20. වීසතිනිපාතො.
20. 1. 1.
705. යඤ්ඤත්ථං වා ධනත්ථං වා යෙ හනාම මයං පුරෙ,
අවසෙ තං භයං හොති වෙධන්ති විලපන්ති ච.
අවසෙ තං භයං හොති වෙධන්ති විලපන්ති ච.
706. තස්ස තෙ නත්ථි භීතත්තං භිය්යො වණ්ණො පසීදති,
කස්මා න පරිදෙවෙසි එවරූපෙ මහබ්භයෙ.
කස්මා න පරිදෙවෙසි එවරූපෙ මහබ්භයෙ.
707. නත්ථි චෙතසිකං දුක්ඛං අනපෙක්ඛස්ස ගාමණි,
අතික්කන්තා භයා සබ්බෙ ඛීණසංයොජනස්ස වෙ.
අතික්කන්තා භයා සබ්බෙ ඛීණසංයොජනස්ස වෙ.
708. ඛීණාය භවනෙත්තියා දිට්ඨෙ ධම්මෙ යථාතථෙ,
න භයං මරණෙ හොති භාරනික්ඛෙපනෙ යථා.
න භයං මරණෙ හොති භාරනික්ඛෙපනෙ යථා.
709. සුචිණ්ණං බ්රහ්මචරියං මෙ මග්ගො චාපි සුභාවිතො,
මරණෙ මෙ භයං නත්ථි රොගානමිව සඞ්ඛයෙ.
මරණෙ මෙ භයං නත්ථි රොගානමිව සඞ්ඛයෙ.
710. සුචිණ්ණං බ්රහ්මචරියං මෙ මග්ගො චාපි සුභාවිතො,
නිරස්සාදා භවා දිට්ඨා විසං පීත්වාව ඡඩ්ඩිතං.
නිරස්සාදා භවා දිට්ඨා විසං පීත්වාව ඡඩ්ඩිතං.
711. පාරගූ අනුපාදානො කතකිච්චො අනාසවො,
තුට්ඨො ආයුක්ඛයා හොති මුත්තො ආඝාතනා යථා.
තුට්ඨො ආයුක්ඛයා හොති මුත්තො ආඝාතනා යථා.
712. උත්තමං ධම්මතං පත්තො සබ්බලොකෙ අනත්ථිකො,
ආදිත්තාව ඝරා මුත්තො මරණස්මිං න සොචති.
ආදිත්තාව ඝරා මුත්තො මරණස්මිං න සොචති.
713. යදත්ථි සඞ්ගතං කිඤ්චි භවො වා යත්ථ ලබ්භති,
සබ්බං අනිස්සරං එතං ඉති වුත්තං මහෙසිනා.
සබ්බං අනිස්සරං එතං ඉති වුත්තං මහෙසිනා.
714. යො තං තථා පජානාති යථා බුද්ධෙන දෙසිතං,
න ගණ්හාති භවං කිඤ්චි සුතත්තංව අයොගුළං.
න ගණ්හාති භවං කිඤ්චි සුතත්තංව අයොගුළං.
715. න මෙ හොති අහොසින්ති භවිස්සන්ති න හොති මෙ,
සඞ්ඛාරා විගමිස්සන්ති තත්ථ කා පරිදෙවනා.
සඞ්ඛාරා විගමිස්සන්ති තත්ථ කා පරිදෙවනා.
716. සුද්ධං ධම්මසමුප්පාදං සුද්ධං සඞ්ඛරසන්තතිං,
පස්සන්තස්ස යථාභූතං න භයං හොති ගාමණි.
පස්සන්තස්ස යථාභූතං න භයං හොති ගාමණි.
717. තිණකට්ඨසමං ලොකං යදා පඤ්ඤාය පස්සති,
මමත්තං සො අසංවින්දං ‘නත්ථි මෙ’ති න සොචති.
මමත්තං සො අසංවින්දං ‘නත්ථි මෙ’ති න සොචති.
718. උක්කණ්ඨාමි සරීරෙන භවෙනම්හි අනත්ථිකො,
සො’යං භිජ්ජිස්සති කායො අඤ්ඤො ච න භවිස්සති.
සො’යං භිජ්ජිස්සති කායො අඤ්ඤො ච න භවිස්සති.
719. යං වො කිච්චං සරීරෙන තං කරොථ යදිච්ඡථ,
න මෙ තප්පච්චයා තත්ථ දොසො පෙමං ච හොහිති.
න මෙ තප්පච්චයා තත්ථ දොසො පෙමං ච හොහිති.
720. තස්ස තං වචනං සුත්වා අබ්භුතං ලොමහංසනං,
සත්ථානි නික්ඛිපිත්වාන මාණවා එතදබ්රවුං.
සත්ථානි නික්ඛිපිත්වාන මාණවා එතදබ්රවුං.
721. කිං භද්දන්තෙ කරිත්වාන කො වා ආචරියො තව,
කස්ස සාසනමාගම්ම ලබ්භතෙ තං අසොකතා.
කස්ස සාසනමාගම්ම ලබ්භතෙ තං අසොකතා.
722. සබ්බඤ්ඤූ සබ්බදස්සාවී ජිනො ආචරියො මම,
මහාකාරුණිකො සත්ථා සබ්බලොකතිකිච්ඡකො.
මහාකාරුණිකො සත්ථා සබ්බලොකතිකිච්ඡකො.
723. තෙනායං දෙසිතො ධම්මො ඛයගාමී අනුත්තරො,
කස්ස සාසනමාගම්ම ලබ්භතෙ තං අසොකතා.
කස්ස සාසනමාගම්ම ලබ්භතෙ තං අසොකතා.
724. සුත්වාන චොරා ඉසිනො සුභාසිතං,
නික්ඛිප්ප සත්ථානි ච ආවුධානි ච
තම්හා ච කම්මා විරමිංසු එකෙ
එකෙ පබ්බජ්ජ මරොචයිංසු.
නික්ඛිප්ප සත්ථානි ච ආවුධානි ච
තම්හා ච කම්මා විරමිංසු එකෙ
එකෙ පබ්බජ්ජ මරොචයිංසු.
725. තෙ පබ්බජිත්වා සුගතස්ස සාසනෙ
භාවෙත්ව බොජ්ඣඞ්ගබලානි පණ්ඩිතා
උදග්ගචිත්තා සුමනා කතින්ද්රියා
ඵුසිංසු නිබ්බානපදං අසඞ්ඛත’න්ති.
භාවෙත්ව බොජ්ඣඞ්ගබලානි පණ්ඩිතා
උදග්ගචිත්තා සුමනා කතින්ද්රියා
ඵුසිංසු නිබ්බානපදං අසඞ්ඛත’න්ති.
ඉත්ථං සුදං ආයස්මා අධිමුත්තො ථෙරො ගාථායො අභාසිත්ථා’ති.
අධිමුත්තත්ථෙරගාථා.
20. 1. 2.
726. සමණස්ස අහු චින්තා පාරාසරියස්ස භික්ඛුනො,
එකකස්ස නිසින්නස්ස පවිවිත්තස්ස ඣායිනො.
එකකස්ස නිසින්නස්ස පවිවිත්තස්ස ඣායිනො.
727. කිමානුපුබ්බං පුරිසො කිං වතං කිං සමාචරං,
අත්තනො කිච්චකිරිස්ස න ච කිඤ්චි විහෙඨයෙ.
අත්තනො කිච්චකිරිස්ස න ච කිඤ්චි විහෙඨයෙ.
728. ඉන්ද්රියානි මනුස්සානං හිතාය අහිතාය ච,
අරක්ඛිතානි අහිතාය රක්ඛිතානි හිතාය ච.
අරක්ඛිතානි අහිතාය රක්ඛිතානි හිතාය ච.
729. ඉන්ද්රියානෙවං සාරක්ඛං ඉන්ද්රියානි ච ගොපයං,
අත්තනො කිච්චකාරිස්ස න ච කිඤ්චි විහෙඨයෙ.
අත්තනො කිච්චකාරිස්ස න ච කිඤ්චි විහෙඨයෙ.
730. චක්ඛුන්ද්රියං චෙ රූපෙසු ගච්ඡන්තං අනිවාරයං,
අනාදීනවදස්සාවී සො දුක්ඛා න හි මුච්චති.
අනාදීනවදස්සාවී සො දුක්ඛා න හි මුච්චති.