1. උද්දෙසවාරො
තත්ථ කතමෙ සොළස හාරා: දෙසනා විචයො යුත්ති පදට්ඨානො ලක්ඛණො චතුබ්යූහො ආවත්තො විභත්ති පරිවත්තනො වෙවචනො පඤ්ඤත්ති ඔතරණො සොධනො අධිට්ඨානො පරික්ඛාරො සමාරොපනො ඉති.
තස්සානුගීති:
1. දෙසනා විචයො යුත්ති - පදට්ඨානො ච ලක්ඛණො,
චතුබ්යූහො ච ආවට්ටො - විභත්ති පරිවත්තනො.
චතුබ්යූහො ච ආවට්ටො - විභත්ති පරිවත්තනො.
2. වෙවචනො ච පඤ්ඤත්ති - ඔතරණො ච සොධනො,
අධිට්ඨානො පරික්ඛාරො - සමාරොපනො සොළස.
අධිට්ඨානො පරික්ඛාරො - සමාරොපනො සොළස.
3. එතෙ සොළස හාරා - පකිත්තිතා අත්ථතො අසංකිණ්ණා,
එතෙසං චෙව භවති - විත්ථාරතයා නයවිභත්ති’ති.
එතෙසං චෙව භවති - විත්ථාරතයා නයවිභත්ති’ති.
තත්ථ කතමෙ පඤ්ච නයා: නන්දියාවට්ටො තිපුක්ඛලො සීහ වික්කීළිතො දිසාලොචනො අඞ්කුසො ඉති.
තස්සානුගීති:
4. පඨමො නන්දියාවට්ටො - දුතියො ච තිපුක්ඛලො,
සීහවික්කීළිතො නාම - තතියො නයලඤ්ඡකො
සීහවික්කීළිතො නාම - තතියො නයලඤ්ඡකො
5. දිසාලොචනමාහංසු - චතුත්ථං නයමුත්තමං,
පඤ්චමො අඞ්කුසො නාම - සබ්බෙ පඤ්ච නයා ගතා’ති
පඤ්චමො අඞ්කුසො නාම - සබ්බෙ පඤ්ච නයා ගතා’ති
තත්ථ කතමානි අට්ඨාරස මූලපදානි: නව පදානි කුසලානි, නව පදානි අකුසලානි.
තත්ථ කතමානි නව පදානි අකුසලානි: තණ්හා අවිජ්ජා ලොභො දොසො මොහො සුභසඤ්ඤා සුඛසඤ්ඤා නිච්චසඤ්ඤා අත්තසඤ්ඤා’තී ඉමානි නව පදානි අකුසලානි, යත්ථ සබ්බො අකුසලපක්ඛො සඞ්ගහං සමොසරණං ගච්ඡති.
තත්ථ කතමානි නව පදානි කුසලානි: සමථො විපස්සනා අලොභො අදොසො අමොහො අසුභසඤ්ඤා දුක්ඛසඤ්ඤා අනිච්චසඤ්ඤා අනත්තසඤ්ඤා’ති. ඉමානි නව පදානි කුසලානි, යත්ථ සබ්බො කුසලපක්ඛො සඞ්ගහං සමොසරණං ගච්ඡති.
තත්රිදං උද්දානං:
6. තණ්හා ච අවිජ්ජාපි ච - ලොභො දොසො තථෙව මොහො ච,
චතුරො ච විපල්ලාසා - කිලෙසභුමී නව පදානී
චතුරො ච විපල්ලාසා - කිලෙසභුමී නව පදානී
7. සමථො ච විපස්සනා ච - කුසලානි ච යානි තීණි මූලානි,
චතුරො සතිපට්ඨානා - ඉන්ද්රියභූමි නව පදානි.
චතුරො සතිපට්ඨානා - ඉන්ද්රියභූමි නව පදානි.
8. නවහි ච පදෙහි කුසලා - නවහි ච යුජ්ජන්ති අකුසලා පක්ඛා,
එතෙ ඛො මූලපදා - භවන්ති අට්ඨාරස පදානී’ති
එතෙ ඛො මූලපදා - භවන්ති අට්ඨාරස පදානී’ති