10. මච්ඡරාජ චරියං
323. පුනාපරං යදා හොමි මච්ඡරාජා මහාසරෙ
උණ්හෙ සුරියසන්තාපෙ සරෙ උදකං ඛීයථ.
උණ්හෙ සුරියසන්තාපෙ සරෙ උදකං ඛීයථ.
324. තතො කාකා ච ගිජ්ඣා ච බකා කුළල සෙනකා
භක්ඛයන්තී දිවා රත්තිං මච්ඡෙ උපනිසීදිය.
භක්ඛයන්තී දිවා රත්තිං මච්ඡෙ උපනිසීදිය.
325. එවං චින්තෙසහං තත්ථ සහ ඤාතීහි පීළිතො
කෙන නුඛො උපායෙන ඤාති දුක්ඛා පමොචයෙ.
කෙන නුඛො උපායෙන ඤාති දුක්ඛා පමොචයෙ.
326. විචින්තයිත්වා ධම්මත්ථං සච්චං අද්දස පස්සයං
සච්චෙ ඨත්වා පමොචෙසිං ඤාතීනං තං අතික්ඛයං.
සච්චෙ ඨත්වා පමොචෙසිං ඤාතීනං තං අතික්ඛයං.
327. අනුස්සරිත්වා සද්ධම්මං පරමත්ථං විචින්තයං
අකාසිං සච්චකිරියං යං ලොකෙ ධුවසස්සතං.
අකාසිං සච්චකිරියං යං ලොකෙ ධුවසස්සතං.
328. යතො සරාමි අත්තානං යතො පත්තොස්මි විඤ්ඤුතං
නාභිජානාමි සඤ්චිච්ච එකපාණං විහිංසිතං
එතෙන සච්චවජ්ජෙන පජ්ජුන්නො අභිවස්සතු.
නාභිජානාමි සඤ්චිච්ච එකපාණං විහිංසිතං
එතෙන සච්චවජ්ජෙන පජ්ජුන්නො අභිවස්සතු.
329. අභිත්ථනය පජ්ජුන්න නිධිං කාකස්ස නාසය
කාකං සොකාය රුන්ධෙහි මච්ඡෙ සොකා පමොචය.
කාකං සොකාය රුන්ධෙහි මච්ඡෙ සොකා පමොචය.
330. සහකතෙ සච්චවරෙ පජ්ජුන්නො චාභිගජ්ජිය
ථලං නින්නඤ්ච පූරෙන්තො ඛණෙන අභිවස්සථ.
ථලං නින්නඤ්ච පූරෙන්තො ඛණෙන අභිවස්සථ.
331. එවරූපං සච්චවරං කත්වා විරියමුත්තමං
වස්සාපෙසිං මහා මෙඝං සච්චතෙජ බලස්සිතො
සච්චෙන මෙ සමො නත්ථි එසා මෙ සච්චපාරමීති.
වස්සාපෙසිං මහා මෙඝං සච්චතෙජ බලස්සිතො
සච්චෙන මෙ සමො නත්ථි එසා මෙ සච්චපාරමීති.
මච්ඡරාජ චරියං දසමං.
11. කණ්හදීපායන චරියං
332. පුනාපරං යදා හොමි කණ්හදීපායනො ඉසී
පරො පඤ්ඤාසවස්සානි අනභිරතො චරිං අහං.
පරො පඤ්ඤාසවස්සානි අනභිරතො චරිං අහං.
333. න කොචි එතං ජානාති අනභිරතිමනං මම
අහං කස්සචි නාචික්ඛිං අරති මෙ චරති මානසෙ.
අහං කස්සචි නාචික්ඛිං අරති මෙ චරති මානසෙ.
334. සබ්රහ්මචාරී මණ්ඩබ්යො සහායො මෙ මහාඉසී
පුබ්බකම්මසමායුත්තො සූලමාරොපණං ලභී.
පුබ්බකම්මසමායුත්තො සූලමාරොපණං ලභී.