451. සෙය්යංසො සෙය්යසො හොති යො සෙය්යමුපසෙවති,
එකෙන සන්ධිං කත්වාන සතං වජ්ඣෙ අමොචයිං.
එකෙන සන්ධිං කත්වාන සතං වජ්ඣෙ අමොචයිං.
452. තස්මා සබ්බෙන ලොකෙන සන්ධිං කත්වාන එකකො,
පෙච්ච සග්ගං නිගච්ඡෙය්ය ඉදං සුණොථ කාසයො.
පෙච්ච සග්ගං නිගච්ඡෙය්ය ඉදං සුණොථ කාසයො.
453. ඉදං වත්වා මහාරාජා කංසො බාරාණසිග්ගහො,
ධනුං තූණිඤ්ච නික්ඛිප්ප සංයමං අජ්ඣුපාගමී’ති.
ධනුං තූණිඤ්ච නික්ඛිප්ප සංයමං අජ්ඣුපාගමී’ති.
2. සෙය්යංසජාතකං.
454. වරං වරං ත්වං නිහනං පුරෙ චරි
අස්මිං පදෙසෙ අභිභුය්ය සූකරෙ,
සොදානි එකො ව්යපගම්ම ඣායසි
බලන්නු තෙ ව්යග්ඝ න චජ්ජ විජ්ජති.
අස්මිං පදෙසෙ අභිභුය්ය සූකරෙ,
සොදානි එකො ව්යපගම්ම ඣායසි
බලන්නු තෙ ව්යග්ඝ න චජ්ජ විජ්ජති.
455. ඉමෙ සුදං යන්ති දිසොදිසං පුරෙ
භයට්ටිතා ලෙණගවෙසිනො පුථු,
තෙ දානි සංගම්ම රසන්ති එකතො
යත්ථ ඨිතා දුප්පසභජ්ජ, මෙ මයා.
භයට්ටිතා ලෙණගවෙසිනො පුථු,
තෙ දානි සංගම්ම රසන්ති එකතො
යත්ථ ඨිතා දුප්පසභජ්ජ, මෙ මයා.
456. නමත්ථු සඞ්ඝානං සමාගතානං
දිස්වා සයං සබ්යං වදාමි අබ්භුතං,
ව්යග්ඝං මිගා යත්ථ ජිනිංසු දාඨිනො
සාමග්ගියා දාඨබලෙසු මුච්චරෙති.
දිස්වා සයං සබ්යං වදාමි අබ්භුතං,
ව්යග්ඝං මිගා යත්ථ ජිනිංසු දාඨිනො
සාමග්ගියා දාඨබලෙසු මුච්චරෙති.
3. වඩ්ඪකීසූකරජාතකං.
457. යං උස්සුකා සඞ්ඝරන්ති අලක්ඛිකා බහුං ධනං,
සිප්පවන්තො අසිප්පා ච ලක්ඛීවා තානි භුඤ්ජති.
සිප්පවන්තො අසිප්පා ච ලක්ඛීවා තානි භුඤ්ජති.
458. සබ්බත්ථ කතපුඤ්ඤස්ස අතිච්චඤ්ඤෙව පාණිනො,
උප්පජ්ජන්ති බහූ භොගා අප්පනායතනෙසුපි.
උප්පජ්ජන්ති බහූ භොගා අප්පනායතනෙසුපි.
459. කුක්කුටමණයො දණ්ඩා ථියො ච පුඤ්ඤලක්ඛණා,
උප්පජ්ජන්ති අපාපස්ස කතපුඤ්ඤස්ස ජන්තුනො’ති.
උප්පජ්ජන්ති අපාපස්ස කතපුඤ්ඤස්ස ජන්තුනො’ති.
4. සිරිජාතකං.
460. දරියා සත්තවස්සානි තිංසමත්තා වසාමසෙ,
හඤ්ජෙම මණිනො ආභං ඉති නො මන්තිතං අහූ.
හඤ්ජෙම මණිනො ආභං ඉති නො මන්තිතං අහූ.
461. යාව යාව නිඝංසාම භිය්යො වොදායතෙ මණි,
ඉදඤ්චදානි පුච්ඡාම කිං කිච්චං ඉධ මඤ්ඤසි.
ඉදඤ්චදානි පුච්ඡාම කිං කිච්චං ඉධ මඤ්ඤසි.
462. අයං මණි වෙළුරියො අකාචො විමලො සුභො,
නාස්ස සක්කා සිරිං ගන්තුං අපක්කමථ සූකරා’ති.
නාස්ස සක්කා සිරිං ගන්තුං අපක්කමථ සූකරා’ති.
5. මණිසූකරජාතකං.