466. නානුම්මත්තො නාපිසුනො නානටො නාකුතූහලො,
මූළ්හෙසු ලභතෙ ලාභං එසා තෙ අනුසාසනී.
මූළ්හෙසු ලභතෙ ලාභං එසා තෙ අනුසාසනී.
467. ධිරත්ථු තං යසලාභං ධනලාභඤ්ච බුහ්මණ,
යා වුත්ති විනිපාතෙන අධම්මචරියාය වා.
යා වුත්ති විනිපාතෙන අධම්මචරියාය වා.
468. අපි චෙ පත්තමාදාය අනාගාරො පරිබ්බජෙ,
එසාව ජිවිකා සෙය්යො යා චාධම්මෙන එසනා’ති.
එසාව ජිවිකා සෙය්යො යා චාධම්මෙන එසනා’ති.
7. ලාභගරහජාතකං.
469. අග්ඝන්ති මච්ඡා අධිකං සහස්සං
න සො අත්ථි යො ඉමං සද්දහෙය්ය,
මය්හඤ්ච අස්සු ඉධ සත්ත මාසා
අහම්පි තං මච්ඡුද්දානං කිණෙය්යන්ති.
න සො අත්ථි යො ඉමං සද්දහෙය්ය,
මය්හඤ්ච අස්සු ඉධ සත්ත මාසා
අහම්පි තං මච්ඡුද්දානං කිණෙය්යන්ති.
470. මච්ඡානං භොජනං දත්වා මම දක්ඛිණමාදිසි,
තං දක්ඛිණං සරන්තියා කතං අපචිතිං තයා.
තං දක්ඛිණං සරන්තියා කතං අපචිතිං තයා.
471. පදුට්ඨචිත්තස්ස න ඵාති හොති
න චාපි නං දෙවතා පූජයන්ති,
යො භාතරං පෙත්තිකං සාපතෙය්යං
අවඤ්චයී දුක්කතකම්මකාරී’ති.
න චාපි නං දෙවතා පූජයන්ති,
යො භාතරං පෙත්තිකං සාපතෙය්යං
අවඤ්චයී දුක්කතකම්මකාරී’ති.
8. මච්ඡුද්දානජාතකං.
472. නානාච්ඡන්දා මහාරාජ එකාගාරෙ වසාමසෙ,
අහං ගාමවරං ඉච්ඡෙ බ්රාහ්මණී ච ගවං සතං.
අහං ගාමවරං ඉච්ඡෙ බ්රාහ්මණී ච ගවං සතං.
473. ඡත්තො ච ආජඤ්ඤරථං කඤ්ඤා ච මණිකුණ්ඩලං
යා චෙසා පුණ්ණිකා ජම්මී උදුක්ඛලං අභිකඞ්ඛති.
යා චෙසා පුණ්ණිකා ජම්මී උදුක්ඛලං අභිකඞ්ඛති.
474. බ්රාහ්මණස්ස ගාමවරං දෙථ බ්රාහ්මණියා ගවං සතං,
පුත්තස්ස ආජඤ්ඤරථං කඤ්ඤාය මණිකුණ්ඩලං
යඤ්චෙතං පුණ්ණිකං ජම්මිං පටියාදෙථ උදුක්ඛල’න්ති.
පුත්තස්ස ආජඤ්ඤරථං කඤ්ඤාය මණිකුණ්ඩලං
යඤ්චෙතං පුණ්ණිකං ජම්මිං පටියාදෙථ උදුක්ඛල’න්ති.
9. නානාච්ඡන්දජාතකං.
475. සීලං කිරෙව කල්යාණං සීලං ලොකෙ අනුත්තරං,
පස්ස ඝොරවිසො නාගො සීලවාති න හඤ්ඤති.
පස්ස ඝොරවිසො නාගො සීලවාති න හඤ්ඤති.
476. සොහං සීලං සමාදිස්සං ලොකෙ අනුමතං සිවං,
අරියවුත්ති සමාචාරො යෙන වුච්චති සීලවා.
අරියවුත්ති සමාචාරො යෙන වුච්චති සීලවා.
477. ඤාතීනඤ්ච පියො හොති මිත්තෙසු ච විරොචති,
කායස්ස භෙදා සුගතිං උපපජ්ජති සීලවාති.
කායස්ස භෙදා සුගතිං උපපජ්ජති සීලවාති.
10. සීලවීමංසජාතකං.
අබ්භන්තරවග්ගො චතුත්ථො.
තස්සුද්දානං:
දුමකංසවරුත්තම බ්යග්ඝමිගා
මණියො මණි සාලුකමව්හයනො,
අනුසාසනියොපි ච මච්ඡවරො
මණිකුණ්ඩලකෙන කිරෙන දසාති
මණියො මණි සාලුකමව්හයනො,
අනුසාසනියොපි ච මච්ඡවරො
මණිකුණ්ඩලකෙන කිරෙන දසාති