4. 1. 11.
307. යදා බලාකා සුචිපණ්ඩරච්ඡදා
කාළස්ස මෙඝස්ස භයෙන තජ්ජිතා,
පලෙහිති ආලයමාලයෙසිනී
තදා නදී අජකරණී රමෙති මං.
කාළස්ස මෙඝස්ස භයෙන තජ්ජිතා,
පලෙහිති ආලයමාලයෙසිනී
තදා නදී අජකරණී රමෙති මං.
308. යදා බලාකා සුවිසුද්ධපණ්ඩරා
කාළස්ස මෙඝස්ස භයෙන තජ්ජිතා,
පරියෙසති ලෙණමලෙණදස්සිනී
තදා නදී අජකරණී රමෙති මං.
කාළස්ස මෙඝස්ස භයෙන තජ්ජිතා,
පරියෙසති ලෙණමලෙණදස්සිනී
තදා නදී අජකරණී රමෙති මං.
309. කං නු තත්ථ න රමෙන්ති ජම්බුයො උභතො තහිං,
සොභෙන්ති ආපගාකූලං මම ලෙණස්ස පච්ඡතො.
සොභෙන්ති ආපගාකූලං මම ලෙණස්ස පච්ඡතො.
310. තා මතමදසඞ්ඝසුප්පහීනා
භෙකා මන්දවතී පනාදයන්ති,
නාජ්ජ ගිරිනදීහි විප්පවාසසමයො
ඛෙමා අජකරණී සිවා සුරම්මා’ති.
භෙකා මන්දවතී පනාදයන්ති,
නාජ්ජ ගිරිනදීහි විප්පවාසසමයො
ඛෙමා අජකරණී සිවා සුරම්මා’ති.
ඉත්ථං සුදං ආයස්මා සප්පකො ථෙරො ගාථායො අභාසිත්ථා’ති.
සප්පකත්ථෙරගාථා.
4. 1. 12.
311. පබ්බජිං ජීවිකත්ථො’හං ලද්ධාන උපසම්පදං,
තතො සද්ධං පටිලභිං දළ්හවිරියො පරක්කමිං.
තතො සද්ධං පටිලභිං දළ්හවිරියො පරක්කමිං.
312. කාමං භිජ්ජතු’යං කායො මංසපෙසී විසීයරුං,
උභො ජණ්ණුකසන්ධීහි ජඞ්ඝායො පපතන්තු මෙ.
උභො ජණ්ණුකසන්ධීහි ජඞ්ඝායො පපතන්තු මෙ.
313. නාසිස්සං න පිවිස්සාමි විහාරා ච න නික්ඛමෙ,
න’පි පස්සං නිපාතෙස්සං තණ්හාසල්ලෙ අනූහතෙ.
න’පි පස්සං නිපාතෙස්සං තණ්හාසල්ලෙ අනූහතෙ.
314. තස්ස මෙවං විහරතො පස්ස විරියපරක්කමං,
තිස්සො විජ්ජා අනුප්පත්තා කතං බුද්ධස්ස සාසන’න්ති.
තිස්සො විජ්ජා අනුප්පත්තා කතං බුද්ධස්ස සාසන’න්ති.
ඉත්ථං සුදං ආයස්මා මුදිතො ථෙරො ගාථායො අභාසිත්ථා’ති.
මුදිතත්ථෙරගාථා.
තස්සුද්දානං:
නාගසමාලො භගු ච සභියො නන්දකො’පි ච
ජම්බුකො සෙනකො ථෙරො සම්භූතො රාහුලො’පි ච
භවති චන්දනො ථෙරො දසෙතෙ බුද්ධසාවකා
ධම්මිකො සප්පකො ථෙරො මුදිතො චා’පි තෙ තයො
ගාථායො ද්වෙ ච පඤ්ඤාස ථෙරා සබ්බෙ’පි තෙරසා’ති.
ජම්බුකො සෙනකො ථෙරො සම්භූතො රාහුලො’පි ච
භවති චන්දනො ථෙරො දසෙතෙ බුද්ධසාවකා
ධම්මිකො සප්පකො ථෙරො මුදිතො චා’පි තෙ තයො
ගාථායො ද්වෙ ච පඤ්ඤාස ථෙරා සබ්බෙ’පි තෙරසා’ති.
චතුක්කනිපාතො නිට්ඨිතො.