20. 1. 7.
842. යාතං මෙ හත්ථිගීවාය සුඛුමා වත්ථා පධාරිතා,
සාලීනං ඔදනො භුත්තො සුචීමංසූපසෙචනො.
සාලීනං ඔදනො භුත්තො සුචීමංසූපසෙචනො.
843. සොජ්ජ භද්දො සාතතිකො උඤ්ඡාපත්තාගතෙ රතො,
ඣායති අනුපාදානො පුත්තො ගොධාය භද්දියො.
ඣායති අනුපාදානො පුත්තො ගොධාය භද්දියො.
844. පංසුකූලී සාතතිකො උඤ්ඡාපත්තාගතෙ රතො,
ඣායති අනුපාදානො පුත්තො ගොධාය භද්දියො.
ඣායති අනුපාදානො පුත්තො ගොධාය භද්දියො.
845. පිණ්ඩපාතී සාතතිකො උඤ්ඡාපත්තාගතෙ1 රතො,
ඣායති අනුපාදානො පුත්තො ගොධාය භද්දියො.
ඣායති අනුපාදානො පුත්තො ගොධාය භද්දියො.
846. තෙචිවරී සාතතිකො උඤ්ඡාපත්තාගතෙ රතො,
ඣායති අනුපාදානො පුත්තො ගොධාය භද්දියො.
ඣායති අනුපාදානො පුත්තො ගොධාය භද්දියො.
847. සපදානචාරී සාතතිකො උඤ්ඡාපත්තාගතෙ රතො,
ඣායති අනුපාදානො පුත්තො ගොධාය භද්දියො.
ඣායති අනුපාදානො පුත්තො ගොධාය භද්දියො.
848. එකාසනී සාතතිකො උඤ්ඡාපත්තාගතෙ රතො,
ඣායති අනුපාදානො පුත්තො ගොධාය භද්දියො.
ඣායති අනුපාදානො පුත්තො ගොධාය භද්දියො.
849. පත්තපිණ්ඩී සාතතිකො උඤ්ඡාපත්තාගතෙ රතො,
ඣායති අනුපාදානො පුත්තො ගොධාය භද්දියො.
ඣායති අනුපාදානො පුත්තො ගොධාය භද්දියො.
850. ඛලුපච්ඡාභත්තී සාතතිකො උඤ්ඡාපත්තාගතෙ රතො,
ඣායති අනුපාදානො පුත්තො ගොධාය භද්දියො.
ඣායති අනුපාදානො පුත්තො ගොධාය භද්දියො.
851. ආරඤ්ඤිකො සාතතිකො උඤ්ඡාපත්තාගතෙ1 රතො,
ඣායති අනුපාදානො පුත්තො ගොධාය භද්දියො.
ඣායති අනුපාදානො පුත්තො ගොධාය භද්දියො.
852. රුක්ඛමූලිකො සාතතිකො උඤ්ඡාපත්තාගතෙ රතො,
ඣායති අනුපාදානො පුත්තො ගොධාය භද්දියො.
ඣායති අනුපාදානො පුත්තො ගොධාය භද්දියො.
853. අබ්භොකාසී සාතතිකො උඤ්ඡාපත්තාගතෙ රතො,
ඣායති අනුපාදානො පුත්තො ගොධාය භද්දියො.
ඣායති අනුපාදානො පුත්තො ගොධාය භද්දියො.
854. සොසානිකො සාතතිකො උඤ්ඡාපත්තාගතෙ රතො,
ඣායති අනුපාදානො පුත්තො ගොධාය භද්දියො.
ඣායති අනුපාදානො පුත්තො ගොධාය භද්දියො.
855. යථාසන්ථතිකො සාතතිකො උඤ්ඡාපත්තාගතෙ රතො,
ඣායති අනුපාදානො පුත්තො ගොධාය භද්දියො.
ඣායති අනුපාදානො පුත්තො ගොධාය භද්දියො.
856. නෙසජ්ජිකො සාතතිකො උඤ්ඡාපත්තාගතෙ රතො,
ඣායති අනුපාදානො පුත්තො ගොධාය භද්දියො.
ඣායති අනුපාදානො පුත්තො ගොධාය භද්දියො.
857. අප්පිච්ඡො සාතතිකො උඤ්ඡාපත්තාගතෙ රතො,
ඣායති අනුපාදානො පුත්තො ගොධාය භද්දියො.
ඣායති අනුපාදානො පුත්තො ගොධාය භද්දියො.
858. සන්තුට්ඨො සාතතිකො උඤ්ඡාපත්තාගතෙ රතො,
ඣායති අනුපාදානො පුත්තො ගොධාය භද්දියො.
ඣායති අනුපාදානො පුත්තො ගොධාය භද්දියො.
859. පවිවිත්තො සාතතිකො උඤ්ඡාපත්තාගතෙ රතො,
ඣායති අනුපාදානො පුත්තො ගොධාය භද්දියො.
ඣායති අනුපාදානො පුත්තො ගොධාය භද්දියො.
860. අසංසට්ඨො සාතතිකො උඤ්ඡාපත්තාගතෙ රතො,
ඣායති අනුපාදානො පුත්තො ගොධාය භද්දියො.
ඣායති අනුපාදානො පුත්තො ගොධාය භද්දියො.
861. ආරද්ධවිරියො සාතතිකො උඤ්ඡාපත්තාගතෙ රතො,
ඣායති අනුපාදානො පුත්තො ගොධාය භද්දියො.
ඣායති අනුපාදානො පුත්තො ගොධාය භද්දියො.
862. හිත්වා සතපලං කංසං සොවණ්ණං සතරාජිකං,
අග්ගහිං මත්තිකාපත්තං ඉදං දුතියාභිසෙචනං.
අග්ගහිං මත්තිකාපත්තං ඉදං දුතියාභිසෙචනං.
863. උච්චෙ මණ්ඩලිපාකාරෙ දළ්හමට්ටාලකොට්ඨකෙ,
රක්ඛිතො ඛග්ගහත්ථෙහි උත්තසං විහරිං පුරෙ.
රක්ඛිතො ඛග්ගහත්ථෙහි උත්තසං විහරිං පුරෙ.
864. සොජ්ජ භද්දො අනුත්රාසී පහීනභයභෙරවො,
ඣායති වනමොගය්හ පුත්තො ගොධාය භද්දියො.
ඣායති වනමොගය්හ පුත්තො ගොධාය භද්දියො.
865. සීලක්ඛන්ධෙ පතිට්ඨාය සතිං පඤ්ඤං ච භාවයං,
පාපුණිං අනුපුබ්බෙන සබ්බසංයොජනක්ඛය’න්ති.
පාපුණිං අනුපුබ්බෙන සබ්බසංයොජනක්ඛය’න්ති.
ඉත්ථං සුදං ආයස්මා භද්දියො කාළිගොධාය පුත්තො ථෙරො ගාථායො අභාසිත්ථා’ති.
භද්දියත්ථෙරගාථා.
20. 1. 8.
866. ගච්ඡං වදෙසි සමණට්ඨිතොම්හි
මමං ච බ්රූසි ඨිතමට්ඨිතො’ති,
පුච්ඡාමි තං සමණ එතමත්ථං
කථං ඨිතො ත්වං අහමට්ඨිතොම්හි.
මමං ච බ්රූසි ඨිතමට්ඨිතො’ති,
පුච්ඡාමි තං සමණ එතමත්ථං
කථං ඨිතො ත්වං අහමට්ඨිතොම්හි.
867. ඨිතො අහං අඞ්ගුලිමාල සබ්බදා
සබ්බෙසු භූතෙසු නිධාය දණ්ඩං,
තුවඤ්ච පාණෙසු අසඤ්ඤතොසි
තස්මා ඨිතොහං තුවමට්ඨිතොසි.
සබ්බෙසු භූතෙසු නිධාය දණ්ඩං,
තුවඤ්ච පාණෙසු අසඤ්ඤතොසි
තස්මා ඨිතොහං තුවමට්ඨිතොසි.
868. චිරස්සං වත මෙ මහිතො මහෙසි
මහාවනං සමණො පච්චුපාදි,
සො’හං චජිස්සාමි සහස්සපාපං
සුත්වාන ගාථං තව ධම්මයුත්තං.
මහාවනං සමණො පච්චුපාදි,
සො’හං චජිස්සාමි සහස්සපාපං
සුත්වාන ගාථං තව ධම්මයුත්තං.
869. ඉච්චෙව චොරො අසිමාවුධං ච
සොබ්භෙ පපාතෙ නරකෙ අන්වකාසි,
අවන්දි චොරො සුගතස්ස පාදෙ
තත්ථෙව පබ්බජ්ජමයාචි බුද්ධං.
සොබ්භෙ පපාතෙ නරකෙ අන්වකාසි,
අවන්දි චොරො සුගතස්ස පාදෙ
තත්ථෙව පබ්බජ්ජමයාචි බුද්ධං.
870. බුද්ධො ච ඛො කාරුණිකො මහෙසි
යො සත්ථා ලොකස්ස සදෙවකස්ස,
තමෙහි භික්ඛූ’ති තදා අවොච
එසො’ව තස්ස අහු භික්ඛුභාවො.
යො සත්ථා ලොකස්ස සදෙවකස්ස,
තමෙහි භික්ඛූ’ති තදා අවොච
එසො’ව තස්ස අහු භික්ඛුභාවො.
871. යො ච පුබ්බෙ පමජ්ජිත්වා පච්ඡා සො නප්පමජ්ජති,
සො’මං ලොකං පභාසෙති අබ්භා මුත්තො’ව චන්දිමා.
සො’මං ලොකං පභාසෙති අබ්භා මුත්තො’ව චන්දිමා.