3. 4. 1.
(1) තත්ථ කතමං සංකිලෙසභාගියං සුත්තං:
1. “කාමන්ධා ජාලසඤ්ඡන්නා තණ්හාඡදනඡාදිතා.
පමත්තබන්ධනා බද්ධා මච්ඡාව කුමිනාමුඛෙ;
ජරාමරණමන්වෙන්ති වච්ඡො ඛීරපකොව මාතර”න්ති
පමත්තබන්ධනා බද්ධා මච්ඡාව කුමිනාමුඛෙ;
ජරාමරණමන්වෙන්ති වච්ඡො ඛීරපකොව මාතර”න්ති
ඉදං සංකිලෙසභාගියං සුත්තං.
“චත්තාරිමානි භික්ඛවෙ අගතිගමානානි, කතමානි චත්තාරි: ඡන්දා අගතිං ගච්ඡති, දොසා අගතිං ගච්ඡති, භයා අගතිං ගච්ඡති, මොහා අගතිං ගච්ඡති, ඉමානි ඛො භික්ඛවෙ චත්තාරි අගතිගමනානි. ඉදමවොච භගවා ඉදං වත්වාන සුගතො අථාපරං එතදවොච සත්ථා.
2. ඡන්දා දොසා භයා මොහා යො ධම්මං අතිවත්තති,
නිහීයති තස්ස යසො කාලපක්ඛෙව චන්දිමා”ති.
නිහීයති තස්ස යසො කාලපක්ඛෙව චන්දිමා”ති.
ඉදං සංකිලෙසභාගියං සුත්තං.
3. “මනොපුබ්බඞ්ගමා ධම්මා මනොසෙට්ඨා මනොමයා,
මනසා චෙ පදුට්ඨෙන භාසති වා කරොති වා;
තතො නං දුක්ඛමන්වෙති චක්කංව වහතො පද”න්ති.
මනසා චෙ පදුට්ඨෙන භාසති වා කරොති වා;
තතො නං දුක්ඛමන්වෙති චක්කංව වහතො පද”න්ති.
ඉදං සංකිලෙසභාගියං සුත්තං.
4 “මිද්ධි යදා හොති මහග්ඝසො ච නිද්දායිතා සංපරිවත්තසායි.
මහාවරාහොව නිවාපපුට්ඨො පුනප්පුනං ගබ්භමුපෙති මන්දො”ති
මහාවරාහොව නිවාපපුට්ඨො පුනප්පුනං ගබ්භමුපෙති මන්දො”ති
ඉදං සංකිලෙසභාගියං සුත්තං.
5. ‘අයසාව මලං සමුට්ඨිතං තදුට්ඨාය” තමෙව ඛාදති,
එවං අතිධොනචාරිනං සානි කම්මානි නයන්ති දුග්ගති”න්ති.
එවං අතිධොනචාරිනං සානි කම්මානි නයන්ති දුග්ගති”න්ති.
ඉදං සංකිලෙසභාගියං සුත්තං.
6. “චොරො යථා සන්ධිමුඛෙ ගහීතො.
සකම්මුනා හඤ්ඤතෙ බජ්ඣතෙ ච
එවං අයං පෙච්ච පජා පරත්ථ
සකම්මුනා හඤ්ඤතෙ බජ්ඣතෙ චා”ති.
සකම්මුනා හඤ්ඤතෙ බජ්ඣතෙ ච
එවං අයං පෙච්ච පජා පරත්ථ
සකම්මුනා හඤ්ඤතෙ බජ්ඣතෙ චා”ති.
ඉදං සංකිලෙසභාගියං සුත්තං.
7. “සුඛකාමානි භූතානි යො දණ්ඩෙන විහිංසති,
අත්තනො සුඛමෙසානො පෙච්ච සො න ලභතෙ සුඛ”න්ති
අත්තනො සුඛමෙසානො පෙච්ච සො න ලභතෙ සුඛ”න්ති
ඉදං සංකිලෙසභාගියං සුත්තං.
8. “ගුන්නං වෙ තරමානානං ජිම්හං ගච්ඡති පුඞ්ගවො;
සබ්බා තා ජිම්හං ගච්ඡන්ති නෙත්තෙ ජිම්හගතෙ සති.
සබ්බා තා ජිම්හං ගච්ඡන්ති නෙත්තෙ ජිම්හගතෙ සති.
9. “එවමෙවං මනුස්සෙසු යො හොති සෙට්ඨසම්මතො,
සො චෙ අධම්මං චරති පගෙව ඉතරා පජා;
සබ්බං රට්ඨං දුඛං සෙති රාජා චෙ හොති අධම්මිකො”ති.
සො චෙ අධම්මං චරති පගෙව ඉතරා පජා;
සබ්බං රට්ඨං දුඛං සෙති රාජා චෙ හොති අධම්මිකො”ති.
ඉදං සංකිලෙසභාගියං සුත්තං.
10. “සුකිච්ඡරූපා වතිමෙ මනුස්සා
කරොන්ති පාපං උපධීසු රත්තා,
ගච්ඡන්ති තෙ බහුජනසන්නිවාසං
නිරයං අවීචිං කටුකං භයානක”න්ති.
කරොන්ති පාපං උපධීසු රත්තා,
ගච්ඡන්ති තෙ බහුජනසන්නිවාසං
නිරයං අවීචිං කටුකං භයානක”න්ති.
ඉදං සංකිලෙසභාගියං සුත්තං.
11. “ඵලං වෙ කදලිං හන්ති ඵලං වෙළුං ඵලං නළං,
සක්කාරො කාපුරිසං හන්ති ගබ්භො අස්සතරිං යථා”ති.
සක්කාරො කාපුරිසං හන්ති ගබ්භො අස්සතරිං යථා”ති.
ඉදං සංකිලෙසභාගියං සුත්තං.
12. “කොධමක්ඛගරු භික්ඛු ලාභසක්කාරකාරණා,
සුඛෙත්තෙ පූතිබීජංව සද්ධම්මස්මිං න රූහතී”ති.
සුඛෙත්තෙ පූතිබීජංව සද්ධම්මස්මිං න රූහතී”ති.
ඉදං සංකිලෙසභාගියං සුත්තං.
“ඉදාහං භික්ඛවෙ එකච්චං පුග්ගලං පදුට්ඨචිත්තං, එවං චෙතසා චෙතො පරිච්ච පජානාමි, යථා ඛො අයං පුග්ගලො ඉරීයති යඤ්ච පටිපදං පටිපන්නො යඤ්ච මග්ගං සමාරූළ්හො ඉමම්හි චායං සමයෙ කාලං කරෙය්ය යථාභතං නික්ඛිත්තො එවං නිරයෙ, තං කිස්ස හෙතු: චිත්තං හිස්ස භික්ඛවෙ පදුට්ඨං, චිත්තප්පදොසහෙතු ඛො පන භික්ඛවෙ එවමිධෙකච්චෙ සත්තා කායස්ස භෙදා පරම්මරණා අපායං දුග්ගතිං විනිපාතං නිරයං උපපජ්ජන්ති. එතමත්ථං භගවා අවොච. තත්ථෙතං ඉති වුච්චති.