424. කො නු උද්දීතභත්තොව පූරහත්ථොව බ්රාහ්මණො,
කහන්නු භික්ඛං අචරි කං සද්ධං උපසඞ්කමි.
කහන්නු භික්ඛං අචරි කං සද්ධං උපසඞ්කමි.
425. අහං කපිස්මි දුම්මෙධො අනාමාසානි ආමසිං,
ත්වං මං මොවය භද්දන්තෙ මුත්තො ගච්ඡෙය්ය පබ්බතං
ත්වං මං මොවය භද්දන්තෙ මුත්තො ගච්ඡෙය්ය පබ්බතං
426. කච්ඡපා කස්සපා හොන්ති කොණ්ඩඤ්ඤා හොන්ති මක්කටා,
මුඤ්ච කස්සප කොණ්ඩඤ්ඤං කතං මෙථුනකං තයා’ති.
මුඤ්ච කස්සප කොණ්ඩඤ්ඤං කතං මෙථුනකං තයා’ති.
3. කච්ඡපජාතකං.
427. කායං බලාකා සිඛිනී චොරී ලඞ්ඝිපිතාම්හා,
ඔරං බලාකෙ ආගච්ඡ චණ්ඩො මෙ වායසො සඛා,
ඔරං බලාකෙ ආගච්ඡ චණ්ඩො මෙ වායසො සඛා,
428. නාහං බලාකා සිඛිනී අහං ලොලොස්මි වායසො,
අකත්වා වචනං තුය්හං පස්ස ලූනොස්මි ආගතො.
අකත්වා වචනං තුය්හං පස්ස ලූනොස්මි ආගතො.
429. පුන පාපජ්ජසි සම්ම සීලං හි තව තාදිසං,
න හි මානුසකා භොගා සුභුඤ්ජා හොන්ති පක්ඛිනා’ති.
න හි මානුසකා භොගා සුභුඤ්ජා හොන්ති පක්ඛිනා’ති.
4. ලොලජාතකං
430. කායං බලාකා රුචිරා කාකනීළස්මිං අච්ඡති,
චණ්ඩො කාකො සඛා මය්හං තස්ස චෙතං කුලාවකං.
චණ්ඩො කාකො සඛා මය්හං තස්ස චෙතං කුලාවකං.
431. නනු මං සම්ම ජානාසි දිජ සාමාකභොජන,
අකත්වා වචනං තුය්හං පස්ස ලූනොස්මි ආගතො.
අකත්වා වචනං තුය්හං පස්ස ලූනොස්මි ආගතො.
432. පුනපාපජ්ජසි සම්ම සීලං හි තව තාදිසං,
න හි මානුසකා භොගා සුභුඤ්ජා හොන්ති පක්ඛිනා’ති.
න හි මානුසකා භොගා සුභුඤ්ජා හොන්ති පක්ඛිනා’ති.
5. රුචිරජාතකං.
433. තව සද්ධඤ්ච සීලඤ්ච විදිත්වාන ජානාධිප
වණ්ණං අඤජනවණ්ණෙන කාලිඞ්ගස්මිං නිමිම්හසෙ.
වණ්ණං අඤජනවණ්ණෙන කාලිඞ්ගස්මිං නිමිම්හසෙ.
434. අන්නභච්චා ච භච්චා ච යොධ උද්දිස්ස ගච්ඡති,
සබ්බෙ තෙ අප්පටික්ඛිප්පා පුබ්බාචරියවචො ඉදං.
සබ්බෙ තෙ අප්පටික්ඛිප්පා පුබ්බාචරියවචො ඉදං.