
මයාපි තාත පටිලච්ඡසෙ තුවං
එතාදිසං කම්ම ජරූපනීතො,
තං කුල්ලවත්තං අනුවත්තමානො
අහම්පි තං නිඛණිස්සාමි සොබ්භෙ.
අච්චාහිතං කම්ම කරොසි ලුද්දං.
මයාපි තාත පටිලච්ඡසෙ තුවං
එතාදිසං කම්ම ජරූපනීතො,
තං කුල්ලවත්තං අනුවත්තමානො
අහම්පි තං නිඛණිස්සාමි සොබ්භෙ.
1437. ඵරුසාහි වාචාහි පකුබ්බමානෙ
ආසජ්ජ මං ත්වං වදසෙ කුමාර,
පුත්තො මම ඔරසකො සමානො
අහිතානුකම්පී මෙ ත්වංසි පුත්ත.
ආසජ්ජ මං ත්වං වදසෙ කුමාර,
පුත්තො මම ඔරසකො සමානො
අහිතානුකම්පී මෙ ත්වංසි පුත්ත.
1438. න තාහං තාත අහිතානුකම්පී
හිතානුකම්පී තෙ අහංපි තාත,
පාපඤ්ච තං කම්ම පකුබ්බමානං
අරහාමි නො වාරයිතුං තතො හි.
හිතානුකම්පී තෙ අහංපි තාත,
පාපඤ්ච තං කම්ම පකුබ්බමානං
අරහාමි නො වාරයිතුං තතො හි.
1439. යො මාතරං පිතරං වා වසිට්ඨ
අදූසකෙ හිංසති පාපධම්මො,
කායස්ස භෙදා අභිසම්පරායං
අසංසයං සො නිරයං පරෙති.
අදූසකෙ හිංසති පාපධම්මො,
කායස්ස භෙදා අභිසම්පරායං
අසංසයං සො නිරයං පරෙති.
1440. යො මාතරං පිතරං වා වසිට්ඨ
අන්නෙන පානෙන උපට්ඨහාති,
කායස්ස භෙදා අභිසම්පරායං
අසංසයං සො සුගතිං පරෙති.
අන්නෙන පානෙන උපට්ඨහාති,
කායස්ස භෙදා අභිසම්පරායං
අසංසයං සො සුගතිං පරෙති.
1441. න මෙ ත්වං පුත්ත අහිතානුකම්පී
හිතානුකම්පී මෙ ත්වංසි පුත්ත,
අහඤ්ච තං මාතරා වුච්චමානො
එතාදිසං කම්ම කරොමි ලුද්දං.
හිතානුකම්පී මෙ ත්වංසි පුත්ත,
අහඤ්ච තං මාතරා වුච්චමානො
එතාදිසං කම්ම කරොමි ලුද්දං.
1442. යා තෙ සා භරියා අනරියරූපා.
මාතා මමෙසා සකියා ජනෙත්ති
නිද්ධාපයෙතං සකා අගාරා
අඤ්ඤම්පි තෙ සා දුඛමාවහෙය්ය.
මාතා මමෙසා සකියා ජනෙත්ති
නිද්ධාපයෙතං සකා අගාරා
අඤ්ඤම්පි තෙ සා දුඛමාවහෙය්ය.
1443. යා තෙ සා භරියා අනරියරූපා.
මාතා මමෙසා සකියා ජනෙත්ති
දන්තා කරෙණුව වසූපනීතා
සා පාපධම්මා පුනරාවජාතූති.
මාතා මමෙසා සකියා ජනෙත්ති
දන්තා කරෙණුව වසූපනීතා
සා පාපධම්මා පුනරාවජාතූති.
8. තක්කලජාතකං.
1444. කින්තෙ වතං කිම්පන බ්රහ්මචරියං
කිස්ස සුචිණ්ණස්ස අයං විපාකො,
අක්ඛාහි මෙ බ්රාහ්මණ එතමත්ථං
කස්මා හි තුම්හං දහරා න මීයරෙ.
කිස්ස සුචිණ්ණස්ස අයං විපාකො,
අක්ඛාහි මෙ බ්රාහ්මණ එතමත්ථං
කස්මා හි තුම්හං දහරා න මීයරෙ.
1445. ධම්මං චරාම න මුසා භණාම
පාපානි කම්මානි විවජ්ජයාම,
අනරියං පරිවජ්ජෙමු සබ්බං
තස්මා හි අම්හං දහරා න මීයරෙ.
පාපානි කම්මානි විවජ්ජයාම,
අනරියං පරිවජ්ජෙමු සබ්බං
තස්මා හි අම්හං දහරා න මීයරෙ.
1446. සුණොම ධම්මං අසතං සතං ච
න චාපි ධම්මං අසතං රොචයාම
හිත්වා අසන්තෙ න ජහාම සන්තෙ
තස්මා හි අම්හං දහරා න මීයරෙ.
න චාපි ධම්මං අසතං රොචයාම
හිත්වා අසන්තෙ න ජහාම සන්තෙ
තස්මා හි අම්හං දහරා න මීයරෙ.
1447. පුබ්බෙව දානා සුමනා භවාම
දදම්පි චෙ අත්තමනා භවාම,
දත්වාපි චෙ නානුතප්පාම පච්ඡා
තස්මා හි අම්හං දහරා න මීයරෙ.
දදම්පි චෙ අත්තමනා භවාම,
දත්වාපි චෙ නානුතප්පාම පච්ඡා
තස්මා හි අම්හං දහරා න මීයරෙ.
1448. සමණෙ මයං බ්රාහ්මණෙ අද්ධිකෙ ච
වණිබ්බකෙ යාචනකෙ දළිද්දෙ,
අන්නෙන පානෙන අභිතප්පයාම
තස්මා හි අම්හං දහරා න මීයරෙ.
වණිබ්බකෙ යාචනකෙ දළිද්දෙ,
අන්නෙන පානෙන අභිතප්පයාම
තස්මා හි අම්හං දහරා න මීයරෙ.