1. ස. පු: ශ්‍රාමණ්‍යඵල අසංස්කෘත වේ ද?

ප. පටිඤ්‍ඤා: එසේ යැ.

ස. අනු: නිර්‍වාණය ත්‍රාණ ලෙණ සරණ පරායණ අච්‍යුත වේ ද?

ප. පටි: එසේ නො කියැයුතු යැ ...

2. ස. පු: (තොප මතයෙහි) ශ්‍රාමණ්‍යඵල අසංස්කෘත වෙයි. නිර්‍වාණය අසංස්කෘත වේ ද?

ප. පටිඤ්‍ඤා: එසේ යැ.

ස. අනු: අසංස්කෘතයෝ දෙදෙනෙක් වෙත් ද?

ප. පටි: එසේ නො කියැයුතු යැ ...

3. ස. පු: අසංස්කෘතයෝ දෙදෙනෙක් වෙත් ද?

ප. පටිඤ්‍ඤා: එසේ යැ.

ස. අනු: ත්‍රාණයෝ දෙදෙනෙක් ඇද්ද … අන්තරිකාවෝ දෙදෙනෙක් ඇද්ද?

ප. පටි: එසේ නො කියැයුතු යැ ...

4. ස. පු: ශ්‍රාමණ්‍යඵල අසංස්කෘත වේ ද?

ප. පටිඤ්‍ඤා: එසේ යැ.

ස. අනු: ශ්‍රාමණ්‍යය සංස්කෘත වේ ද?

ප. පටි: එසේ නො කියැයුතු යැ ...

5. ස. පු: ශ්‍රාමණ්‍යය අසංස්කෘත වේ ද?

ප. පටිඤ්‍ඤා: එසේ යැ.

ස. අනු: ශ්‍රාමණ්‍යඵල අසංස්කෘත වේ ද?

ප. පටි: එසේ නො කියැයුතු යැ ...

6. ස. පු: ශ්‍රෝතාපත්තිඵලය අසංස්කෘත වේ ද?

ප. පටිඤ්‍ඤා: එසේ යැ.

ස. අනු: ශ්‍රෝතාපත්තිමාර්‍ගය අසංස්කෘත වේ ද?

ප. පටි: එසේ නො කියැයුතු යැ ...

7. ස. පු: ශ්‍රෝතාපත්තිමාර්‍ගය සංස්කෘත වේ ද?

ප. පටිඤ්‍ඤා: එසේ යැ.

ස. අනු: ශ්‍රෝතාපත්තිඵල සංස්කෘත වේ ද?

ප. පටි: එසේ නො කියැයුතු යැ …

8. ස. පු: සකෘදාගාමි … අනාගාමි … අර්‍හත්ත්‍වඵලය අසංස්කෘත වේ ද?

ප. පටිඤ්‍ඤා: එසේ යැ.

ස. අනු: අර්‍හත්ත්‍වමාර්‍ගය අසංස්කෘත වේ ද?

ප. පටි: එසේ නො කියැයුතු යැ ...

9. ස. පු: අර්‍හත්ත්‍වමාර්‍ගය සංස්කෘත වේ ද?

ප. පටිඤ්‍ඤා: එසේ යැ.

ස. අනු: අර්‍හත්ත්‍වඵල සංස්කෘත වේ ද?

ප. පටි: එසේ නො කියැයුතු යැ,

10. ස. පු: ශ්‍රෝතාපත්තිඵල අසංස්කෘත වේ ද, සකෘදාගාමි … අනාගාමි … අර්‍හත්ත්‍වඵල අසංස්කෘත වේ ද, නිර්‍වාණය අසංස්කෘත වේ ද?

ප. පටිඤ්‍ඤා: එසේ යැ.

ස. අනු: අසංස්කෘතයෝ පස්දෙනෙක් ඇද්ද?

ප. පටි: එසේ නො කියැයුතු යැ ..

11. ස. පු: අසංස්කෘතයෝ පස්දෙනෙක් ඇද්ද?

ප. පටිඤ්‍ඤා: එසේ යැ.

ස. අනු: ත්‍රාණයෝ පස්දෙනෙක් ඇද්ද, … අන්තරිකාවෝ පස් දෙනෙක් ඇද්ද?

ප. පටි: එසේ නො කියැයුතු යැ ...