7. “නාභිනන්දති ආයන්තිං පක්කමන්තිං න සොචති,
සඞ්ගා සඞ්ගාමජිං මුත්තං තමහං බ්රූමී බ්රාහ්මණ”න්ති
සඞ්ගා සඞ්ගාමජිං මුත්තං තමහං බ්රූමී බ්රාහ්මණ”න්ති
ඉදං අසෙඛභාගියං සුත්තං,
8. “න උදකෙන සුචී හොති බව්හෙත්ථ න්හායති ජනො,
යම්හි සච්චං ච ධම්මො ච සො සුචි සො ච බ්රාහ්මණො”ති.
යම්හි සච්චං ච ධම්මො ච සො සුචි සො ච බ්රාහ්මණො”ති.
ඉදං අසෙඛභාගියං සුත්තං.
9. “යදා හවෙ පාතුභවන්ති ධම්මා
ආතාපිනො ඣායතො බ්රාහ්මණස්ස,
විධූපයං තිට්ඨති මාරසෙනං
සුරියොව ඔභාසයමන්තලික්ඛ”න්ති.
ආතාපිනො ඣායතො බ්රාහ්මණස්ස,
විධූපයං තිට්ඨති මාරසෙනං
සුරියොව ඔභාසයමන්තලික්ඛ”න්ති.
ඉදං අසෙඛභාගියං සුත්තං.
10. “සන්තින්ද්රියං පස්සථ ඉරීයමානං
තෙවිජ්ජප්පත්තං අපහානධම්මං.
සබ්බානි යොගානි උපාතිවත්තො
අකිඤ්චනො ඉරීයති පංසුකූලිකො.
තෙවිජ්ජප්පත්තං අපහානධම්මං.
සබ්බානි යොගානි උපාතිවත්තො
අකිඤ්චනො ඉරීයති පංසුකූලිකො.
11. “තං දෙවතා සම්බහුලා උළාරා
බ්රහ්මවිමානං උපසඞ්කමිත්වා
ආජානීයං ජාතිබලනිසෙධං
තිධා නමස්සන්ති පසන්නචිත්තා.
බ්රහ්මවිමානං උපසඞ්කමිත්වා
ආජානීයං ජාතිබලනිසෙධං
තිධා නමස්සන්ති පසන්නචිත්තා.
12. “නමො තෙ පුරිසාජඤ්ඤ නමො තෙ පුරිසුත්තම,
යස්ස තෙ නාභිජානාම කින්ති නිස්සාය ඣායසී”ති.
යස්ස තෙ නාභිජානාම කින්ති නිස්සාය ඣායසී”ති.
ඉදං අසෙඛභාගියං සුත්තං.
13. “සහායා වතිමෙ භික්ඛූ චිරරත්තං සමෙතිකා,
සමෙති නෙසං සද්ධම්මො ධම්මෙ බුද්ධප්පවෙදිතෙ.
සමෙති නෙසං සද්ධම්මො ධම්මෙ බුද්ධප්පවෙදිතෙ.
14. සුවිනීතා කප්පීනෙන ධම්මෙ අරියප්පවෙදිතෙ,
ධාරෙන්ති අන්තිමං දෙහං ජිත්වා මාරං සවාහිනි”න්ති.
ධාරෙන්ති අන්තිමං දෙහං ජිත්වා මාරං සවාහිනි”න්ති.
ඉදං අසෙඛභාගියං සුත්තං.
15. “නයිදං සිථිලමාරබ්භ නයිදං අප්පෙන ථාමසා,
නිබ්බානං අධිගන්තබ්බං සබ්බගන්ථප්පමොචනං.
නිබ්බානං අධිගන්තබ්බං සබ්බගන්ථප්පමොචනං.
16. අයඤ්ච දහරො භික්ඛු අයමුත්තමපොරිසො,
ධාරෙති අන්තිමං දෙහං ජෙත්වා මාරං සවාහිනි”න්ති.
ධාරෙති අන්තිමං දෙහං ජෙත්වා මාරං සවාහිනි”න්ති.
ඉදං අසෙඛභාගියං සුත්තං.
17. “දුබ්බණ්ණකො ලූඛචීවරො මොඝරාජා සදා සතො.
ඛීණාසවො විසංයුත්තො කතකිච්චො අනාසවො.
ඛීණාසවො විසංයුත්තො කතකිච්චො අනාසවො.
18. තෙවිජ්ජො ඉද්ධිප්පත්තො ච චෙතොපරියාය කොවිදො,
ධාරෙති අන්තිමං දෙහං ජෙත්වා වාරං සවාහිනි”න්ති.
ධාරෙති අන්තිමං දෙහං ජෙත්වා වාරං සවාහිනි”න්ති.
ඉදං අසෙඛභාගියං සුත්තං.
“තථාගතො භික්ඛවෙ අරහං සම්මාසම්බුද්ධො රූපස්ස නිබ්බිදා විරාගා නිරොධා අනුපාදා විමුත්තො සම්මාසම්බුද්ධො’ති වුච්චති. භික්ඛු’පි භික්ඛවෙ පඤ්ඤාවිමුත්තො රූපස්ස නිබ්බිදා විරාගා නිරොධා අනුපාදා විමුත්තො පඤ්ඤාවිමුත්තො’ති වුච්චති.
තථාගතො භික්ඛවෙ අරහං සම්මාසම්බුද්ධො වෙදනාය -පෙ- සඤ්ඤාය -පෙ- සඞ්ඛාරානං -පෙ- විඤ්ඤාණස්ස නිබ්බිදා විරාගා නිරොධා අනුපාදා විමුත්තො ‘සම්මාසම්බුද්ධො’ති වුච්චති. භික්ඛු’පි භික්ඛවෙ පඤ්ඤාවිමුත්තො -පෙ- විඤ්ඤාණස්ස නිබ්බිදා විරාගා නිරොධා අනුපාදා විමුත්තො ‘පඤ්ඤාවිමුත්තො’ති වුච්චති.
තත්ර භික්ඛවෙ කො විසෙසො කො අධිප්පායො කිං නානාකරණං තථාගතස්ස අරහතො සම්මාසම්බුද්ධස්ස පඤ්ඤාවිමුත්තෙන භික්ඛුනා’ති? භගවම්මූලකා නො භන්තෙ ධම්මා -පෙ- තථාගතො භික්ඛවෙ අරහං සම්මාසම්බුද්ධො අනුප්පන්නස්ස මග්ගස්ස උප්පාදෙතා අසඤ්ජාතස්ස මග්ගස්ස සඤ්ජනෙතා අනක්ඛාතස්ස මග්ගස්ස අක්ඛාතා මග්ගඤ්ඤූ මග්ගවිදූ මග්ගකොවිදො මග්ගානුගා ච භික්ඛවෙ එතරහි සාවකා විහරන්ති පච්ඡා සමන්නාගතා. අයං ඛො භික්ඛවෙ විසෙසො අයං අධිප්පායො ඉදං නානාකරණං තථාගතස්ස අරහතො සම්මාසම්බුද්ධස්ස පඤ්ඤාවිමුත්තෙන භික්ඛුනා”ති.
ඉදං අසෙඛභාගියං සුත්තං.
3. 4. 5.
(5) තත්ථ කතමං සංකිලෙසභාගියඤ්ච වාසනාභාගියඤ්ච සුත්තං:
1. “ඡන්නමතිවස්සති විවටං නාතිවස්සති,
තස්මා ඡන්නං විවරෙථ එවං තං නාතිවස්සති”
තස්මා ඡන්නං විවරෙථ එවං තං නාතිවස්සති”
“ඡන්නමතිවස්සතී”ති සංකිලෙසො; “විවටං නාතිවස්සතී”ති වාසනා: “තස්මා ඡන්නං විවරෙථ එවං තං නාතිවස්සතී”ති අයං සංකිලෙසො ච වාසනා ච.
ඉදං සංකිලෙසභාගියඤ්ච වාසනා භාගියඤ්ච සුත්තං.