1864. අකිත්තිං දිස්වාන සම්මන්තං සක්කො භූතපති බ්රවි,
කිමත්ථියං මහාබ්රහ්මෙ එකො සම්මසි ඝම්මනි.
කිමත්ථියං මහාබ්රහ්මෙ එකො සම්මසි ඝම්මනි.
1865. දුක්ඛො පුනබ්භවො සක්ක සරීරස්ස ච භෙදනං,
සම්මොහමරණං දුක්ඛං තස්මා සම්මාමි වාසව.
සම්මොහමරණං දුක්ඛං තස්මා සම්මාමි වාසව.
1866. එතස්මිං තෙ සුලපිතෙ පතිරූපෙ සුභාසිතෙ,
වරං කස්සප තෙ දම්මි යං කිඤ්චි මනසිච්ඡසි.
වරං කස්සප තෙ දම්මි යං කිඤ්චි මනසිච්ඡසි.
1867. වරං චෙ මෙ අදො සක්ක සබ්බභූතානමිස්සර,
යෙන පුත්තෙ ච දාරෙ ච ධනධඤ්ඤං පියානි ච
ලද්ධා නරා න තප්පන්ති සො ලොභො න මයි වසෙ.
යෙන පුත්තෙ ච දාරෙ ච ධනධඤ්ඤං පියානි ච
ලද්ධා නරා න තප්පන්ති සො ලොභො න මයි වසෙ.
1868. එතස්මිං තෙ සුලපිතෙ පතිරූපෙ සුභාසිතෙ,
වරං කස්සප තෙ දම්මි යඞ්කිඤ්චි මනසිච්ඡසි.
වරං කස්සප තෙ දම්මි යඞ්කිඤ්චි මනසිච්ඡසි.
1869. වරං චෙ මෙ අදො සක්ක සබ්බභූතානමිස්සර,
ඛෙත්තං වත්ථුං හිරඤ්ඤඤ්ච ගවාස්සං දාසපොරිසං
යෙන ජාතෙන ජීයන්ති සො දොසො න මයි වසෙ.
ඛෙත්තං වත්ථුං හිරඤ්ඤඤ්ච ගවාස්සං දාසපොරිසං
යෙන ජාතෙන ජීයන්ති සො දොසො න මයි වසෙ.
1870. එතස්මිං තෙ සුලපිතෙ පතිරූපෙ සුභාසිතෙ,
වරං කස්සප තෙ දම්මි යං කිඤ්චි මනසිච්ඡසි.
වරං කස්සප තෙ දම්මි යං කිඤ්චි මනසිච්ඡසි.
1871. වරං චෙ මෙ අදො සක්ක සබ්බභූතානමිස්සර,
බාලං න පස්සෙ න සුණෙ න ච බාලෙන සංවසෙ
බාලෙන අල්ලාපසල්ලාපං න කරෙ න ච රොචයෙ
බාලං න පස්සෙ න සුණෙ න ච බාලෙන සංවසෙ
බාලෙන අල්ලාපසල්ලාපං න කරෙ න ච රොචයෙ
1872. කින්නු තෙ අකරං බාලො වද කස්සප කාරණං,
කෙන කස්සප බාලස්ස දස්සනං නාභිකඞ්ඛසි.
කෙන කස්සප බාලස්ස දස්සනං නාභිකඞ්ඛසි.
1873. අනයං නති දුම්මෙධො අධුරායං නියුඤ්ජති,
දුන්නයො සෙය්යසො හොති සම්මාවුත්තො පකුප්පති
විනයං සො න ජානාති සාධු තස්ස අදස්සනං.
දුන්නයො සෙය්යසො හොති සම්මාවුත්තො පකුප්පති
විනයං සො න ජානාති සාධු තස්ස අදස්සනං.
1874. එතස්මිං තෙ සුලපිතෙ පතිරූපෙ සුභාසිතෙ,
වරං කස්සප තෙ දම්මි යං කිඤ්චි මනසිච්ඡසි.
වරං කස්සප තෙ දම්මි යං කිඤ්චි මනසිච්ඡසි.
1875. වරං චෙ මෙ අදො සක්ක සබ්බභූතානමිස්සර,
ධීරං පස්සෙ සුණෙ ධීරං ධීරෙන සහ සංවසෙ.
ධීරෙන අලලාපසල්ලාපං තං කරෙ තං ච රොචයෙ.
ධීරං පස්සෙ සුණෙ ධීරං ධීරෙන සහ සංවසෙ.
ධීරෙන අලලාපසල්ලාපං තං කරෙ තං ච රොචයෙ.
1876. කින්නු තෙ අකරං ධීරො වද කස්සප කාරණං,
කෙන කස්සප ධීරස්ස දස්සනං අභිකඞ්ඛසි.
කෙන කස්සප ධීරස්ස දස්සනං අභිකඞ්ඛසි.
1877. නයං නයති මෙධාවී අධුරායං න යුඤ්ජති,
සුනයො සෙය්යසො හොති සම්මා වුත්තො න කුප්පති
විනයං සො පජානාති සාධු තෙන සමාගමො
සුනයො සෙය්යසො හොති සම්මා වුත්තො න කුප්පති
විනයං සො පජානාති සාධු තෙන සමාගමො
1878. එතස්මිං තෙ සුලපිතෙ පතිරූපෙ සුභාසිතෙ,
වරං කස්සප තෙ දම්මි යං කිඤ්චි මනසිච්ඡසි.
වරං කස්සප තෙ දම්මි යං කිඤ්චි මනසිච්ඡසි.
1879. වරං චෙ මෙ අදො සක්ක සබ්බභූතානමිස්සර,
තතො රත්යා විවසනෙ සුරියස්සුග්ගමනං පති.
දිබ්බා භක්ඛා පාතුභවෙය්යුං සීලවන්තො ච යාචකා.
තතො රත්යා විවසනෙ සුරියස්සුග්ගමනං පති.
දිබ්බා භක්ඛා පාතුභවෙය්යුං සීලවන්තො ච යාචකා.
1880. දදතො ච මෙ න ඛීයෙථ දත්වා නානුතපෙය්යහං,
දදං චිත්තං පසාදෙය්යං එතං සක්ක වරං වරෙ.
දදං චිත්තං පසාදෙය්යං එතං සක්ක වරං වරෙ.
1881. එතස්මිං තෙ සුලපිතෙ පතිරූපෙ සුභාසිතෙ,
වරං කස්සප තෙ දම්මි යං කිඤ්චි මනසිච්ඡසි.
වරං කස්සප තෙ දම්මි යං කිඤ්චි මනසිච්ඡසි.
1882. වරං චෙ මෙ අදො සක්ක සබ්බභූතානමිස්සර,
න මං පුන උපෙය්යාසි එතං සක්ක වරං වරෙ.
න මං පුන උපෙය්යාසි එතං සක්ක වරං වරෙ.