397. පණාදො නාම සො රාජා යස්ස යූපො සුවණ්ණයො,
තිරියං සොළස පබ්බෙධො උච්චමානු සහස්සධා.
තිරියං සොළස පබ්බෙධො උච්චමානු සහස්සධා.
398. සහස්සකණ්ඩං සතභෙණ්ඩුං ධජාලු හරිතාමයො,
අනච්චුං තත්ථ ගන්ධබ්බා ඡසහස්සානි සත්තධා.
අනච්චුං තත්ථ ගන්ධබ්බා ඡසහස්සානි සත්තධා.
399. එවමෙතං තදා ආසි යථා භාසසි භද්දජි,
සක්කො අහං තදා ආසිං වෙය්යාවච්චකාරො තවන්ති.
සක්කො අහං තදා ආසිං වෙය්යාවච්චකාරො තවන්ති.
4. මහාපණාදජාතකං.
400. දිස්වා ඛුරප්පෙ ධනුවෙගනුන්නෙ
ඛග්ගෙ ගහීතෙ තිඛිණෙ තෙලධොතෙ,
තස්මිං භයස්මිං මරණෙ වියූළ්හෙ
කස්මා නු තෙ නාහු ඡම්භිතත්තන්ති.
ඛග්ගෙ ගහීතෙ තිඛිණෙ තෙලධොතෙ,
තස්මිං භයස්මිං මරණෙ වියූළ්හෙ
කස්මා නු තෙ නාහු ඡම්භිතත්තන්ති.
401. දිස්වා ඛුරප්පෙ ධනුවෙගනුන්නෙ
ඛග්ගෙ ගහීතෙ තිඛණෙ තෙලධොතෙ,
තස්මිං භයස්මිං මරණෙ වියූළ්හෙ
වෙදං අලත්ථං විපුලං උළාරං.
ඛග්ගෙ ගහීතෙ තිඛණෙ තෙලධොතෙ,
තස්මිං භයස්මිං මරණෙ වියූළ්හෙ
වෙදං අලත්ථං විපුලං උළාරං.
402. සො වෙදජාතො අජ්ඣභවිං අමිත්තෙ
පුබ්බෙව මෙ ජීවිතමාසි චත්තං.
න හි ජීවිතෙ ආලයං කුබ්බමානො
සූරො කයිරා සුරකිච්චං කදාචීති.
පුබ්බෙව මෙ ජීවිතමාසි චත්තං.
න හි ජීවිතෙ ආලයං කුබ්බමානො
සූරො කයිරා සුරකිච්චං කදාචීති.
5. ඛුරප්පජාතකං.
403. යෙනාසි කිසියා පණ්ඩු යෙන භත්තං න රුච්චති,
අයං සො ආගතො තාතො කස්මාදානි පලායසි.
අයං සො ආගතො තාතො කස්මාදානි පලායසි.
404. සචෙ පනාදිකෙනෙව සන්ථවො නාම ජායති,
යසො හායති ඉත්ථීනං තස්මා තාත පලායහං.
යසො හායති ඉත්ථීනං තස්මා තාත පලායහං.
405. යසස්සීනං කුලෙ ජාතං ආගතං යා න ඉච්ඡති,
සොචති චිරරත්තාය වාතග්ගමිව කුන්දලීති.
සොචති චිරරත්තාය වාතග්ගමිව කුන්දලීති.
6. වාතග්ගජාතකං.
406. සිඞ්ගී මිගො ආයතචක්ඛුනෙත්තො
අට්ඨිත්තචො වාරිසයො අලොමො,
තෙනාභිභූතො කපණං රුදාමි
මාහෙව මං පාණසමං ජහෙය්ය.
අට්ඨිත්තචො වාරිසයො අලොමො,
තෙනාභිභූතො කපණං රුදාමි
මාහෙව මං පාණසමං ජහෙය්ය.
407. අය්ය තං න ජහිස්සාමි කුඤ්ජර සට්ඨිහායන,
පථව්යා චාතුරන්නාය සුප්පියො හොසි මෙ තුවං,
පථව්යා චාතුරන්නාය සුප්පියො හොසි මෙ තුවං,
408. යෙ කුළිරා සමුද්දස්මිං ගඞ්ගාය නම්මදාය ච,
තෙසං ත්වං වාරිජො සෙට්ඨො මුඤ්ච රොදන්තියා පතින්ති.
තෙසං ත්වං වාරිජො සෙට්ඨො මුඤ්ච රොදන්තියා පතින්ති.
7. කක්කටකජාතකං.