4. 11.
820. අභික්කන්තෙන වණ්ණෙන යා ත්වං තිට්ඨසි දෙවතෙ,
ඔභාසෙන්තී දිසා සබ්බා ඔසධී විය තාරකා.
ඔභාසෙන්තී දිසා සබ්බා ඔසධී විය තාරකා.
821. කෙන තෙ තාදිසො වණ්ණො කෙන තෙ ඉධමිජ්ඣති,
උප්පජ්ජන්ති ච තෙ භොගා යෙ කෙචි මනසො පියා.
උප්පජ්ජන්ති ච තෙ භොගා යෙ කෙචි මනසො පියා.
822. පුච්ඡාමි තං දෙවි මහානුභාවෙ,
මනුස්සභූතා කිමකාසි පුඤ්ඤං
කෙනාසි එවං ජලිතානුභාවා
වණ්ණො ච තෙ සබ්බදිසා පභාසතී’ති.
මනුස්සභූතා කිමකාසි පුඤ්ඤං
කෙනාසි එවං ජලිතානුභාවා
වණ්ණො ච තෙ සබ්බදිසා පභාසතී’ති.
823. සා දෙවතා අත්තමනා මොග්ගල්ලානෙන පුච්ඡිතා,
පඤ්හං පුට්ඨා වියාකාසි යස්ස කම්මස්සිදං ඵලං.
පඤ්හං පුට්ඨා වියාකාසි යස්ස කම්මස්සිදං ඵලං.
824. අහං මනුස්සෙසු මනුස්සභූතා
දිස්වාන සමණෙ සීලවන්තෙ
පාදානි වන්දිත්ව මනං පාසාදයිං
චිත්තාමහං අඤ්ජලිකං අකාසිං.
දිස්වාන සමණෙ සීලවන්තෙ
පාදානි වන්දිත්ව මනං පාසාදයිං
චිත්තාමහං අඤ්ජලිකං අකාසිං.
825. තෙන මෙ තාදිසො වණ්ණො තෙන මෙ ඉධමිජ්ඣති,
උප්පජ්ජන්ති ච මෙ භොගා යෙ කෙචි මනසො පියා.
උප්පජ්ජන්ති ච මෙ භොගා යෙ කෙචි මනසො පියා.
826. අක්ඛාමි තෙ භික්ඛු මහානුභාව
මනුස්සභූතා යමහං අකාසිං
තෙනම්හි එවං ජලිතානුභාවා
වණ්ණො ච මෙ සබ්බදිසා පභාසතී’ති.
මනුස්සභූතා යමහං අකාසිං
තෙනම්හි එවං ජලිතානුභාවා
වණ්ණො ච මෙ සබ්බදිසා පභාසතී’ති.
චන්දන විමානං.
4. 12.
827. අභික්කන්තෙන වණ්ණෙන යා ත්වං තිට්ඨසි දෙවතෙ,
හත්ථෙ පාදෙ ච විග්ගය්හ නච්චසි සුප්පවාදිතෙ.
හත්ථෙ පාදෙ ච විග්ගය්හ නච්චසි සුප්පවාදිතෙ.
828. තස්සා තෙ නච්චමානාය අඞ්ගමඞ්ගෙහි සබ්බසො,
දිබ්බා සද්දා නිච්ඡරන්තී සවනීයා මනොරමා.
දිබ්බා සද්දා නිච්ඡරන්තී සවනීයා මනොරමා.
829. තස්සා තෙ නච්චමානාය අඞ්ගමඞ්ගෙහි සබ්බසො,
දිබ්බා ගන්ධා පවායන්තී පුචිගන්ධා මනොරමා.
දිබ්බා ගන්ධා පවායන්තී පුචිගන්ධා මනොරමා.
830. විවත්තමානා කායෙන යා වෙණීසු පිළන්ධනා,
තෙසං සූයති නිග්ඝොසො තුරියෙ පඤ්චඞ්ගිකෙ යථා.
තෙසං සූයති නිග්ඝොසො තුරියෙ පඤ්චඞ්ගිකෙ යථා.
831. වටංසකා වාතධූතා වාතෙන සම්පකම්පිතා,
තෙසං සූයති නිග්ඝොසො තුරියෙ පඤ්චඞ්ගිකෙ යථා.
තෙසං සූයති නිග්ඝොසො තුරියෙ පඤ්චඞ්ගිකෙ යථා.
832. යාපි තෙ සිරස්මිං මාලා සුචිගන්ධා මනොරමා,
වාති ගන්ධො දිසා සබ්බා රුක්ඛො මඤ්ජුසකො යථා.
වාති ගන්ධො දිසා සබ්බා රුක්ඛො මඤ්ජුසකො යථා.
833. ඝායසෙ තං සුචිගන්ධං රූපං පස්සසි අමානුසං,
දෙවතෙ පුච්ඡිකාචික්ඛ කිස්ස කම්මස්සිදං ඵලන්ති.
දෙවතෙ පුච්ඡිකාචික්ඛ කිස්ස කම්මස්සිදං ඵලන්ති.