912. ධම්මං චරථ ඤාතයො ධම්මං චරථ භද්දං වො,
ධම්මචාරී සුඛං සෙති අස්මිං ලොකෙ පරම්හි ච.
ධම්මචාරී සුඛං සෙති අස්මිං ලොකෙ පරම්හි ච.
913. භද්දකො වතයං පක්ඛී දිජො පරමධම්මිකො,
එකපාදෙන තිට්ඨන්තො ධම්මමෙවානාසාසති.
එකපාදෙන තිට්ඨන්තො ධම්මමෙවානාසාසති.
914. නාස්ස සීලං විජානාථ අනඤ්ඤාය පසංසථ,
භුත්වා අණ්ඩඤ්ච ඡාපෙ ච ධම්මො ධම්මොති භාසති.
භුත්වා අණ්ඩඤ්ච ඡාපෙ ච ධම්මො ධම්මොති භාසති.
915. අඤ්ඤං භණති වාචාය අඤ්ඤං කායෙන කුබ්බති,
වාචාය නො ච කායෙන තං ධම්මං අධිට්ඨිතො.
වාචාය නො ච කායෙන තං ධම්මං අධිට්ඨිතො.
916. වාචාය සඛිලො මනොවිදුග්ගො
ඡන්නො කූපසයොව කණ්හසප්පො,
ධම්මධජො ගාමනිගමාසු සාධු සම්මතො
දුජ්ජානො පුරිසෙන ඛාලිසෙන.
ඡන්නො කූපසයොව කණ්හසප්පො,
ධම්මධජො ගාමනිගමාසු සාධු සම්මතො
දුජ්ජානො පුරිසෙන ඛාලිසෙන.
917. ඉමං තුණ්ඩෙහි පක්ඛෙහි පාදා චිමං විහෙඨථ,
ඡවං හිමං විනාසෙථ නායං සංවාසනාරහො’ති.
ඡවං හිමං විනාසෙථ නායං සංවාසනාරහො’ති.
9. ධම්මධජජාතකං.
918. සචෙ බ්රාහ්මණ ගච්ඡසි සාකෙතං අඤ්ජනාවනං,
වජ්ජාසි නන්දියං නාම පුත්තං අස්මාකඔරසං.
මාතා පිතා ච තෙ වුද්ධා තෙ තං ඉච්ඡන්ති පස්සිතුං.
වජ්ජාසි නන්දියං නාම පුත්තං අස්මාකඔරසං.
මාතා පිතා ච තෙ වුද්ධා තෙ තං ඉච්ඡන්ති පස්සිතුං.
919. භුත්තා මයා නිවාපානි රාජිනො පානභොජනං,
තං රාජපිණ්ඩං අවභොත්තුං නාහං බ්රාහ්මණමුස්සහෙ.
තං රාජපිණ්ඩං අවභොත්තුං නාහං බ්රාහ්මණමුස්සහෙ.
920. ඔදහිස්සාමහං පස්සං ඛුරප්පාණිස්ස රාජිනො,
තදාහං සුඛිතො මුත්තො අපි පස්සෙය්ය මාතරං.
තදාහං සුඛිතො මුත්තො අපි පස්සෙය්ය මාතරං.
921. මිගරාජා පුරෙ ආසිං කොසලස්ස නිකෙතවෙ,
නන්දියො නාම නාමෙන අභිරූපො චතුප්පදො.
නන්දියො නාම නාමෙන අභිරූපො චතුප්පදො.
922. තං මං වධිතුමාගඤ්ජි දායස්මිං අඤ්ජනාවනෙ,
ධනුං අදෙජ්ඣං කත්වාන උසුං සන්ධාය කොසලො.
ධනුං අදෙජ්ඣං කත්වාන උසුං සන්ධාය කොසලො.
923. තස්සාහං ඔදහිං පස්සං ඛුරප්පාණිස්ස රාජිනො,
තදාහං සුඛිතො මුත්තො මාතරං දට්ඨුමාගතො’ති.
තදාහං සුඛිතො මුත්තො මාතරං දට්ඨුමාගතො’ති.
10. නන්දියමිගජාතකං.
අවාරියවග්ගො පඨමො.
තස්සුද්දානං:
අථ කුජ්ඣරථෙසභකෙතුවරො
දරීමුඛ සනෙරුතා ච පුන,
ආසානන්දසිරී ච සුචිත්තවරො
අථධම්මිකනන්දි මිගෙන දස.
දරීමුඛ සනෙරුතා ච පුන,
ආසානන්දසිරී ච සුචිත්තවරො
අථධම්මිකනන්දි මිගෙන දස.