4. චතුක්කනිපාතො.
4. 1. 1.
267. අලඞ්කතා සුවසනා මාලිනී චන්දනුස්සදා,
මජ්ඣෙ මහාපථෙ නාරී තුරියෙ නච්චන්ති නාටකී.
මජ්ඣෙ මහාපථෙ නාරී තුරියෙ නච්චන්ති නාටකී.
268. පිණ්ඩිකාය පවිට්ඨොහං ගච්ඡන්තො නං උදික්ඛිසං,
අලඞ්කතං සුවසනං මච්චුපාසංව ඔඩ්ඩිතං.
අලඞ්කතං සුවසනං මච්චුපාසංව ඔඩ්ඩිතං.
269. තතො මෙ මනසිකාරො යොනිසො උදපජ්ජථ,
ආදීනවො පාතුරහු නිබ්බිදා සමතිට්ඨථ.
ආදීනවො පාතුරහු නිබ්බිදා සමතිට්ඨථ.
270. තතො චිත්තං විමුච්චි මෙ පස්ස ධම්මසුධම්මතං,
තිස්සො විජ්ජා අනුප්පත්තා කතං බුද්ධස්ස සාසන’න්ති.
තිස්සො විජ්ජා අනුප්පත්තා කතං බුද්ධස්ස සාසන’න්ති.
ඉත්ථං සුදං ආයස්මා නාගසමාලො ථෙරො ගාථායො අභාසිත්ථා’ති.
නාගසමාලත්ථෙරගාථා.
4. 1. 2.
271. අහං මිද්ධෙන පකතො විහාරා උපනික්ඛමිං,
චඞ්කමං අභිරූහන්තො තත්ථෙව පපතිං ඡමා.
චඞ්කමං අභිරූහන්තො තත්ථෙව පපතිං ඡමා.
272. ගත්තානි පරිමජ්ජිත්වා පුනපාරුයුහ චඞ්කමං,
චඞ්කමෙ චඞ්කමිං සොහං අජ්ඣත්තං සුසමාහිතො.
චඞ්කමෙ චඞ්කමිං සොහං අජ්ඣත්තං සුසමාහිතො.
273. තතො මෙ මනසිකාරො යොනිසො උදපජ්ජථ,
ආදීනවො පාතුරහු නිබ්බිදා සමතිට්ඨථ.
ආදීනවො පාතුරහු නිබ්බිදා සමතිට්ඨථ.
274. තතො චිත්තං විමුච්චි මෙ පස්ස ධම්මසුධම්මතං,
තිස්සො විජ්ජා අනුප්පත්තා කතං බුද්ධස්ස සාසන’න්ති.
තිස්සො විජ්ජා අනුප්පත්තා කතං බුද්ධස්ස සාසන’න්ති.
ඉත්ථං සුදං ආයස්මා භගුථෙරො ගාථායො අභාසිත්ථා’ති.
භගුත්ථෙරගාථා.
4. 1. 3.
275. පරෙ ච න විජානන්ති මයමෙත්ථ යමාමසෙ,
යෙ ච තත්ථ විජානන්ති තතො සම්මන්ති මෙධගා.
යෙ ච තත්ථ විජානන්ති තතො සම්මන්ති මෙධගා.
276. යදා ච අවිජානන්තා ඉරියන්ත්යමරා විය,
විජානන්ති ච යෙ ධම්මං ආතුරෙසු අනාතුරා.
විජානන්ති ච යෙ ධම්මං ආතුරෙසු අනාතුරා.
277. යං කිඤ්චි සිථිලං කම්මං සඞ්කිලිට්ඨං ච යං වතං,
සඞ්කස්සරං බ්රහ්මචරියං න තං හොති මහප්ඵලං.
සඞ්කස්සරං බ්රහ්මචරියං න තං හොති මහප්ඵලං.
278. යස්ස සබ්රහ්මචාරිසු ගාරවො නූපලබ්භති,
ආරකා හොති සද්ධම්මා නභං පුථුවියා යථා’ති.
ආරකා හොති සද්ධම්මා නභං පුථුවියා යථා’ති.
ඉත්ථං සුදං ආයස්මා සභියො ථෙරො ගාථායො අභාසිත්ථා’ති.
සභියත්ථෙරගාථා.
4. 1. 4.
279. ධිරත්ථු පූරෙ දුග්ගන්ධෙ මාරපක්ඛෙ අවස්සුතෙ,
නවසොතානි තෙ කායෙ යානි සන්දන්ති සබ්බදා.
නවසොතානි තෙ කායෙ යානි සන්දන්ති සබ්බදා.
280. මා පුරාණං අමඤ්ඤිත්ථො මාසා දෙසි තථාගතෙ,
සග්ගෙ’පි තෙ න රජ්ජන්ති කිමඞ්ග පන මානුසෙ.
සග්ගෙ’පි තෙ න රජ්ජන්ති කිමඞ්ග පන මානුසෙ.
281. යෙ ච ඛො බාලා දුම්මෙධා දුම්මන්තී මොහපාරුතා,
තාදිසා තත්ථ රජ්ජන්ති මාරඛිත්තම්හි බන්ධතෙ.
තාදිසා තත්ථ රජ්ජන්ති මාරඛිත්තම්හි බන්ධතෙ.
282. යෙසං රාගො ච දොසො ච අවිජ්ජා ච විරාජිතා,
තාදී තත්ථ න රජ්ජන්ති ඡින්නසුත්තා අබන්ධනා’ති.
තාදී තත්ථ න රජ්ජන්ති ඡින්නසුත්තා අබන්ධනා’ති.
ඉත්ථං සුදං ආයස්මා නන්දකො ථෙරො ගාථායො අභාසිත්ථා’ති.
නන්දකත්ථෙරගාථා.
4. 1. 5.
283. පඤ්චපඤ්ඤාසවස්සානි රජොජල්ලමධාරයිං,
භුඤ්ජන්තො මාසිකං භත්තං කෙසමස්සුං අලොචයිං.
භුඤ්ජන්තො මාසිකං භත්තං කෙසමස්සුං අලොචයිං.
284. එකපාදෙන අට්ඨාසිං ආසනං පරිවජ්ජයිං,
සුක්ඛගූථානි ච ඛාදිං උද්දෙසං ච න සාදියිං.
සුක්ඛගූථානි ච ඛාදිං උද්දෙසං ච න සාදියිං.
285. එතාදිසං කරිත්වාන බහුං දුග්ගතිගාමිනං,
වුය්හමානො මහොඝෙන බුද්ධං සරණමාගමං.
වුය්හමානො මහොඝෙන බුද්ධං සරණමාගමං.
286. සරණාගමනං පස්ස පස්ස ධම්මසුධම්මතං,
තිස්සො විජ්ජා අනුප්පත්තා කතං බුද්ධස්ස සාසන’න්ති.
තිස්සො විජ්ජා අනුප්පත්තා කතං බුද්ධස්ස සාසන’න්ති.
ඉත්ථං සුදං ආයස්මා ජම්බුකො ථෙරො ගාථායො අභාසිත්ථා’ති.
ජම්බුකත්ථෙරගාථා.
4. 1. 6.
287. ස්වාගතං වත මෙ ආසි ගයායං ගයාඵග්ගුයා,
යං අද්දසාසිං සම්බුද්ධං දෙසෙන්තං ධම්මමුත්තමං.
යං අද්දසාසිං සම්බුද්ධං දෙසෙන්තං ධම්මමුත්තමං.
288. මහප්පභං ගණාචරියං අග්ගප්පත්තං විනායකං,
සදෙවකස්ස ලොකස්ස ජිනං අතුලදස්සනං.
සදෙවකස්ස ලොකස්ස ජිනං අතුලදස්සනං.
289. මහානාගං මහාවීරං මහාජුතිමනාසවං,
සබ්බාසවපරික්ඛීණං සත්ථාරමකුතොභයං.
සබ්බාසවපරික්ඛීණං සත්ථාරමකුතොභයං.
290. චිරසඞ්කිලිට්ඨං වත මං දිට්ඨිසන්දානසන්දිතං,
විමොචයී සො භගවා සබ්බගන්ථෙහි සෙනක’න්ති.
විමොචයී සො භගවා සබ්බගන්ථෙහි සෙනක’න්ති.
ඉත්ථං සුදං ආයස්මා සෙනකො ථෙරො ගාථායො අභාසිත්ථා’ති.
සෙනකත්ථෙරගාථා.