28. මනුඤ්ඤමෙව භාසෙය්ය නාමනුඤ්ඤං කුදාචනං
මනුඤ්ඤං භාසමානස්ස ගරුභාරං උද්දධරි,
ධනඤ්ච නං අලබ්භෙසි තෙනචත්තමනො අහූ’ති.
මනුඤ්ඤං භාසමානස්ස ගරුභාරං උද්දධරි,
ධනඤ්ච නං අලබ්භෙසි තෙනචත්තමනො අහූ’ති.
8. නන්දිවිසාලජාතකං.
29. යතො යතො ගරුධුරං යතො ගම්භිරවත්තනි,
තදස්සු කණ්හං යුඤ්ජන්ති ස්වාස්සු තං වහතෙ ධුරන්ති.
තදස්සු කණ්හං යුඤ්ජන්ති ස්වාස්සු තං වහතෙ ධුරන්ති.
9. කණ්හජාතකං.
30. මා මුනිකස්ස පිහයි ආතුරන්තානි භුඤ්ජති,
අප්පොස්සුක්කො භුසං ඛාද එතං දීඝායුලක්ඛණන්ති.
අප්පොස්සුක්කො භුසං ඛාද එතං දීඝායුලක්ඛණන්ති.
10. මුනිකජාතකං.
කුරඞ්ගවග්ගො තතියො.
තස්සුද්දානං:
කුරුඞ්ගස්සකුක්කුරභොජවරො
පුන වාළවස්සසිරිවයතො,
මහිළාමුඛනාමනුඤ්ඤවරො
වහතෙධුරමුනිකෙන දස.
පුන වාළවස්සසිරිවයතො,
මහිළාමුඛනාමනුඤ්ඤවරො
වහතෙධුරමුනිකෙන දස.
4. කුලාවකවග්ගො
31. කුලාවකා මාතලි සිම්බලිස්මිං
ඊසාමුඛෙන පරිවජ්ජයස්සු,
කාමං චජාම අසුරෙසු පාණං
මායිමෙ දිජා විකුලාවා අහෙසු’න්ති.
ඊසාමුඛෙන පරිවජ්ජයස්සු,
කාමං චජාම අසුරෙසු පාණං
මායිමෙ දිජා විකුලාවා අහෙසු’න්ති.
1. කුලාවකජාතකං.
32. රුදං මනුඤ්ඤං රුචියා ච පිට්ඨි
වෙළුරියණ්ණුපනිභා ච ගීවා,
ව්යාමමත්තානි ච පෙඛුණානි
නච්චෙන තෙ ධීතරං නො දදාමී’ති.
වෙළුරියණ්ණුපනිභා ච ගීවා,
ව්යාමමත්තානි ච පෙඛුණානි
නච්චෙන තෙ ධීතරං නො දදාමී’ති.
2. නච්චජාතකං.
33. සම්මොදමානා ගච්ඡන්ති ජාලමාදාය පක්ඛිනො,
යදා තෙ විවදිස්සන්ති තදා එහින්ති මෙ වස’න්ති.
යදා තෙ විවදිස්සන්ති තදා එහින්ති මෙ වස’න්ති.
3. සම්මොදමානජාතකං.
34. න මං සීතං න මං උණ්හං න මං ජාලස්මිං බාධනං,
යඤ්ච මං මඤ්ඤතෙ මච්ඡි අඤ්ඤං සො රතියා ගතො’ති.
යඤ්ච මං මඤ්ඤතෙ මච්ඡි අඤ්ඤං සො රතියා ගතො’ති.
4. මච්ඡජාතකං.
35. සන්ති පක්ඛා අපතනා සන්ති පාදා අවඤ්චනා,
මාතා පිතා ච නික්ඛන්තා ජාතවෙද පටික්කමා’ති.
මාතා පිතා ච නික්ඛන්තා ජාතවෙද පටික්කමා’ති.
5. වට්ටකජාතකං.