3. කුරුඞ්ගවග්ගො
21. ඤාතමෙතං කුරුඞ්ගස්ස යං ත්වං සෙපණ්ණි සෙය්යසි,
අඤ්ඤං සෙපණ්ණිං ගච්ඡාමි න මෙ තෙ රුච්චතෙ ඵලන්ති.
අඤ්ඤං සෙපණ්ණිං ගච්ඡාමි න මෙ තෙ රුච්චතෙ ඵලන්ති.
1. කුරුඞ්ගමිගජාතකං.
22. යෙ කුක්කුරා රාජකුලම්හි වද්ධා
කොලෙය්යකා වණ්ණඛලූපපන්නා,
තෙ’මෙ න වජ්ඣා මයමස්ම වජ්ඣා
නායං සඝච්චා දුබ්බලඝාතිකායන්ති.
කොලෙය්යකා වණ්ණඛලූපපන්නා,
තෙ’මෙ න වජ්ඣා මයමස්ම වජ්ඣා
නායං සඝච්චා දුබ්බලඝාතිකායන්ති.
2. කුක්කුරජාතකං.
23. අපි පස්සෙන සෙමානො සල්ලෙහි සල්ලීකතො,
සෙය්යො ව වළවා භොජ්ජො යුඤ්ජ මඤ්ඤෙව සාරථි’ති.
සෙය්යො ව වළවා භොජ්ජො යුඤ්ජ මඤ්ඤෙව සාරථි’ති.
3. භොජාජානීයජාතකං.
24. යදා යදා යත්ථ යදා යත්ථ යත්ථ යදා යදා,
ආජඤ්ඤො කුරුතෙ වෙගං හායන්ති තත්ථ වාළවා’ති.
ආජඤ්ඤො කුරුතෙ වෙගං හායන්ති තත්ථ වාළවා’ති.
4. ආජඤ්ඤජාතකං.
25. අඤ්ඤමඤ්ඤෙහි තිත්ථෙහි අස්සං පායෙහි සාරථි,
අච්චාසනස්ස පුරිසො පායාසස්සපි තප්පතී’ති.
අච්චාසනස්ස පුරිසො පායාසස්සපි තප්පතී’ති.
5. තිත්ථජාතකං.
26. පුරාණචොරාන වචො නිසම්ම
මභිලාමුඛො පොථයමානුචාරි
සුසඤ්ඤතානං හි වචො නිසම්ම.
ගජුත්තමො සබ්බගුණෙසු අට්ඨාති.
මභිලාමුඛො පොථයමානුචාරි
සුසඤ්ඤතානං හි වචො නිසම්ම.
ගජුත්තමො සබ්බගුණෙසු අට්ඨාති.
6. මහිලාමුඛජාතකං.
27. නාලං කබළං පදාතවෙ
න ච පිණ්ඩං න කුසෙ න ඝංසිතුං,
මඤ්ඤාමි අභිණ්හදස්සනා
නාගො සිනෙහමකාසි කුක්කුරෙති.
න ච පිණ්ඩං න කුසෙ න ඝංසිතුං,
මඤ්ඤාමි අභිණ්හදස්සනා
නාගො සිනෙහමකාසි කුක්කුරෙති.
7. අභිණ්හජාතකං.
28. මනුඤ්ඤමෙව භාසෙය්ය නාමනුඤ්ඤං කුදාචනං
මනුඤ්ඤං භාසමානස්ස ගරුභාරං උද්දධරි,
ධනඤ්ච නං අලබ්භෙසි තෙනචත්තමනො අහූ’ති.
මනුඤ්ඤං භාසමානස්ස ගරුභාරං උද්දධරි,
ධනඤ්ච නං අලබ්භෙසි තෙනචත්තමනො අහූ’ති.
8. නන්දිවිසාලජාතකං.
29. යතො යතො ගරුධුරං යතො ගම්භිරවත්තනි,
තදස්සු කණ්හං යුඤ්ජන්ති ස්වාස්සු තං වහතෙ ධුරන්ති.
තදස්සු කණ්හං යුඤ්ජන්ති ස්වාස්සු තං වහතෙ ධුරන්ති.
9. කණ්හජාතකං.
30. මා මුනිකස්ස පිහයි ආතුරන්තානි භුඤ්ජති,
අප්පොස්සුක්කො භුසං ඛාද එතං දීඝායුලක්ඛණන්ති.
අප්පොස්සුක්කො භුසං ඛාද එතං දීඝායුලක්ඛණන්ති.
10. මුනිකජාතකං.
කුරඞ්ගවග්ගො තතියො.
තස්සුද්දානං:
කුරුඞ්ගස්සකුක්කුරභොජවරො
පුන වාළවස්සසිරිවයතො,
මහිළාමුඛනාමනුඤ්ඤවරො
වහතෙධුරමුනිකෙන දස.
පුන වාළවස්සසිරිවයතො,
මහිළාමුඛනාමනුඤ්ඤවරො
වහතෙධුරමුනිකෙන දස.