505. පරපාණරොධා ජීවන්තො මංස ලොහිතභොජනො,
වකො වතං සමාදාය උපපජ්ජි උපොසථං.
වකො වතං සමාදාය උපපජ්ජි උපොසථං.
506. තස්ස සක්කො වතඤ්ඤාය අජරූපෙනුපාගමි,
වීතතපො අජ්ඣප්පත්තො භඤ්ජි ලොහිතපො තපං.
වීතතපො අජ්ඣප්පත්තො භඤ්ජි ලොහිතපො තපං.
507. එවමෙවං ඉධෙකච්චෙ සමාදානස්මිං දුබ්බලා,
ලහුං කරොන්ති අත්තානං වකොව අජකාරණා’ති.
ලහුං කරොන්ති අත්තානං වකොව අජකාරණා’ති.
10. වකජාතකං.
කුම්භවග්ගො පඤ්චමො.
තස්සුද්දානං:
වරකුම්භසුපත්තසිරිව්හයනො
සුචිසම්මතබින්දුවරො චූසභො,
සරිතංපතිචණ්ඩිජරාකපිනා
අථ මක්කටියා වකකෙන දසාති.
සුචිසම්මතබින්දුවරො චූසභො,
සරිතංපතිචණ්ඩිජරාකපිනා
අථ මක්කටියා වකකෙන දසාති.
තිකනිපාතො නිට්ඨිතො.
වග්ගුද්දානං:
සඞ්කප්පො පදුමො චෙව උදපානෙන තතියං,
අබ්භන්තරං ඝටභෙදං තිකනිපාතම්බි ලඞ්කතන්ති.
අබ්භන්තරං ඝටභෙදං තිකනිපාතම්බි ලඞ්කතන්ති.
4. චතුක්කනිපාතො
1. විවරවග්ගො
508. විවරථ ඉමාසං ද්වාරං නගරං පවිසිතුං මයා,
අරුණරාජස්ස සීහෙන සුසිට්ඨෙන සුරක්ඛිතං නන්දිසෙනෙන.
අරුණරාජස්ස සීහෙන සුසිට්ඨෙන සුරක්ඛිතං නන්දිසෙනෙන.
509. ජයො කලිඞ්ගානං අසය්හසාහිනං
පරාජයො අනයො අස්සකානං,
ඉච්චෙව තෙ භාසිතං බ්රහ්මචාරී
න උජජුභූතා විතථං භණන්ති
පරාජයො අනයො අස්සකානං,
ඉච්චෙව තෙ භාසිතං බ්රහ්මචාරී
න උජජුභූතා විතථං භණන්ති
510. දෙවා මුසාවාදමුපාතිවත්තා
සච්චං ධනං පරමං තෙසු සක්ක,
තං තෙ මුසාභාසිතං දෙවරාජ
කිං වා පටිච්ච මඝවා මහින්ද.
සච්චං ධනං පරමං තෙසු සක්ක,
තං තෙ මුසාභාසිතං දෙවරාජ
කිං වා පටිච්ච මඝවා මහින්ද.
511. නනු තෙ සුතං බ්රාහ්මණ භඤ්ඤමානෙ
ද්වො න ඉස්සන්ති පුරිසපරක්කමස්ස,
දමො සමාධි මනසො අදෙජ්ඣො
අව්යග්ගතා නික්ඛමනඤ්ච කාලෙ,
දළ්හඤ්ච විරියං පුරිසපරක්කමො ච
තෙනෙව ආසි විජයො අස්සකානන්ති.
ද්වො න ඉස්සන්ති පුරිසපරක්කමස්ස,
දමො සමාධි මනසො අදෙජ්ඣො
අව්යග්ගතා නික්ඛමනඤ්ච කාලෙ,
දළ්හඤ්ච විරියං පුරිසපරක්කමො ච
තෙනෙව ආසි විජයො අස්සකානන්ති.
1. චුල්ලකාලිඞ්ගජාතකං.
512. අදෙය්යෙසු දදං දානං දෙය්යෙසු නප්පවෙච්ඡති.
ආපාසු ව්යසනං පත්තො සහායං නාධිගච්ඡති.
ආපාසු ව්යසනං පත්තො සහායං නාධිගච්ඡති.
513. නාදෙය්යෙසු දදං දානං දෙය්යෙසු යො පවෙච්ඡති,
ආපාසු ව්යසනං පත්තො සහායමධිගච්ඡති.
ආපාසු ව්යසනං පත්තො සහායමධිගච්ඡති.