10. දසකනිපාතො
1355. චතුද්වාරමිදං නගරං ආයසං දළ්හ පාකාරං,
ඔරුද්ධ පතිරුද්ධොස්මි කිං පාපං පකතං මයා.
ඔරුද්ධ පතිරුද්ධොස්මි කිං පාපං පකතං මයා.
1356. සබ්බෙ අපිහිතා ද්වාරා ඔරුද්ධොස්මිං යථා ද්විජො,
කිමාධිකරණං යක්ඛ චක්කාභිනිහතො අහං.
කිමාධිකරණං යක්ඛ චක්කාභිනිහතො අහං.
1357. ලද්ධා සතසහස්සානි අතිරෙකානි වීසති,
අනුකම්පකානං ඤාතීනං වචනං සම්ම නාකරි.
අනුකම්පකානං ඤාතීනං වචනං සම්ම නාකරි.
1358. ලඞ්ඝිං සමුද්දං පක්ඛන්දි සාගරං අප්පසිද්ධිකං.
චතුබ්භි අට්ඨජ්ඣගමා අට්ඨාහිපි සොළස,
සොළසාහි ච බත්තිංසා අත්රිච්ඡං චක්කමාසදො;
ඉච්ඡාහතස්ස පොසස්ස චක්කං භමති මත්ථකෙ.
චතුබ්භි අට්ඨජ්ඣගමා අට්ඨාහිපි සොළස,
සොළසාහි ච බත්තිංසා අත්රිච්ඡං චක්කමාසදො;
ඉච්ඡාහතස්ස පොසස්ස චක්කං භමති මත්ථකෙ.
1359. උපරි විසාලා දුප්පූරා ඉච්ඡා විසටගාමිනී,
යෙ ච තං අනුගිඣන්ති තෙ හොන්ති චක්කධාරිනො.
යෙ ච තං අනුගිඣන්ති තෙ හොන්ති චක්කධාරිනො.
1360. බහුං භණ්ඩං අපහාය මග්ගං අප්පටිවෙක්ඛිය,
යෙසං චෙතං අසඞ්ඛාතං තෙ හොන්ති චක්කධාරිනො.
යෙසං චෙතං අසඞ්ඛාතං තෙ හොන්ති චක්කධාරිනො.
1361. කම්මං සමෙක්ඛෙ විපුලඤ්ච භොගං
ඉච්ඡා නං සෙවෙය්ය අනත්ථසංහිතං.
කරෙය්ය වාක්යං අනුකම්පකානං
තං තාදිසං නාතිවත්තෙය්ය චක්කං.
ඉච්ඡා නං සෙවෙය්ය අනත්ථසංහිතං.
කරෙය්ය වාක්යං අනුකම්පකානං
තං තාදිසං නාතිවත්තෙය්ය චක්කං.
1362. කීව චිරං නු මෙ යක්ඛ චක්කං සිරසි ඨස්සති,
කති වස්සසහස්සානි තං මෙ අක්ඛාහි පුච්ඡිතො.
කති වස්සසහස්සානි තං මෙ අක්ඛාහි පුච්ඡිතො.
1363. අතිසාරො අච්චසරො මිත්තවින්ද සුණොහි මෙ,
චක්කං තෙ සිරමාවිද්ධං න තං ජීවං පමොක්ඛසීති.
චක්කං තෙ සිරමාවිද්ධං න තං ජීවං පමොක්ඛසීති.
1. චතුද්වාරජාතකං.
1364. කණ්හොවතායං පුරිසො කණ්හං භුඤ්ජති භොජනං,
කණ්හෙ භූමිප්පදෙසස්මිං න මය්හං මනසො පියො.
කණ්හෙ භූමිප්පදෙසස්මිං න මය්හං මනසො පියො.
1365. න කණ්හො තචසා හොති අන්තොසාරො බ්රාහ්මණො
යස්මිං පාපානි කම්මානි සචෙ කණ්හො සුජම්පති.
යස්මිං පාපානි කම්මානි සචෙ කණ්හො සුජම්පති.
1366. එතස්මිං තෙ සුලපිතෙ පතිරූපෙ සුභාසිතෙ,
වරං බ්රාහ්මණ තෙ දම්මී යං කිඤ්චි මනසිච්ඡසි.
වරං බ්රාහ්මණ තෙ දම්මී යං කිඤ්චි මනසිච්ඡසි.
1367. වරං චෙ මෙ අදො සක්ක සබ්බභූතානමිස්සර,
සුනික්කොධං සුනිද්දොසං නිල්ලොභං වුත්තිමත්තනො.
නිස්නෙහමභිකඞ්ඛාමි එතෙ මෙ චතුරො වරෙ.
සුනික්කොධං සුනිද්දොසං නිල්ලොභං වුත්තිමත්තනො.
නිස්නෙහමභිකඞ්ඛාමි එතෙ මෙ චතුරො වරෙ.
1368. කින්නු කොධෙ ච දොසෙ වා ලොභෙ ස්නෙහෙව බ්රාහ්මණ,
ආදීනවං සම්පස්සසි තං මෙ අක්ඛාහි පුච්ඡිතො.
ආදීනවං සම්පස්සසි තං මෙ අක්ඛාහි පුච්ඡිතො.
1369. අප්පො හුත්වා බහු හොති වඩ්ඪතෙ සො අඛන්තිජො,
ආසඞ්ගි බහුපායාසො තස්මා කොධං න රොචයෙ.
ආසඞ්ගි බහුපායාසො තස්මා කොධං න රොචයෙ.
1370. දුට්ඨස්ස ඵරුසා වාචා පරාමාසො අනන්තරා,
තතො පාණි තතො දණ්ඩො සත්ථස්ස පරමා ගති
දොසො කොධසමුට්ඨානො තස්මා දොසං න රොචයෙ.
තතො පාණි තතො දණ්ඩො සත්ථස්ස පරමා ගති
දොසො කොධසමුට්ඨානො තස්මා දොසං න රොචයෙ.
1371. අලොපසහසාකාරා නිකතී වඤ්චනානි ච,
දිස්සන්ති ලොභධම්මෙසු තස්මා ලොභං න රොචයෙ.
දිස්සන්ති ලොභධම්මෙසු තස්මා ලොභං න රොචයෙ.
1372. ස්නෙහ සඞ්ගථීතා ගන්ථා සෙන්ති මනොමයා පුථු,
තෙ භුසං උපතාපෙන්ති තස්මා ස්නෙහං න රොචයෙ.
තෙ භුසං උපතාපෙන්ති තස්මා ස්නෙහං න රොචයෙ.
1373. එතස්මිං තෙ සුලපිතෙ පතිරූපෙ සුභාසිතෙ,
වරං බ්රාහ්මණ තෙ දම්මි යං කිඤ්චි මනසිච්ඡසි.
වරං බ්රාහ්මණ තෙ දම්මි යං කිඤ්චි මනසිච්ඡසි.
1374. වරං චෙ මෙ අදො සක්ක සබ්බභූතානමිස්සර,
අරඤ්ඤෙ මෙ විහරතො නිච්චං එකවිහාරිනො.
ආබාධා මා උප්පජ්ජෙය්යුං අන්තරායකරා භුසා.
අරඤ්ඤෙ මෙ විහරතො නිච්චං එකවිහාරිනො.
ආබාධා මා උප්පජ්ජෙය්යුං අන්තරායකරා භුසා.
1375. එතස්මිං තෙ සුලපිතෙ පතිරූපෙ සුභාසිතෙ,
වරං බ්රාහ්මණ තෙ දම්මි යං කිඤ්චි මනසිච්ඡසි.
වරං බ්රාහ්මණ තෙ දම්මි යං කිඤ්චි මනසිච්ඡසි.
1376. වරං චෙ මෙ අදො සක්ක සබ්බභූතානමිස්සර
න මනො වා සරීරං වා මඞ්කතෙ සක්ක කස්සචි
කදාචි උපහඤ්ඤෙථ එතං සක්ක වරං වරෙති.
න මනො වා සරීරං වා මඞ්කතෙ සක්ක කස්සචි
කදාචි උපහඤ්ඤෙථ එතං සක්ක වරං වරෙති.
2. කණ්හජාතකං.