430. කායං බලාකා රුචිරා කාකනීළස්මිං අච්ඡති,
චණ්ඩො කාකො සඛා මය්හං තස්ස චෙතං කුලාවකං.
චණ්ඩො කාකො සඛා මය්හං තස්ස චෙතං කුලාවකං.
431. නනු මං සම්ම ජානාසි දිජ සාමාකභොජන,
අකත්වා වචනං තුය්හං පස්ස ලූනොස්මි ආගතො.
අකත්වා වචනං තුය්හං පස්ස ලූනොස්මි ආගතො.
432. පුනපාපජ්ජසි සම්ම සීලං හි තව තාදිසං,
න හි මානුසකා භොගා සුභුඤ්ජා හොන්ති පක්ඛිනා’ති.
න හි මානුසකා භොගා සුභුඤ්ජා හොන්ති පක්ඛිනා’ති.
5. රුචිරජාතකං.
433. තව සද්ධඤ්ච සීලඤ්ච විදිත්වාන ජානාධිප
වණ්ණං අඤජනවණ්ණෙන කාලිඞ්ගස්මිං නිමිම්හසෙ.
වණ්ණං අඤජනවණ්ණෙන කාලිඞ්ගස්මිං නිමිම්හසෙ.
434. අන්නභච්චා ච භච්චා ච යොධ උද්දිස්ස ගච්ඡති,
සබ්බෙ තෙ අප්පටික්ඛිප්පා පුබ්බාචරියවචො ඉදං.
සබ්බෙ තෙ අප්පටික්ඛිප්පා පුබ්බාචරියවචො ඉදං.
435. දදාමි වො බ්රාහ්මණා නාගමෙතං
රාජාරහං රාජ භොග්ගං යසස්සිනං,
අලඞ්කතං හෙමජාලාභිඡන්නං
සසාරථිං ගච්ඡථ යෙන කාම’න්ති
රාජාරහං රාජ භොග්ගං යසස්සිනං,
අලඞ්කතං හෙමජාලාභිඡන්නං
සසාරථිං ගච්ඡථ යෙන කාම’න්ති
6. කුරුධම්මජාතකං.
436. වස්සානි පඤ්ඤාස සමාධිකානි
වසිම්හ සෙලස්ස ගුහාය රොමක,
අසඞ්කමානා අභිනිබ්බුතත්තා
හත්ථත්තමායන්ති මමණ්ඩජා පුරෙ
වසිම්හ සෙලස්ස ගුහාය රොමක,
අසඞ්කමානා අභිනිබ්බුතත්තා
හත්ථත්තමායන්ති මමණ්ඩජා පුරෙ
437. තෙදානි වක්කඞ්ග කිමත්ථමුසසුකා
භජන්ති අඤ්ඤං ගිරිකන්දරං දිජා,
න නූන මඤ්ඤන්ති මමං යථා පුරෙ
චිරප්පවුත්ථා අථවා න තෙ ඉමෙ.
භජන්ති අඤ්ඤං ගිරිකන්දරං දිජා,
න නූන මඤ්ඤන්ති මමං යථා පුරෙ
චිරප්පවුත්ථා අථවා න තෙ ඉමෙ.
438. ජානාම තං න මයමස්ම මූළ්හා
සොයෙව ත්වන්තෙ මයමස්ම නාඤ්ඤො,
චිත්තඤ්ච තෙ අස්මිං ජනෙ පදුට්ඨං
ආජිවක තෙන තං උත්තසාමාති.
සොයෙව ත්වන්තෙ මයමස්ම නාඤ්ඤො,
චිත්තඤ්ච තෙ අස්මිං ජනෙ පදුට්ඨං
ආජිවක තෙන තං උත්තසාමාති.
7. රොමකජාතකං.
439. කමත්ථමභිසන්ධාය ලහුචිත්තස්ස දූභිනො,
සබ්බකාමදුභස්සෙව ඉදං දුක්ඛං තිතික්ඛසි.
සබ්බකාමදුභස්සෙව ඉදං දුක්ඛං තිතික්ඛසි.
440. සිඞ්ගෙන නිහනාහෙතං පදසා ච අධිට්ඨහ,
භීයො බාලා පකුජ්ඣෙය්යුං නො චස්ස පටිසෙධකො.
භීයො බාලා පකුජ්ඣෙය්යුං නො චස්ස පටිසෙධකො.
441. මමෙවායං මඤ්ඤමානො අඤ්ඤම්පෙවං කරිස්සති,
තෙ තං තත්ථ වධිස්සන්ති සා මෙ මුත්ති භවිස්සතී’ති.
තෙ තං තත්ථ වධිස්සන්ති සා මෙ මුත්ති භවිස්සතී’ති.
8. මහිසජාතකං.