1002. රාජා තෙ භත්තං පාහෙසි සුචිමංසූපසෙචනං,
මඛාදෙවස්මිං අධිවත්ථෙ එහි නික්ඛම භුඤ්ජස්සු.
මඛාදෙවස්මිං අධිවත්ථෙ එහි නික්ඛම භුඤ්ජස්සු.
1003. එහි මාණව ඔරෙන භික්ඛමාදාය සුපිතං,
ත්වඤ්ච මාණව භික්ඛා ච උභො භක්ඛා භවිස්සථ.
ත්වඤ්ච මාණව භික්ඛා ච උභො භක්ඛා භවිස්සථ.
1004. අප්පකෙන තුවං යක්ඛ ථුල්ලමත්ථං ජහිස්සසි,
භික්ඛං තෙ නාහරිස්සන්ති ජනා මරණසඤ්ඤිනො.
භික්ඛං තෙ නාහරිස්සන්ති ජනා මරණසඤ්ඤිනො.
1005. ලද්ධාය යක්ඛ තව නිච්චභික්ඛං
සුචිං පණීතං රසසා උපෙතං,
භික්ඛඤ්ච තෙ ආහරියො නරො ඉධ
සුදුල්ලභො හොහිති ඛාදිතෙ මයි.
සුචිං පණීතං රසසා උපෙතං,
භික්ඛඤ්ච තෙ ආහරියො නරො ඉධ
සුදුල්ලභො හොහිති ඛාදිතෙ මයි.
1006. මමෙසං සුතනො අත්ථො යථා භාසසි මාණව,
මයා ත්වං සමනුඤ්ඤාතො සොත්ථිං පස්සසි මාතරං.
මයා ත්වං සමනුඤ්ඤාතො සොත්ථිං පස්සසි මාතරං.
1007. ඛග්ගං ඡත්තඤ්ච පාතිඤ්ච ගච්ඡෙවාදාය මාණව,
සොත්ථිං පස්සතු තෙ මාතා ත්වඤ්ච පස්සාහි මාතරං.
සොත්ථිං පස්සතු තෙ මාතා ත්වඤ්ච පස්සාහි මාතරං.
1008. එවං යක්ඛ සුඛී හොහි සහ සබ්බෙහි ඤාතිභි,
ධනඤ්ච මෙ අධිගතං රඤ්ඤො ච වචනං කතන්ති.
ධනඤ්ච මෙ අධිගතං රඤ්ඤො ච වචනං කතන්ති.
3. සුතනුජාතකං.
1009. තෙ කථන්නු කරිස්සන්ති වුද්ධා ගිරිදරීසයා,
අහං බද්ධොස්මි පාසෙන නීලියස්ස වසං ගතො.
අහං බද්ධොස්මි පාසෙන නීලියස්ස වසං ගතො.
1010. කිං ගිජ්ඣ පරිදෙවසි කානු තෙ පරිදෙවනා,
න මෙ සුතො වා දිට්ඨො වා භාසන්තො මානුසිං දිජො.
න මෙ සුතො වා දිට්ඨො වා භාසන්තො මානුසිං දිජො.
1011. භරාමි මාතාපිතරො මුද්ධෙ ගිරිදරීසයෙ,
තෙ කථන්නු කරිස්සන්ති අහං වසං ගතො තව.
තෙ කථන්නු කරිස්සන්ති අහං වසං ගතො තව.
1012. යන්නු ගිජ්ඣො යොජනසතං කුණපානි අවෙක්ඛති,
කස්මා ජාලඤ්ච පාසඤ්ච ආසජ්ජාපි න බුජ්ඣසි.
කස්මා ජාලඤ්ච පාසඤ්ච ආසජ්ජාපි න බුජ්ඣසි.
1013. යදා පරාභවො හොති පොසො ජීවිතසඞ්ඛයෙ,
අථ ජාලඤ්ච පාසඤ්ච ආසජ්ජාපි න බුජ්ඣති.
අථ ජාලඤ්ච පාසඤ්ච ආසජ්ජාපි න බුජ්ඣති.
1014. භරස්සු මාතාපිතරො වුද්ධෙ ගිරිදරීසයෙ,
මයා ත්වං සමනුඤ්ඤාතො සොත්ථිං පස්සාහි ඤාතකෙ.
මයා ත්වං සමනුඤ්ඤාතො සොත්ථිං පස්සාහි ඤාතකෙ.
1015. එවං ලුද්දක නන්දස්සු සහසබ්බෙහි ඤාතිභි,
භරිස්සං මාතාපිතරො වුද්ධෙ ගිරිදරීසයෙති.
භරිස්සං මාතාපිතරො වුද්ධෙ ගිරිදරීසයෙති.
4. ගිජ්ඣජාතකං.