5859. පඤ්ච පණ්ඩිතා සමාගතා
පඤ්හො මෙ පටිභාති තං සුණාථ,
නින්දියමත්ථං පසංසියං වා
කස්සෙවාවිකරෙය්ය ගුය්හමත්ථං.
පඤ්හො මෙ පටිභාති තං සුණාථ,
නින්දියමත්ථං පසංසියං වා
කස්සෙවාවිකරෙය්ය ගුය්හමත්ථං.
5860. ත්වං නො ආවිකරොහි භූමිපාල
භත්තා භාරසහො තුවං වදෙතං,
තව ඡන්දඤ්ච රුචිඤ්ච සම්මසිත්වා
අථ වක්ඛන්ති ජනින්ද පඤ්ච ධීරා.
භත්තා භාරසහො තුවං වදෙතං,
තව ඡන්දඤ්ච රුචිඤ්ච සම්මසිත්වා
අථ වක්ඛන්ති ජනින්ද පඤ්ච ධීරා.
5861. යා සීලවතී අනඤ්ඤධෙය්යා
භත්තුච්ඡන්දවසානුගා පියා මනාපා,
නින්දියමත්ථං පසංසියං වා
භරියායාවිකරෙය්ය ගුය්හමත්ථං.
භත්තුච්ඡන්දවසානුගා පියා මනාපා,
නින්දියමත්ථං පසංසියං වා
භරියායාවිකරෙය්ය ගුය්හමත්ථං.
5862. යො කිච්ඡගතස්ස ආතුරස්ස
සරණං හොති ගතී පරායණඤ්ච,
නින්දියමත්ථං පසංසියං වා
සඛිනොවාවිකරෙය්ය ගුය්හමත්ථං.
සරණං හොති ගතී පරායණඤ්ච,
නින්දියමත්ථං පසංසියං වා
සඛිනොවාවිකරෙය්ය ගුය්හමත්ථං.
5863. ජෙට්ඨො අථ මජ්ඣිමො කණිට්ඨො
සො චෙ සීලසමාහිතො ඨිතත්තො,
නින්දියමත්ථං පසංසියං වා
භාතුවාවිකරෙය්ය ගුය්හමත්ථං.
සො චෙ සීලසමාහිතො ඨිතත්තො,
නින්දියමත්ථං පසංසියං වා
භාතුවාවිකරෙය්ය ගුය්හමත්ථං.
5864. යො චෙ පිතුහදයස්ස පද්ධගු
අනුජාතො පිතරං අනොමපඤ්ඤො,
නින්දියමත්ථං පසංසියං වා
පුත්තස්සාවීකරෙය්ය ගුය්හමත්ථං.
අනුජාතො පිතරං අනොමපඤ්ඤො,
නින්දියමත්ථං පසංසියං වා
පුත්තස්සාවීකරෙය්ය ගුය්හමත්ථං.
5865. මාතා දිපදා ජනින්දසෙට්ඨ
යො තං පොසෙති ඡන්දසා පියෙන,
නින්දියමත්ථං පසංසියං වා
මාතුයාවිකරෙය්ය ගුය්හමත්ථං.
යො තං පොසෙති ඡන්දසා පියෙන,
නින්දියමත්ථං පසංසියං වා
මාතුයාවිකරෙය්ය ගුය්හමත්ථං.
5866. ගුය්හස්ස හි ගුය්හමෙව සාධු
න හි ගුය්හස්ස පසත්ථමාවිකම්මං,
අනිප්ඵාදාය සහෙය්ය ධීරො
නිප්ඵන්නත්ථො යථාසුඛං භණෙය්ය.
න හි ගුය්හස්ස පසත්ථමාවිකම්මං,
අනිප්ඵාදාය සහෙය්ය ධීරො
නිප්ඵන්නත්ථො යථාසුඛං භණෙය්ය.
5867. කින්නු ත්වං විමනො රාජසෙට්ඨ
දිපදින්ද වචනං සුණොම නෙතං,
කිං චින්තයමානො දුම්මනොසි
නූන දෙව අපරාධො අත්ථි මය්හං.
දිපදින්ද වචනං සුණොම නෙතං,
කිං චින්තයමානො දුම්මනොසි
නූන දෙව අපරාධො අත්ථි මය්හං.