4. භිස චරියං
274. පුනා පරං යදා හොමි කාසීනං පුරවරුත්තමෙ
භගිනී භාතරො සත්ත නිබ්බත්තා සොත්ථියෙ කුලෙ.
භගිනී භාතරො සත්ත නිබ්බත්තා සොත්ථියෙ කුලෙ.
275. එතෙසං පුබ්බජො ආසිං ගිරි සුක්කමුපාගතො
භවං දිස්වාන භයතො නෙක්ඛම්මාභිරතො අහං.
භවං දිස්වාන භයතො නෙක්ඛම්මාභිරතො අහං.
276. මාතා පිතූහි පහිතා සහායා එකමානසා
කාමෙහි මං නිමන්තෙන්ති කුලවංසං ධාරෙහීති.
කාමෙහි මං නිමන්තෙන්ති කුලවංසං ධාරෙහීති.
277. යං තෙසං වචනං වුත්තං ගිහී ධම්මෙ සුඛාවහං
තම්මෙ අහොසි කඨිනං තත්තඵාලසමං විය.
තම්මෙ අහොසි කඨිනං තත්තඵාලසමං විය.
278. තෙ මං තදා උක්ඛීපන්තං පුච්ඡිංසු පත්ථිතං මම
කිං ත්වං පත්ථයසී? සම්ම! යදිකාමෙ න භුඤ්ජසී.
කිං ත්වං පත්ථයසී? සම්ම! යදිකාමෙ න භුඤ්ජසී.
279. තෙසාහං එවමවචං අත්ථකාමො හිතෙසිනං
නාහං පත්ථෙමි ගිහීභාවං නෙක්ඛම්මාභිරතො අහං.
නාහං පත්ථෙමි ගිහීභාවං නෙක්ඛම්මාභිරතො අහං.
280. තෙ මය්හං වචනං සුත්වා පිතු මාතු ච සාවයුං
මාතා පිතා එවමාහු සබ්බෙපි පබ්බජාම භො
මාතා පිතා එවමාහු සබ්බෙපි පබ්බජාම භො
281. උභො මාතා පිතා මය්හං භගිනී ච සත්ත භාතරො
අමිතං ධනං ඡඩ්ඩයිත්වා පාවිසිම්හා මහාවනන්ති
අමිතං ධනං ඡඩ්ඩයිත්වා පාවිසිම්හා මහාවනන්ති
භිස චරියං චතුත්ථං.
5. සොණපණ්ඩිත චරියං
282. පුනාපරං යදා හොමි නගරෙ බ්රහ්මවඩ්ඪනෙ
තත්ථ කුලවරෙ සෙට්ඨෙ මහාසාළෙ අජායහං
තත්ථ කුලවරෙ සෙට්ඨෙ මහාසාළෙ අජායහං
283. තදාපි ලොකං දිස්වාන අන්ධභූතං තමොත්ථතං
චිත්තං භවතො පතිකුටති තුත්තවෙගහතං විය
චිත්තං භවතො පතිකුටති තුත්තවෙගහතං විය
284. දිස්වාන විවිධං පාපං එවං චින්තෙසහං තදා
කදාහං ගෙහා නික්ඛම්ම පවිසිස්සාමි කානනං.
කදාහං ගෙහා නික්ඛම්ම පවිසිස්සාමි කානනං.
285. තදාපි මං නිමන්තිංසු කාමභොගෙහි ඤාතයො
තෙසම්පි ඡන්දමාචික්ඛිං මානිමන්තෙථ තෙහි මං
තෙසම්පි ඡන්දමාචික්ඛිං මානිමන්තෙථ තෙහි මං
286. යොමෙ කණිට්ඨකො භාතා නන්දොනාමාසි පණ්ඩිතො
සොපි මං අනුසික්ඛන්තො පබ්බජ්ජං සමරොචයී.
සොපි මං අනුසික්ඛන්තො පබ්බජ්ජං සමරොචයී.
287. අහං සොණො ච නන්දො ච උභො මාතා පිතා මම
තදාපි භොගෙ ඡඩ්ඩෙත්වා පාවිසිම්හා මහාවනන්ති.
තදාපි භොගෙ ඡඩ්ඩෙත්වා පාවිසිම්හා මහාවනන්ති.
සොණපණ්ඩිත චරියං පඤ්චමං.
නෙක්ඛම්මපාරමිතා නිට්ඨිතා.