9. වට්ටපොතක චරියං.
312. පුනාපරං යදා හොමි මගධෙ වට්ට පොතකො
අජාතපක්ඛො තරුණො මංසපෙසී කුලාවකෙ.
අජාතපක්ඛො තරුණො මංසපෙසී කුලාවකෙ.
313. මුඛතුණ්ඩකෙ නාහරිත්වා මාතා පොසයතී මමං
තස්සා ඵස්සෙන ජීවාමි නත්ථි මෙ කායිකං බලං.
තස්සා ඵස්සෙන ජීවාමි නත්ථි මෙ කායිකං බලං.
314. සංවච්ඡරෙ ගිම්හසමයෙ දවඩාහො පදිප්පති
උපගච්ඡති අම්හාකං පාවකො කණ්හවත්තනී.
උපගච්ඡති අම්හාකං පාවකො කණ්හවත්තනී.
315. ධූමං ධූමං ජනිත්වෙවං සද්දායන්තො මහාසිඛී
අනුපුබ්බෙන ඣාපෙන්තො අග්ගී මම මුපාගමි.
අනුපුබ්බෙන ඣාපෙන්තො අග්ගී මම මුපාගමි.
316. අග්ගිවෙගභයා භීතා තසිතා මාතා පිතා මම
කුලාවකෙ මං ඡඩ්ඩෙත්වා අත්තානං පරිමොචයුං.
කුලාවකෙ මං ඡඩ්ඩෙත්වා අත්තානං පරිමොචයුං.
317. පාදෙ පක්ඛෙ පජහාමි නත්ථි මෙ කායිකං බලං
සො, හං අගතිකො තත්ථ එවං චින්තෙසහං තදා.
සො, හං අගතිකො තත්ථ එවං චින්තෙසහං තදා.
318. යෙසාහං උපධාවෙය්යං භීතො තසිතවෙධිතො
තෙමං ඔහාය පක්ඛන්තා කථං මෙ අජ්ජ කාතවෙ.
තෙමං ඔහාය පක්ඛන්තා කථං මෙ අජ්ජ කාතවෙ.
319. අත්ථි ලොකෙ සීලගුණො සච්චං සොචෙය්ය නුද්දයා
තෙන සච්චෙන කාහාමි සච්චකිරියමුත්තමං.
තෙන සච්චෙන කාහාමි සච්චකිරියමුත්තමං.
320. ආවජ්ජෙත්වා ධම්ම බලං සරිත්වා පුබ්බකො ජිනෙ
සච්චබලමවස්සාය සච්ච කිරියමකාසහං.
සච්චබලමවස්සාය සච්ච කිරියමකාසහං.
321. සන්ති පක්ඛා අපතනා සන්ති පාදා අවඤ්චනා
මාතා පිතා ච නික්ඛන්තා ජාතවෙද පටික්කම.
මාතා පිතා ච නික්ඛන්තා ජාතවෙද පටික්කම.
322. සහ සච්චෙ කතං මය්හං මහා පජ්ජලිතො සිඛී
වජ්ජෙසි සොළස කරීසානි උදකම්පත්වා යථා සිඛී
සච්චෙන මෙ සමො නත්ථි එසා මෙ සච්චපාරමීති.
වජ්ජෙසි සොළස කරීසානි උදකම්පත්වා යථා සිඛී
සච්චෙන මෙ සමො නත්ථි එසා මෙ සච්චපාරමීති.
වට්ටපොතක චරියං නවමං.
10. මච්ඡරාජ චරියං
323. පුනාපරං යදා හොමි මච්ඡරාජා මහාසරෙ
උණ්හෙ සුරියසන්තාපෙ සරෙ උදකං ඛීයථ.
උණ්හෙ සුරියසන්තාපෙ සරෙ උදකං ඛීයථ.
324. තතො කාකා ච ගිජ්ඣා ච බකා කුළල සෙනකා
භක්ඛයන්තී දිවා රත්තිං මච්ඡෙ උපනිසීදිය.
භක්ඛයන්තී දිවා රත්තිං මච්ඡෙ උපනිසීදිය.