5. සොණපණ්ඩිත චරියං
282. පුනාපරං යදා හොමි නගරෙ බ්රහ්මවඩ්ඪනෙ
තත්ථ කුලවරෙ සෙට්ඨෙ මහාසාළෙ අජායහං
තත්ථ කුලවරෙ සෙට්ඨෙ මහාසාළෙ අජායහං
283. තදාපි ලොකං දිස්වාන අන්ධභූතං තමොත්ථතං
චිත්තං භවතො පතිකුටති තුත්තවෙගහතං විය
චිත්තං භවතො පතිකුටති තුත්තවෙගහතං විය
284. දිස්වාන විවිධං පාපං එවං චින්තෙසහං තදා
කදාහං ගෙහා නික්ඛම්ම පවිසිස්සාමි කානනං.
කදාහං ගෙහා නික්ඛම්ම පවිසිස්සාමි කානනං.
285. තදාපි මං නිමන්තිංසු කාමභොගෙහි ඤාතයො
තෙසම්පි ඡන්දමාචික්ඛිං මානිමන්තෙථ තෙහි මං
තෙසම්පි ඡන්දමාචික්ඛිං මානිමන්තෙථ තෙහි මං
286. යොමෙ කණිට්ඨකො භාතා නන්දොනාමාසි පණ්ඩිතො
සොපි මං අනුසික්ඛන්තො පබ්බජ්ජං සමරොචයී.
සොපි මං අනුසික්ඛන්තො පබ්බජ්ජං සමරොචයී.
287. අහං සොණො ච නන්දො ච උභො මාතා පිතා මම
තදාපි භොගෙ ඡඩ්ඩෙත්වා පාවිසිම්හා මහාවනන්ති.
තදාපි භොගෙ ඡඩ්ඩෙත්වා පාවිසිම්හා මහාවනන්ති.
සොණපණ්ඩිත චරියං පඤ්චමං.
නෙක්ඛම්මපාරමිතා නිට්ඨිතා.
4. අධිට්ඨාන පාරමිතා
6. තෙමිය පණ්ඩිත චරියං
288. පුනා පරං යදා හොමි කාසිරාජස්ස අත්රජො
මූගපක්ඛොති නාමෙන තෙමියොති වදන්ති මං.
මූගපක්ඛොති නාමෙන තෙමියොති වදන්ති මං.
289. සොළසිත්ථි සහස්සානං න විජ්ජති පුමො තදා
අහොරත්තානං අච්චයෙන නිබ්බත්තො අහමෙකකො.
අහොරත්තානං අච්චයෙන නිබ්බත්තො අහමෙකකො.
290. කිච්ඡා ලද්ධං පියං පුත්තං අභිජාතං ජුතින්ධරං
සෙතච්ඡත්තං ධාරයිත්වාන සයනෙ පොසෙති මං පිතා.
සෙතච්ඡත්තං ධාරයිත්වාන සයනෙ පොසෙති මං පිතා.
291. නිද්දායමානො සයනවරෙ පබුජ්ඣිත්වානහං තදා
අද්දසං පණ්ඩරං ඡත්තං යෙනාහං නිරයං ගතො.
අද්දසං පණ්ඩරං ඡත්තං යෙනාහං නිරයං ගතො.
292. සහදිට්ඨස්ස මෙ ඡත්තං තාසො උප්පජ්ජි භෙරවො
විනිච්ඡයං සමාපන්නො කදාහං ඉමං මුඤ්චිස්සං.
විනිච්ඡයං සමාපන්නො කදාහං ඉමං මුඤ්චිස්සං.
293. පුබ්බසාලොහිතා මය්හං දෙවතා අත්ථකාමිනී
සාමං දිස්වාන දුක්ඛිතං තීසු ඨානෙසු යොජයී.
සාමං දිස්වාන දුක්ඛිතං තීසු ඨානෙසු යොජයී.
294. මාපණ්ඩිච්චං විහාය බාලමතො භව සබ්බපාණිනං
සබ්බො ජනො ඔචිනායතු එවං තව අත්ථො භවිස්සති.
සබ්බො ජනො ඔචිනායතු එවං තව අත්ථො භවිස්සති.
295. එවං වුත්තාය හං තස්සා ඉදං වචනමබ්රවිං
කරොමි තෙ නං වචනං යං ත්වං භණසි දෙවතෙ
අත්ථකාමාසි මෙ අම්ම! හිතකාමාසි දෙවතෙ!.
කරොමි තෙ නං වචනං යං ත්වං භණසි දෙවතෙ
අත්ථකාමාසි මෙ අම්ම! හිතකාමාසි දෙවතෙ!.
296. තස්සාහං වචනං සුත්වා සාගරෙව ථලං ලභිං
හට්ඨො සංවිග්ගමානසො තයො අඞ්ගෙ අධිට්ඨහිං.
හට්ඨො සංවිග්ගමානසො තයො අඞ්ගෙ අධිට්ඨහිං.