1. ස. පු: බෝධියෙන් බුද්ධ වේ ද?

ප. පටිඤ්ඤා: එසේ යැ.

ස. අනු: බෝධිය (මාර්‍ගඥානය) නිරුද්ධ වත් මැ විගත වත් මැ සන්හුන් වත් මැ අබුද්ධ වේ ද?

ප. පටි: එසේ නො කියැයුතු යැ …

2. ස. පු: බෝධියෙන් බුද්ධ වේ ද?

ප. පටිඤ්ඤා: එසේ යැ.

ස. අනු: අතීතබෝධියෙන් බුද්ධ වේ ද?

ප. පටි: එසේ නො කියැයුතු යැ … (තත් ක්‍ෂණයෙහි බෝධි නැතියෙන් කළ ප්‍රතික්‍ෂෙපයි.)

3. ස. පු: අතීත බෝධියෙන් බුද්ධ වේ ද?

ප. පටිඤ්ඤා: එසේ යැ.

ස. අනු: ඒ බෝධියෙන් බෝකරණී (අවබෝධ) කෙරේ ද?

ප. පටි: එසේ නො කියැයුතු යැ … (ඒ කරුණෙහි කෘත්‍යාභාවයෙන් කළ ප්‍රතික්‍ෂේප යි.)

4. ස. පු: ඒ බෝධියෙන් බෝකරණී කෙරේ ද?

ප. පටිඤ්ඤා: එසේ යැ. (කළ බෝකරණීයෙහි සම්මෝහ නැතියෙන් කළ පිළින යි.)

ස. අනු: ඒ බෝධියෙන් දුඃඛසත්‍යය පරිඥාන කෙරේ ද, සමුදයසත්‍යය ප්‍රහාණ කෙරේ ද, නිරෝධසත්‍යය සාක්‍ෂාත් කෙරේ ද, මාර්‍ගසත්‍යය භවා ද?

ප. පටි: එසේ නො කියැයුතු යැ … (තත් තත් කෘත්‍යය නැතියෙන් කළ ප්‍රතික්‍ෂේප යි.)

5. ස. පු: බෝධියෙන් බුද්ධ වේ ද?

ප. පටිඤ්ඤා: එසේ යැ.

ස. අනු: අනාගත බෝධියෙන් බුද්ධ වේ ද?

ප. පටි: එසේ නො කියැයුතු යැ … (ඒ ක්‍ෂණයෙහි මාර්‍ගඥාන නැතියෙන් කළ ප්‍රතික්‍ෂේප යි.)

6. ස. පු: අනාගත බෝධියෙන් බුද්ධ වේ ද?

ප. පටිඤ්ඤා: එසේ යැ. (‘අගමා රාජගහං බුද්ධෝ’ යි ඵලෝපචාරයෙන් කී තැන් දැක අනාගත බෝධියෙන් බුද්ධභාවය පිළින කෙරෙයි.)

ස. අනු: ඒ බෝධියෙන් බෝකරණී කෙරේ ද?

ප. පටි: එසේ නො කියැයුතු යැ … (තත් ක්‍ෂණයෙහි කෘත්‍යාභාවයෙන් කළ ප්‍රතික්‍ෂේප යි.)

7. ස. පු: ඒ බෝධියෙන් බොධිකරණී කෙරේ ද?

ප. පටිඤ්ඤා: එසේ යැ.

ස. අනු: ඒ බෝධියෙන් දුඃඛපරිඥාන කෙරේ ද … මාර්‍ගභාවනා කෙරේ ද?

ප. පටි: එසේ නො කියැයුතු යැ …

8. ස. පු: ප්‍රත්‍යුත්පන්න බෝධියෙන් බුද්ධ වෙයි. ඒ බෝධියෙන් බොධිකරණී කෙරේ ද?

ප. පටිඤ්ඤා: එසේ යැ.

ස. අනු: අතීත බෝධියෙන් බුද්ධ වෙයි. ඒ බෝධියෙන් බොධිකරණී කෙරේ ද?

ප. පටි: එසේ නො කියැයුතු යැ …

9. ස. පු: ප්‍රත්‍යුත්පන්න බෝධියෙන් බුද්ධ වෙයි. ඒ බෝධියෙන් දුඃඛය පරිඥාන කෙරේ ද, සමුදය දුරු කෙරේ ද, නිරෝධය ප්‍රත්‍යක්‍ෂ කෙරේ ද, මාර්‍ගය වඩා ද?

ප. පටිඤ්ඤා: එසේ යැ.

ස. අනු: අතීත බෝධියෙන් බුද්ධ වෙයි. ඒ බෝධියෙන් දුඃඛය පරිඥාන කෙරේ ද, … මාර්‍ගය වඩා ද?

ප. පටි: එසේ නො කියැයුතු යැ …

10. ස. පු: ප්‍රත්‍යුත්පන්න බෝධියෙන් බුද්ධ වෙයි. ඒ බෝධියෙන් බොධිකරණී කෙරේ ද?

ප. පටිඤ්ඤා: එසේ යැ.

ස. අනු: අනාගත බෝධියෙන් බුද්ධ වෙයි. ඒ බෝධියෙන් බොධිකරණී කෙරේ ද?

ප. පටි: එසේ නො කියැයුතු යැ …

11. ස. පු: ප්‍රත්‍යුත්පන්න බෝධියෙන් බුද්ධ වෙයි. ඒ බෝධියෙන් දුඃඛය පරිඥාන කෙරේ ද … මාර්‍ගය වඩා ද?

ප. පටිඤ්ඤා: එසේ යැ.

ස. අනු: අනාගත බෝධියෙන් බුද්ධ වෙයි. ඒ බෝධියෙන් දුඃඛය පරිඥාන කෙරේ ද … මාර්‍ගය වඩා ද?

ප. පටි: එසේ නො කියැයුතු යැ …