20. 1. 6.
818. පරිපුණ්ණකායො සුරුචි සුජාතො චාරුදස්සනො,
සුවණ්ණවණ්ණොසි භගවා සුසුක්කදාඨො විරියවා.
සුවණ්ණවණ්ණොසි භගවා සුසුක්කදාඨො විරියවා.
819. නරස්ස හි සුජාතස්ස යෙ භවන්ති වියඤ්ජනා,
සබ්බෙ තෙ තව කායස්මිං මහාපුරිසලක්ඛණා.
සබ්බෙ තෙ තව කායස්මිං මහාපුරිසලක්ඛණා.
820. පසන්නනෙත්තො සුමුඛො බ්රහ්මා උජු පතාපවා,
මජ්ඣෙ සමණසඞ්ඝස්ස ආදිච්චො’ව විරොචසි.
මජ්ඣෙ සමණසඞ්ඝස්ස ආදිච්චො’ව විරොචසි.
821. කල්යාණදස්සනො භික්ඛු කඤ්චනසන්නිභත්තචො,
කිං තෙ සමණභාවෙන එවං උත්තමවණ්ණිනො.
කිං තෙ සමණභාවෙන එවං උත්තමවණ්ණිනො.
822. රාජා අරහසි භවිතුං චක්කවත්තී රථෙසභො,
චාතුරන්තො විජිතාවී ජම්බුසණ්ඩස්ස ඉස්සරො.
චාතුරන්තො විජිතාවී ජම්බුසණ්ඩස්ස ඉස්සරො.
823. ඛත්තියා භොගා රාජානො අනුයන්තා භවන්ති තෙ,
රාජාධිරාජා මනුජින්දො රජ්ජං කාරෙහි ගොතම.
රාජාධිරාජා මනුජින්දො රජ්ජං කාරෙහි ගොතම.
824. රාජාහමස්මි සෙල (සෙලාති භගවා) ධම්මරාජා අනුත්තරො,
ධම්මෙන වක්කං වත්තෙමි චක්කං අප්පතිවත්තියං.
ධම්මෙන වක්කං වත්තෙමි චක්කං අප්පතිවත්තියං.
825. සම්බුද්ධො පටිජානාසි (ඉති සෙලො බ්රාහ්මණො) ධම්මරාජා අනුත්තරො,
ධම්මෙන චක්කං වත්තෙමි ඉති භාසසි ගොතම.
ධම්මෙන චක්කං වත්තෙමි ඉති භාසසි ගොතම.
826. කො නු සෙනාපති භොතො සාවකො සත්ථු අන්වයො,
කො තෙ මං අනුවත්තෙති ධම්මචක්කං පවත්තිතං.
කො තෙ මං අනුවත්තෙති ධම්මචක්කං පවත්තිතං.
827. මයා පවත්තිතං චක්කං (සෙලාති භගවා) ධම්මචක්කං අනුත්තරං,
සාරිපුත්තො අනුවත්තෙති අනුජාතො තථාගතං.
සාරිපුත්තො අනුවත්තෙති අනුජාතො තථාගතං.
828. අභිඤ්ඤෙය්යං අභිඤ්ඤාතං භාවෙතබ්බං ච භාවිතං,
පහාතබ්බං පහීනං මෙ තස්මා බුද්ධොස්මි බ්රාහ්මණ.
පහාතබ්බං පහීනං මෙ තස්මා බුද්ධොස්මි බ්රාහ්මණ.
829. විනයස්සු මයි කඞ්ඛං අධිමුච්චස්සු බ්රාහ්මණ,
දුල්ලභං දස්සනං හොති සම්බුද්ධානං අභිණ්හසො.
දුල්ලභං දස්සනං හොති සම්බුද්ධානං අභිණ්හසො.
830. යෙසං වෙ දුල්ලභො ලොකෙ පාතුභාවො අභිණ්හසො,
සො’හං බ්රාහ්මණ සම්බුද්ධො සල්ලකත්තො අනුත්තරො.
සො’හං බ්රාහ්මණ සම්බුද්ධො සල්ලකත්තො අනුත්තරො.
831. බ්රහ්මභූතො අතිතුලො මාරසෙනප්පමද්දනො,
සබ්බාමිත්තෙ වසෙ කත්වා මොදාමි අකුතොභයො.
සබ්බාමිත්තෙ වසෙ කත්වා මොදාමි අකුතොභයො.
832. ඉදං භොන්තො නිසාමෙථ යථා භාසති චක්ඛුමා,
සල්ලකත්තො මහාවීරො සීහො’ව නදතී වනෙ.
සල්ලකත්තො මහාවීරො සීහො’ව නදතී වනෙ.
833. බ්රහ්මභූතං අතිතුලං මාරසෙනප්පමද්දනං,
කො දිස්වා නප්පසීදෙය්ය අපි කණ්හාභිජාතිකො.
කො දිස්වා නප්පසීදෙය්ය අපි කණ්හාභිජාතිකො.
834. යො මං ඉච්ඡති අන්වෙතු යො වා නිච්ඡති ගච්ඡතු,
ඉධාහං පබ්බජිස්සාමි වරපඤ්ඤස්ස සන්තිකෙ.
ඉධාහං පබ්බජිස්සාමි වරපඤ්ඤස්ස සන්තිකෙ.
835. එතං චෙ රුච්චති භොතො සම්මාසම්බුද්ධසාසනං,
මයම්පි පබ්බජිස්සාම වරපඤ්ඤස්ස සන්තිකෙ.
මයම්පි පබ්බජිස්සාම වරපඤ්ඤස්ස සන්තිකෙ.
836. බ්රාහ්මණා තිසතා ඉමෙ යාචන්ති පඤ්ජලීකතා,
බ්රහ්මචරියං චරිස්සාම භගවා තව සන්තිකෙ.
බ්රහ්මචරියං චරිස්සාම භගවා තව සන්තිකෙ.
837. ස්වාක්ඛාතං බ්රහ්මචරියං (සෙලාති භගවා) සන්දිට්ඨිකමකාලිකං,
යත්ථ අමොඝා පබ්බජ්ජා අප්පමත්තස්ස සික්ඛතො.
යත්ථ අමොඝා පබ්බජ්ජා අප්පමත්තස්ස සික්ඛතො.
838. යං තං සරණමාගම්ම ඉතො අට්ඨමෙ චක්ඛුම,
සත්තරත්තෙන භගවා දන්තාම්හ තව සාසනෙ.
සත්තරත්තෙන භගවා දන්තාම්හ තව සාසනෙ.
839. තුවං බුද්ධො තුවං සත්ථා තුවං මාරාභිභූ මුනි,
තුවං අනුසයෙ ඡෙත්වා තිණ්ණො තාරෙසිමං පජං.
තුවං අනුසයෙ ඡෙත්වා තිණ්ණො තාරෙසිමං පජං.
840. උපධී තෙ සමතික්කන්තා ආසවා තෙ පදාලිතා,
සීහො’ව අනුපාදානො පහීනභයභෙරවො.
සීහො’ව අනුපාදානො පහීනභයභෙරවො.
841. භික්ඛවො තිසතා ඉමෙ තිට්ඨන්ති පඤ්ජලීකතා,
පාදෙ වීර පසාරෙහි නාගා වන්දන්තු සත්ථුනො’ති.
පාදෙ වීර පසාරෙහි නාගා වන්දන්තු සත්ථුනො’ති.
ඉත්ථං සුදං ආයස්මා සෙලො ථෙරො ගාථායො අභාසිත්ථා’ති.
සෙලත්ථෙරගාථා.