7. 2. 4. 1.
[භික්ඛුධම්ම සූත්‍රය]
[සැවැත්නිදාන යි]
32. මහණෙනි, සත් කරුණක් බුන් හෙයින් ‘භික්ඛු’ නම් වෙයි. කවර සතෙක යත්:
සක්කායදිට්ඨිය භින්න වෙයි. විචිකිච්ඡාව භින්න වෙයි. සීලබ්බතපරාමාසය භින්න වෙයි. රාගය භින්න වෙයි. ද්වේෂය භින්න වෙයි. මෝහය භින්න වෙයි. මානය භින්න වෙයි.
මහණෙනි, මේ කරුණු සත බුන් හෙයින් භික්ඛු නම් වේ ය යි.
7. 2. 4. 2.
[සමණ ධම්ම සූත්‍රය]
[සැවැත්නිදාන යි]
33. (මහණෙනි, කරුණු සතක්) සන්හුන් හෙයින් ‘සමණ’ නම් වෙයි ...
7. 2. 4. 3.
[බ්‍රාහ්මණධම්ම සූත්‍රය]
[සැවැත්නිදාන යි]
34. (මහණෙනි, කරුණු සතක්) බැහැර ලු හෙයින් ‘බ්‍රාහ්මණ’ වෙයි ...
7. 2. 4. 4.
[සොත්‍ථිය ධම්ම සූත්‍රය]
[සැවැත්නිදාන යි]
35. (මහණෙනි, කරුණු සතක්) නිඃස්‍රැත හෙයින් ‘සොත්‍ථිය’ නම් වෙයි ...
7. 2. 4. 5.
[නහාතක ධම්ම සූත්‍රය]
[සැවැත්නිදාන යි]
36. (මහණෙනි, කරුණු සතක්) සනාත හෙයින් ‘නහාතක’ නම් වෙයි ...
7. 2. 4. 6.
[වේදගූ ධම්ම සූත්‍රය]
[සැවැත්නිදාන යි]
37. (මහණෙනි, කරුණු සතක්) විදිත හෙයින් ‘වේදගූ’ නම් වෙයි …
7. 2. 4. 7.
[අරියධම්ම සූත්‍රය]
[සැවැත්නිදාන යි]
38. (මහණෙනි, කරුණු සතක්) අර්‍හ බැවින් ‘අරිය’ නම් වෙයි ...
7. 2. 4. 8.
[අරහන්ත ධම්ම සූත්‍රය]
[සැවැත්නිදාන යි]
39. (මහණෙනි, කරුණු සතක්) දුරු වූ බැවින් ‘අරහන්ත’ නම් වෙයි. කවර සතෙක යත්:
සක්කාය දිට්ඨිය දුරුවෙයි. විචිකිච්ඡාව දුරුවෙයි. සීලබ්බත පරාමාසය දුරුවෙයි. රාගය දුරු වෙයි. දෝසය දුරු වෙයි. මෝහය දුරු වෙයි. මානය දුරු වෙයි.
මහණෙනි, මේ සප්තධර්‍මයන්ගේ දුරු වීමෙන් අරහන්ත නම් වේ යයි.
7. 2. 4. 9.
[අසද්ධම්ම සූත්‍රය]
[සැවැත්නිදාන යි]
40. මහණෙනි, මෙ අසද්ධර්‍මයෝ සත් දෙනෙකි: කවර සත් දෙනෙක යත්:
ශ්‍රද්ධා නැතියේ වෙයි. හිරි නැතියේ වෙයි. ඔතප් නැතියේ වෙයි. අල්පශ්‍රැත වෙයි. කුසීත වෙයි. නට සිහි ඇතියේ වෙයි. දුෂ්ප්‍රාඥ වෙයි.
මහණෙනි, මෙ සප්ත අසද්ධර්‍ම යි.
7. 2. 4. 10.
[සද්ධම්ම සූත්‍රය]
[සැවැත්නිදාන යි]
41. මහණෙනි, මෙ සද්ධර්‍ම සතෙකි. කවර සතෙක යත්:
සැදැහැතියේ වෙයි. හිරිඇතියේ වෙයි. ඔතප් ඇතියේ වෙයි. බහුශ්‍රුත වෙයි. රුකුළුවැර ඇතියේ වෙයි. ස්මෘතිමත් වෙයි. ප්‍රඥාවත් වෙයි.
මහණෙනි, මෙ සද්ධර්‍ම සත යි.
සමණවර්‍ගය සතර වැනි යි.
එහි උද්දානය:
භික්ඛුධම්ම සූත්‍රය, සමණධම්ම සූත්‍රය, බ්‍රාහ්මණධම්ම සූත්‍රය, සොත්‍ථියධම්ම සූත්‍රය, නහාතකධම්ම සූත්‍රය, වේදගුධම්ම සූත්‍රය, අරියධම්ම සූත්‍රය, අරහන්තධම්ම සූත්‍රය, අසද්ධම්ම සූත්‍රය, සද්ධම්ම සූත්‍ර දෙක දැයි දසයෙකි.