4336. පූජකො ලභතෙ පූජං වන්දකො පටිවන්දනං,
යසො කිත්තිඤ්ච පප්පොති යො මිත්තානං න දූභති.
යසො කිත්තිඤ්ච පප්පොති යො මිත්තානං න දූභති.
4337. අග්ගි යථා පජ්ජලති දෙවතාව විරොචති,
සිරියා අජහිතො හොති යො මිත්තානං න දූභති.
සිරියා අජහිතො හොති යො මිත්තානං න දූභති.
4338. ගාවො තස්ස පජායන්ති ඛෙත්තෙ වුත්තං විරූහති,
වුත්තානං ඵලමස්නාති යො මිත්තානං න දූභති.
වුත්තානං ඵලමස්නාති යො මිත්තානං න දූභති.
4339. දරිතො පබ්බතාතො වා රුක්ඛාතො පතිතො නරො,
චුතො පතිට්ඨං ලභති යො මිත්තානං න දූභති.
චුතො පතිට්ඨං ලභති යො මිත්තානං න දූභති.
4340. විරූළ්හමූලසන්තානං නිග්රොධමිව මාලුතො,
අමිත්තා නප්පසහන්ති යො මිත්තානං න දූභති.
අමිත්තා නප්පසහන්ති යො මිත්තානං න දූභති.
4341. එහි තං පටිනෙස්සාමි රාජපුත්ත සකං ඝරං,
රජ්ජං කාරෙහි භද්දන්තෙ කිං අරඤ්ඤෙ කරිස්සසි.
රජ්ජං කාරෙහි භද්දන්තෙ කිං අරඤ්ඤෙ කරිස්සසි.
4342. අලං මෙ තෙන රජ්ජෙන ඤාතකෙහි ධනෙන වා,
යං මෙ අධම්මචරියාය රජ්ජං ලබ්භෙථ සාරථි.
යං මෙ අධම්මචරියාය රජ්ජං ලබ්භෙථ සාරථි.
4343. පුණ්ණපත්තං පලබ්භෙහි රාජපුත්ත ඉතො ගතො,
පිතා මාතා ච මෙ දජ්ජුං රාජපුත්ත තයී ගතෙ.
පිතා මාතා ච මෙ දජ්ජුං රාජපුත්ත තයී ගතෙ.
4344. ඔරොධා ච කුමාරා ච වෙසියානා ච බ්රාහ්මණා,
තෙපි අත්තමනා දජ්ජුං රාජපුත්ත තයී ගතෙ.
තෙපි අත්තමනා දජ්ජුං රාජපුත්ත තයී ගතෙ.
4345. හත්ථාරූහා අනීකට්ඨා රථිකා පත්තිකාරකා,
තෙපි දජ්ජුං පතීතා මෙ රාජපුත්ත තයී ගතෙ
තෙපි දජ්ජුං පතීතා මෙ රාජපුත්ත තයී ගතෙ
4346. බහූ ජානපදා චඤ්ඤෙ නෙගමා ච සමාගතා,
උපායනානි මෙ දජ්ජුං රාජපුත්ත තයී ගතෙ.
උපායනානි මෙ දජ්ජුං රාජපුත්ත තයී ගතෙ.
4347. පිතුමාතු චහං චත්තො රට්ඨස්ස නිගමස්ස ච,
අථො සක්යකුමාරානං නත්ථි මය්හං සකං ඝරං.
අථො සක්යකුමාරානං නත්ථි මය්හං සකං ඝරං.
4348. අනුඤ්ඤාතො අහං මත්යා සඤ්චත්තො පිතරා අහං,
එකො අරඤ්ඤෙ පබ්බජිතො න කාමෙ අභිපත්ථයෙ.
එකො අරඤ්ඤෙ පබ්බජිතො න කාමෙ අභිපත්ථයෙ.
4349. අපි අතරමානානං ඵලාසාව සමිජ්ඣති,
විපක්කබ්රහ්මචරියොස්මි එවං ජානාහි සාරථි.
විපක්කබ්රහ්මචරියොස්මි එවං ජානාහි සාරථි.